لىۋىيە ئامېرىكا باش ئەلچىسىنى ئۆلتۈرگەن جىنايەتچىنى بايقىدى - huxhuy online----Sports|world News|it News|china News|Local News Business

[ئەنگلىيە«مۇھاپىزەت گېزىتى»تور بېكىتىنىڭ 18-سىنتەبىر خەۋىرى] لىۋىيە مىللىي پارلامېنتىنىڭ رەئىسى-Magariaf ماگارىياف: ئامېرىكىنىڭ باش ئەلچىسى ستېۋىنسنى قەستلەپ ئۆلتۈرگەن قوراللىق ئۇنسۇرلارغا ھەربىي ھەرىكەت قوللىنىشنى ئويلىشىۋاتىمىز،دېدى.
    ماگارىياف يەنە ۋاشىنگتوندىن كەلگەن خەۋەرنى دەلىللىدى. خەۋەردە مۇنداق دېيىلدى: ئامېرىكا ئەمەلدارى ئامېرىكىنىڭ بېنغازىدىكى كونسولخانىسىغا ھۇجۇم قىلىش پىلانى مۇزاكىرە قىلىنغان ئۇچۇرنى قولغا چۈشۈردى، ئۇ، بۇ قېتىمقى ھۇجۇم ۋەقەسىنىڭ ئىسلام مەغرىب «بازا» تەشكىلاتى ۋە «ئىسلام شەرىيىتىنىڭ قوللىغۇچىلىرى»تەشكىلاتى بىلەن مۇناسىۋەتلىك ئىكەنلىكىنى ئېيتتى.
      ماگارىياف : قولغا چۈشۈرۈلگەن بۇ ئاخباراتلار باشقا دەلىل-ئىسپاتلار بىلەن ماس كېلىدۇ، ئۇ «ئىسلام شەرىيىتى قوللىغۇچىلىرى»تەشكىلاتى ئەزالىرىنىڭ   سەيشەنبە كېچىدە يۈزبەرگەن ئامېرىكا كونسوخانىسىغا ۋە ئاھالىلەر ئولتۇراق رايونىغا ھۇجۇم قىلىش ۋەقەسىگە قاتناشقانلىقىنى چۈشەندۈرۈپ بەردى،دېدى . ئۇ مۇنداق دېدى:«بۇ قېتىمقى ھۇجۇم توغرىسىدا، <ئىسلام شەرىيىتى قوللىغۇچىلىرى>تەشكىلاتىنىڭ ئىچكىي قىسمىدا ئىختىلاپ بولغاندەك قىلىدۇ، بەزىلەر قاتنىشىمىز دېسە، يەنە بەزىلەر قاتناشمايمىز، دېگەن. بىز بۇ ئىشنى تەكشۈرىۋاتىمىز».
     ئۇ جامائەتچىلىكنىڭ دۈشمەنلىشىش كەيپىياتىنى قوزغاپ قويۇشتىن ئەندىشە قىلغاچقا، ئامېرىكىنى ئۆز ئالدىغا ھەرىكەت قوللانماسلىققا دەۋەت قىلدى. ماگارىياف:«بىز ھىچقانداق ئىككىلەنمەستىن ھەرىكەت قوللىنىپ ، مەجبۇريىتىمىزنى ئادا قىلىمىز. ئالدى بىلەن بىز ئۆزىمىز ھەرىكەت قوللىنىپ باقايلى، ئەگەر ھەرىكىتىمىز ئۈنۈملۈك بولمىسا، ئۇنداقتا بىزگە كىم ياردەم بېرەلىسە شۇ كېلىپ ھەرىكەت قوللانسۇن»،دېدى.
   [فىرانسىيە ئاخبارات ئاگېنتلىقى، ترىپولى،18-سىنتەبىر تېلېگراممىسى] لىۋىيە يەكشەنبە ئامېرىكىنىڭ باش ئەلچىسىنى ئۆلتۈرۈش ۋەقەسىگە قاتناشقان 50نەچچە جىنايەت گۇماندارىنى قولغا ئالدى ھەم بېنغازى ھۇجۇم ۋەقەسىنى چەت ئەللىك رادىكال ئۇنسۇرلارغا دۆڭگەپ : بۇ ۋەقە ئالدىن پىلانلانغان ،دېدى.