دۇنيادىكى كارامەت قىممەت 10چوڭ ئېنېرگىيە تۈرىنى ئاڭلىغانمۇ - huxhuy online----Sports|world News|it News|china News|Local News Business

[ئامېرىكا «بايلىق»قوش ھەپتىلىك ژۇرنىلى تور بېكىتىنىڭ 18-سېنتەبىر خەۋىرى]
     10-رەتتە تۇرۇدىغىنى: جۇڭگو سەنشا چوڭ توسمىسى (28مىليارد دوللار)
    چاڭجياڭ دەرياسىدا چوڭ توسما ياساش تەسەۋۋۇرى 70يىل ئىلگىرىلا پەيدا بولغان بولسىمۇ، لېكىن جۇڭگو ھۆكۈمىتى 1992-يىلى ئاندىن بۇ تۈرنى تەستىقلىغان.
    سەنشيا تۈرىدە باسقۇچلارغا بۆلۈنۈپ توك سىمى تارتىلىپ، بۇ يىل يازدا ئاندىن ئومۇميۈزلۈك توك تارقىتىلدى. سەنشيا چوڭ توسمىسى يىلدا 84مىليارد 700مىليون كىلوۋات توك تارقاتقاندا، جۇڭگونىڭ %10ئېلېكتر ئېنېرگىيەسىنى تەمىنلىيەلەيدۇ.
     9-رەتتە تۇرۇدىغىنى: ئاۋسترالىيەGLNGتۈرى (30مىليارد دوللار)
     بۇ تۈر كۆمۈر قاتلىمىدا بايقالغان تەبىئىي گاز تۇرۇبا يولى ئارقىلىق 260مىل يىراقلىققا توشۇلىدىغان كىچىك ئارالدا تەتقىق قىلىنىۋاتىدۇ.
    ئۇ يەردە تەبىئىي گاز نۆلدىن تۆۋەن 258 گىرادۇستا سوۋۇتۇپ سۇيۇقلاندۇرۇلۇپ، ئاندىن نېفىت پاراخوتىغا قاچىلىنىپ ئېكسپورت قىلىنىدۇ. تەبىئىي گاز ئېنېرگىيە كارخانىسى ۋە باشقا كۆپ خىل سانائەتتە ئىشلىتىلىدۇ، يەنە ئىستېمالچىلار ئىسسىنىش ياكى تاماق ئېتىشكە ئىشلەتسىمۇ بولىدۇ.
     بۇ قېتىمقى باھالانغان ئون چوڭ ئېنېرگىيە تۈرىنىڭ ئالتىسى ئاۋسترالىيەدە بولۇپ، بۇ ئاۋسترالىيەنىڭ زور مىقداردىكى تەبىئىي بايلىققا ئىگە ئىكەنلىكىنى شۇنداقلا تېز سۈرئەتتە ئېشىۋاتقان ئاسىيا بازىرى بىلەن بولغان قويۇق مۇناسىۋىتىنى كۆرسىتىپ بېرىدۇ.
     8-رەتتە تۇرۇدىغىنى: كاناداKearIتۈرى (33مىليارد دوللار)
   بۇ ياسىلىۋاتقان ئەڭ چوڭ مايلىق قۇم تۈرى بولۇپ، بۇ تۈر تاماملانسا ئابېرتا ئىشتاتىنىڭ شىمالىدىكى نېفىت قېزىش تۈرىدە كۈندە 345مىڭ تۇڭ نېفىت ئىشلەپچىقارغىلى بولىدۇ.
بۇ تۈردە مايلىق قۇم ئارىسىدىن ئايرىپ ئېلىنغان قارىماي قايتا تاۋلىنىپ خام نېفىتقا ئايلاندۇرۇلىدۇ.
     بۇ تۈرنىڭ باياناتچىسى: نېفىت تۇرۇبا يولى ئارقىلىق شىمالىي ئامېرىكادىكى نېفىت ئايرىش زاۋۇتىغا توشۇلىدۇ، دېدى.
     7-رەتتە تۇرىدىغىنى: ئاۋسترالىيە كۋېنسلاند كۇرتىس سۇيۇقلاندۇرۇلغان تەبىئىي گاز تۈرى (34مىليارد دوللار)
      بۇ ئاۋسترالىيەنىڭ شەرقىي شىمالىدىكى يەنە بىر كۆمۈر قاتلىمىدىن تەبىئىي گاز ئېلىنىدىغان تۈر.
   تەبىئىي گازنىڭ 2014-يىلىدىن باشلاپ ئىشلەپچىقىرىلىپ، جۇڭگو، ياپونىيە، سىنگاپور ۋە چىلى قاتارلىق تىنچ ئوكيان بازىغا سېتىلىدىغانلىقى مۆلچەرلەنمەكتە.
   6-رەتتە تۇرىدىغىنى: ئاۋسترالىيە ۋېتستون تۈرى (35مىليارد دوللار)
        بۇ ئاۋسترالىيەنىڭ شىمالىدىكى يەنە بىر سۇيۇقلاندۇرۇلغان تەبىئىي گاز تۈرى. «Chevron»شىركىتى بۇ تۈرنىڭ ٪64پاي چېكىنى ئىگىلىگەن بولۇپ، بۇ تۈر بۇ شىركەتنىڭ دۇنيادا باشلامچىلىق بىلەن تەتقىق قىلىپ ئېچىۋاتقان تۈرلىرىنىڭ بىرى ھېسابلىنىدۇ.
