يەر شارى تورى مۇخبىرى لى زوڭزې خەۋىرى: سىنگاپور «بىرلەشمە سەھەر گېزىتى» نىڭ 30- سېنتەبر فىلىپپىن تاراتقۇسىنىڭ ئۇچۇرىدىن نەقىل كەلتۈرۈپ بەرگەن خەۋىرىگە ئاساسلانغاندا، ئامېرىكا ئارمىيەسى بىلەن فىلىپپىن ئارمىيەسى 10- ئاينىڭ 8- كۈنىدىن 18- كۈنىگىچە، فىلىپپىندا «قۇرۇقلۇققا چىقىش 2012» ناملىق بىرلەشمە ھەربىي مانىۋېر ئۆتكۈزىدىكەن.
29- سېنتەبر، فىلىپپىن دېپلوماتىيە مىنىستىرلىقىنىڭ دەلىللىشىچە، 2600 نەپەر ئامېرىكا ئەسكىرى ۋە فىلىپپىننىڭ 1200 دىن ئارتۇق ئەسكىرى بۇ قېتىمقى مانېۋىرغا قاتنىشىدىكەن. فىلىپپىن دېپلوماتىيە مىنىستىرلىقىنىڭ ئاشكارىلىشىچە، بۇ قېتىمقى مانېۋىرنىڭ ئاساسلىق مەزمۇنى ئىنسانپەرۋەرلىك قۇتقۇزۇشى ۋە ئاپەتتىن ئالدىن سىگنال بېرىشنى ئۆز ئىچىگە ئالىدىكەن.
خەۋەردە مۇنداق دېيىلدى: دىققەت قىلىشقا ئەرزىيدىغىنى، ئامېرىكا- فىلىپپىن ئىككى تەرەپ مۇشۇ ئاينىڭ بېشىدا تېخى «2012 دېڭىز قىرغىقىنى نازارەت قىلىش سىستېمىسى ئىقتىدار مانېۋىرى» ئۆتكۈزگەنىدى.