9- ئاينىڭ 29- كۈنى چۈشتىن بۇرۇن، جۇڭگو جيۇچۈەن سۈنئىي  ھەمراھ قويۇپ بېرىش مەركىزىدە «ئۇزۇن سەپەر 2- نومۇر» لۇق توشۇغۇچى راكىتا بىلەن «ۋېنېسۇئېلا يىراقتىن سېزىش سۈنئىي ھەمراھى 1- نومۇر» نى بۇشلۇققا مۇۋەپپەقىيەتلىك قويۇپ بەردى ھەمدە بەلگىلەنگەن ئوربىتىغا كىرگۈزدى. بۇ جۇڭگونىڭ تۇنجى قېتىم خەلقئارا ئابونتلارغا يىراقتىن سېزىش سۈنئىي ھەمراھى ئېكسپورت قىلىشى ۋە ئوربىتىدا تاپشۇرۇش مۇلازىمىتى تەمىنلىشى ھېسابلىنىدۇ، شۇنداقلا جۇڭگو بىلەن ۋېنېسۇئېلا 2008- يىلى مۇۋەپپەقىيەتلىك ھالدا «ۋېنېسۇئېلا ئالاقىلىشىش سۈنئىي ھەمراھى 1- نومۇر» نى قويۇپ بەرگەندىن كېيىن يەنە بىر قېتىم ھەمكارلىشىشى ھېسابلىنىدۇ.