تۈركىيەنىڭ شەرقىدىكى پارتلاشتا سەككىز ساقچى قازا قىلدى - huxhuy online----Sports|world News|it News|china News|Local News Business

تۈركىيە ئانادولۇ ئاخبارات ئاگېنتلىقىنىڭ 16–سېنتەبىردىكى خەۋىرىگە ئاساسلانغاندا، تۈركىيە ساقچى ئاپتوموبىلى شۇ كۈنى بىنگول ئۆلكىسى بىلەن ئەرزۇرۇم ئۆلكىسى ئارىلىقىدىكى تاشيولدا كېتىۋاتقاندا ، كورد ئىشچىلار پارتىيەسى قوراللىق خادىملىرى كۆمۈپ قويغان مىنانىڭ ھۇجۇمىغا ئۇچراپ ، سەككىز نەپەر ساقچى نەق مەيداندا قازا قىلغان ، ئۇنىڭدىن باشقا توققۇز نەپەر ساقچى يارىلانغان.
تۈركىيە بىنگول ئۆلكىلىك ھۆكۈمەت 16-سىنتەبىر ئىلان قىلغان باياناتىدا مۇنداق دېيىلگەن: تۈركىيە بېخەتەرلىك قىسمى خاكار ئۆلكىسىدىكى ھەربىي ھەرىكەتتە كورد ئىشچىلار پارتىيىسىنىڭ 28 نەپەر قوراللىق خادىمىنى ئىتىپ ئۆلتۈرگەن. ئۆتكەن 10 كۈن ئىچىدە تۈركىيە بېخەتەرلىك قىسمى بۇ ئۆلكىدە جەمئىي 123 نەپەر كورد قوراللىق خادىمىنى ئىتىپ ئۆلتۈرگەن.
باشقا خەۋەرلەرگە ئاساسلانغاندا، تۈركىيە ساقچى ئاپتوموبىلى 15-سىنتەبىر چۈشتىن كېيىن خاكار-كورجا تاشيولىدا كېتىۋاتقاندا كورد ئىشلار پارتىيىسى قوراللىقلىرى كۆمۈپ قويغان مىنا ھۇجۇمىغا ئۇچراپ تۆت نەپەر ساقچى پارتىلاپ ئۆلگەن، ئۇندىن باشقا بەش نەپەر ساقچى يارلانغان.
كورد ئىشلار پارتىيىسى 1979-يىلى قۇرۇلغان بولۇپ، قورال كۈچى ئارقىلىق تۈركىيەنىڭ شەرقىي قىسمى، شەرقىي جەنۇبىي قىسمى بىلەن ئىراق، ئىران ۋە سۈرىيە چېگرىلىنىدىغان كورد مىللىتى توپلىشىپ ئولتۇراقلاشقان رايوننى مۇستەقىل دۆلەت قىلىپ چىقىشقا ئۇرۇنۇپ كەلمەكتە.

ھوجۇم قىلىش ۋەقەسىدە قازا قىلغان ساقچىلارنىڭ ئائىلە تاۋاباتلىرى قايغۇرماقتا

ساقچىلار يوللاردا تەكشۈرۈش پۇنكىتلىرىنى قۇرۇپ يولدىن ئۆتكەن ئاپتوموبىللارنى قاتتىق تەكشۈرمەكتە

ۋەقەدە يارلانغان ساقچىلار جىددىي قۇتقۇزۇش ماشىنىسى بىلەن دەرھال دوختۇرخانىغا ئېلىپ بېرىپ قۇتقۇزۇلدى.