ئوت كەتكەن گاز زاۋۇتىدا 26 ئادەم قازا قىلدى

جۇڭگو ئاخبارات تورى 19- سېنتەبىر تېلېگراممىسى. چەتئەل تاراتقۇلىرىنىڭ خەۋىرىگە ئاساسلانغاندا، مېكسىكىغا يېقىن ئامېرىكا چېگرىسى ئەتراپىدىكى رايونىدا بىر تەبىئىي گاز پىششىقلاش زاۋۇتىغا 18-سېنتەبىر ئوت كېتىپ 26 ئادەمنىڭ ئۆلۈشىنى كەلتۈرۈپ چىقاردى. ئوت كەتكەن زاۋۇت مېكسىكىنىڭ شەرقى شىمالىي قىسمىدىكى تاماۋلىپاس ئۆلكىسى لىنوسا شەھىرىگە يېقىن جايغا جايلاشقان. تېلېۋىزوردا كۆرسىتىلىشىچە، ئوت يالقۇنى ۋە قويۇق ئىس-تۈتەك پۈتۈنلەي قاپلىغان. ئوت كەتكەن زاۋۇت بولسا، مېكسىكا خەلقئارالىق نېفىت شىركىتىگە قاراشلىق. داۋالاش خادىمىنىڭ دېيىشىچە، تەخمىنەن 40 ئادەم دوختۇرخانىدا داۋالىنىۋاتىدۇ. نېفىت شىركىتىدىكىلەرنىڭ كۆرسىتىشىچە، مۇتەخەسسىسلەر ئوت كېتىشنىڭ سەۋەبىنى تەكشۈرۈۋاتىدۇ. ھۆددىگە ئالغان دېروپىسنىڭ دېيىشىچە، ئوت ئاپىتى بەلكىم ماي باكلىق ئاپتوموبىل زاپاس ماي باكىغا توشقۇزۇش ۋاقتىدا ماي يوللاش تۇرۇبىسىنىڭ بىخەتەرلىك كىلاپانى توسقۇنلۇققا ئۇچراپ، ئوت يالقۇنى پەيدا قىلىپ پارتلاش يۈز بەرگەن.