ئەنگلىيە «كۈندىلىك پوچتا گېزىتى»نىڭ 9-ئاينىڭ 17-كۈنىدىكى خەۋىرى نۇر تورى تەرجىمىسى، يېقىندا، ئامېرىكا مىئامىدا بىر 13ياشلىق بالا قۇرامىغا يەتكەن ئادەملەر قاتارىدا سوت قىلىنغان، بۇ كىشلەرنىڭ مۇنازىرىسىنى قوزغىغان، خەۋەر قىلىشىچە، 13ياشلىق كىرىستىئان بىر يىل ئىلگىرى ئىككى ياشلىق ئىنىسىنى ئۇرۇپ ئۆلتۈرىۋەتكەنلىكى ئۈچۈن، ئىككى تۈرلۈك بىرىنچى دەرىجىلىك جىنايىتى بار دەپ ئەيىبلەنگەن.
  مىئامى دۇۋور ناھىيەسى يەرلىك سوت مەھكىمىسىنىڭ ماتىرىيالىغا ئاساسلانغاندا، 13ياشلىق كىرىستىئان.فېرماندىز 1999-يىلى تۇغۇلغان، ئەينى ۋاقىتتا ئۇنىڭ ئانىسى 12ياش، ئۇنىڭ 25ياشلىق ئاتىسى ئۇ تۇغۇلۇپ ئۇزۇن بولماي باسقۇنچلىق جىنايىتى بىلەن تۈرمىگە قامالغان. ئىككى يىلدىن كېيىن، يالىڭاچ ھەم پۈتۈن بەدەنلىرى مەينەت بولۇپ كەتكەن كىرىستىئان ئانا-بالا يېرىم كېچە تۆتتە بىر موتېل يېنىدىكى كوچىدا كېتىۋاتقاندا بايقالغان، كىرىستىئاننىڭ چوڭ ئانىسى دەل مۇشۇ موتېلدا تۇرىدىغان بولۇپ، ياتاقتا قالايمىقان چېچىلىپ تۇرغان كوكائىن بايقالغان، شۇنىڭدىن كېيىن ئانا-بالا ئىككىسىنى شۇ يەر ھۆكۈمىتى ئېلىپ كېتىپ ھالىدىن خەۋەر ئالغان.
  2007-يىلى، سەككىز ياشقا كىرگەن كىرىستىئان يېشى ئۆزىدىن چوڭ نەۋرە ئاچىسى تەرىپىدىن جىنسىي پاراكەندىچىلىككە ئۇچرىغان، ئۇ ئەينى ۋاقىتتا مۈشۈك ئۆلتۈرۈپ باققان، ساۋاقداشلىرى بىلەن ھەرخىل بولمىغۇر ئىشلارنى دوراپ ئوينىغان، مەكتەپتە بولسا قاملاشمىغان ئىشلارنى قىلىپ يۈرگەن. 2010-يىلى 10-ئايدا، ئۇ ئانىسى ھەم ئۆگەي ئاتىسى بىلەن بىللە تۇرغان، ئەينى ۋاقىتتا ئۇ ناھايىتى ئېغىر كۆز كېسەللىكىگە گىرىپتار بولۇپ قالغان، كېيىن ئۇ ئۆگەي ئاتىسىنىڭ ئۇنى ئۇرۇپ باققانلىقىنى ئېيىتقان، ساقچىلار ئۇلارنىڭ ئۆيىگە يېتىپ بارغاندا ئۇنىڭ ئۆگەي ئاتىسىنىڭ ئۆزىنى ئۆلتۈرىۋالغانلىقىنى بايقىغان.
  2011-يىلى 6-ئاينىڭ 3-كۈنى، كىرىستىئاننىڭ ئىككى ياشلىق ئۇكىسى دەۋىدنىڭ ئۆيىدە ئۆلۈپ قالغانلىقى بايقالغان، بۇ كىچىك بالىنىڭ باش سۆڭىكى سۇنۇپ كەتكەن، بېشىدىن قان ئېقىۋاتقان بولۇپ، سول كۆزىدە كۆك باركەن، قاتىل بولسا دەل ئۇنىڭ ئاكىسى كىرىستىئانكەن.
  ھازىر، كىرىستىئان تەكشۈرگۈچى خادىملار بىلەن روھىي كېسەللىك دوختۇرىغا ئۆزىنىڭ جىنايىتىنى ئىقرار قىلغان ھەم ناھايىتى تۇراقسىز ھەم قالايمىقان بولغان تۇرمۇشىنى سۆزلەپ بەرگەن، ئۇ ئۆگەي ئاتىسىنىڭ ئۇنى خورلىشىنىڭ ئۇنىڭ باشقىلارغا زىيانكەشلىك قىلىشىنى كەلتۈرۈپ چىقارغانلىقىنى ئېيىتقان. ئۇ ھازىر قۇرامىغا يەتكەنلەر سالاھىيتىدە ئەرز قىلىنغان، بۇنىڭلىق بىلەن ئۇ شۇ يەردىكى يېشى ئەڭ كىچىك جىنايەتچى بولۇپ قالغان ھەمدە قانۇننىڭ جازاسىنى ئىجرا قىلىشنى ساقلاۋاتىدۇ، ئۇنىڭغا ئىككى تۈرلۈك بىرىنچى دەرىجىلىك جىنايەت بېكىتىلگەن بولۇپ، قايسىلا كۈچكە ئىگە بولسا ئۇ مەڭگۈلۈك قاماق جازاسىغا تارتىلىدىكەن.
  ئۇنىڭ قۇرامىغا يەتكەنلەر قاتارىدا سوت قىلىنىشى بىر قىسىم كىشلەرنىڭ قوللىشىغا ئېرىشسە بىر قىسىم كىشلەرنىڭ تەنقىدلىشىگە ئۇچرىغان. قوللىغۇچىلار بولسا بۇ خىل ئېغىر جىنايەت چوقۇم مۇشۇ خىل ئۇسۇلدا جازالىنىشى كېرەك دېگەن، قارشى تۇرغۇچىلار بولسا ئۇنىڭ يېشى تېخى كىچىككەن، يەرلىك ھۆكۈمەت ئۇنىڭ پىسخىكىسىنى داۋالاشقا ياردەم قىلىپ، ئۇنىڭغا بىر قېتىم پۇرسەت بېرىشى لازىم، بۇنى سوت مەھكىمىسى ئەمەس بەلكى ياش-ئۆسمۈرلەر ئەدلىيە ئورگىنى سوتلىشى لازىم دېيىشكەن.