نيۇيورك شەھىرىنىڭ باشلىقى مايكول بلومبېرگ 29- سېنتەبر مۇنداق دېدى:
«نيۇيورك چاقپەلىكى» 2015- يىلى تۇنجى قېتىم ستانتون ئارىلىدا كىشىلەر بىلەن يۈز كۆرۈشىدۇ. بۇ چاقپەلەكنىڭ ئىگىزلىكى 625 فۇت بولۇپ، ھازىر دۇنيادىكى ئەڭ ئېگىز بولغان 541 فۇت ئىگىزلىكتىكى «سىنگاپور مەنزىرە چاقپىلىكى» دىن ئېشىپ، پات ئارىدا دۇنيادىكى ئەڭ ئېگىز چاقپەلەك بولۇپ قالىدۇ.

«نيۇيورك چاقپەلىكى» دە 36 سىلىندىر شەكىللىك «مەنزىرە خانىسى» بولۇپ، ھەر بىر خانىنىڭ ئىچىگە 40 كىشى سېغىندۇق، پۈتۈن مۇساپىسى 38 مىنۇت، بۇ چاقپەلەك چۈشتىن بۇرۇن سائەت 10 دىن كەچ سائەت 10 غىچە ئېچىلىدۇ. بۇنىڭغا ئولتۇرغان ساياھەتچىلەر مانخاتتوننىڭ گۈزەل مەنزىرىسىدىن ھوزۇرلىنالايدۇ. مۆلچەرلىنىشچە بۇ چاقپەلەك ھەر يىلى تۆت مىليون 500 مىڭ ساياھەتچىنى كۈتۈۋېلىشى مۇمكىن.

«نيۇيورك چاقپەلىكى» بۇ شەھەردىكى باشقا ساياھەت نۇقتىلىرىغا ئوخشىمايدۇ، ھەتتا بۇ پىلانىتىدىكى ھەر قانداق ساياھەت نۇقتىسىغا ئوخشىمايدۇ. ئۇ سىزگە تەسۋىرلىگۈسىز گۈزەل مەنزىرە ئاتا قىلىدۇ، شۈبھىسىزكى، ئۇ نيۇيوركتىكى ئەڭ ئالىي دەرىجەلىك ساياھەت ئەسلىھەسى بولۇپ قالغۇسى.

«نيۇيورك چاقپەلىكى» ياسالغاندىن باشقا، يەنە ستانتون ئارىلى دېڭىز ساھىلى رايونىدىكى نيۇيورك بويىچە تۇنجى داڭلىق ماركىلارنى ئېتىبار باھادا سېتىش مەيدانى ئۆزگەرتىلىدۇ. پارچە سېتىش مەيدانى 470 كۋادرات فۇت كېلىدىغان بولۇپ، ئىچىدە 100 داڭلىق ماركا دۇكىنى، تۈرلۈك ئاشخانا ۋە 200 ھۇجرىلىق مەيخانا بار.