   5-ئورۇندا تۇرۇدىغىنى: ئاۋسترالىيە تىنچ ئوكيان سۇيۇقلاندۇرۇلغان تەبىئىي گاز تۈرى (37مىليارد دوللار)
     بۇ تۈردە ئاۋسترالىيەنىڭ شەرقىي شىمالىدىكى كۆمۈر قاتلىمىدىن تەبىئىي گازنى ئايرىلىدۇ.
       جۇڭگو نېفىت خىمىيە گۇرۇھى بۇ يەردىن 20يىللىق تەبىئىي گاز سېتىۋېلىشقا قوشۇلدى. ياپونىيە«Kansai»ئېلېكتر شىركىتىمۇ بۇ يەردىكى تەبىئىي گازنىڭ بىر قىسمىنى سېتىۋېلىشقا قوشۇلدى.
     4-رەتتە تۇرىدىغىنى: روسىيەنىڭ شىمالىي قۇتۇپتىكى نېفىتلىك تۈرى (41مىليارد دوللار)
    شىمالىي قۇتۇپتىكى بۇ نېفىتلىك كارا دېڭىزىغىچە سوزۇلغان يېرىم ئارالغا جايلاشقان بولۇپ، مۆلچەرلىنىشىچە، بۇ يەردە 173تىرىليون كۇب فۇت تەبىئىي گاز بار ئىكەن.
    يىراق چەت رايوندا ئۇل ئەسلىھە قۇرۇش ئاسانغا توختىمايدۇ. روسىيە تەبىئىي گاز سانائىتى پاي چەكلىك شىركىتىنىڭ قۇرۇلۇش ئەشيالىرى ھەم تەبىئىي گاز توشۇش ئۈچۈن تۇرۇبا يولى ياسىشىغا توغرا كېلىدۇ.
   3-رەتتە تۇرىدىغىنى: ئاۋسترالىيەArcher Atlantis تۈرى (43مىليارد دوللار)
    بۇ تۈر ئاۋسترالىيەنىڭ غەربىي شىمالىدىكى دېڭىزغا جايلاشقان. تەبىئىي گاز بىلەن گازلىق ئارىلاشما ماددا دېڭىز يۈزىدىن سۈزۈۋېلىنغاندىن كېيىن ئايرىۋېلىنىدۇ. گازلىق ئارىلاشما ما
ددىسىنى نېفىت خىمىيە مەھسۇلاتى ۋە بېنزىن ئىشلەپچىقىرىشقا ئىشلەتكىلى بولىدۇ.
     شۇنىڭ بىلەن بىللە، تەبىئىي گاز 550مىل ئۇزۇنلۇقتىكى دېڭىز ئاستى تۇرۇبا يولى ئارقىلىق دېڭىز قىرغىقىنىڭ يېنىدىكى زاۋۇتقا توشۇلۇپ، سۇيۇقلاندۇرۇلغان تەبىئىي گازغا ئايلاندۇرۇلىدۇ.
     2-رەتتە تۇرىدىغىنى: ئاۋسترالىيەنىڭ كولگوڭ تۈرى (57مىليارد دوللار)
      كولگوڭ تۈرى ئاۋسترالىيەنىڭ تارىخىدىكى ئەڭ چوڭ تەبىئىي گاز تۈرى شۇنداقلا دۇنيادىكى ئەڭ چوڭ تەبىئىي گاز تۈرىنىڭ بىرى بولۇپ، «Chevron»شىركىتى بۇ تۈرنى ئېچىشقا مەسئۇل ئاساسلىق شىركەت ھېسابلىنىدۇ. بۇ تەبىئىي گازلىق ئاۋسترالىيەنىڭ غەربىي شىمالىدىكى دېڭىزغا 80دىن 125مىلغىچە كېلىدىغان جايغا جايلاشقان بولۇپ، 40تىرىليون كۇب فۇت تەبىئىي گاز بارلىقى، 2014-يىلىدىن باشلاپ ئىشلەپچىقىرىشقا كىرىشتۈرۈلىشى مۆلچەرلەنمەكتە.
    1-رەتتە تۇرىدىغىنى: قازاقىستاننىڭ كاشاگان نېفىتلىكى (116مىليارد دوللار)
   كاشاگان نېفىتلىكى ئۆتكەن 40يىلدىن بۇيان بايقالغان ئەڭ چوڭ نېفىتلىكنىڭ بىرى بولۇپ، دۇنيادا ئېچىلىۋاتقان ئەڭ چوڭ سانائەت ئېچىش تۈرلىرىنىڭ بىرى ھېسابلىنىدۇ.
      بۇ نېفىتلىك كاسپى دېڭىزىنىڭ شىمالىغا جايلاشقان بولغاچقا ئارقا سەپ تەمىناتى خىرىسقا دۇچ كەلگەن. نېفىتنى بىر-بىرىگە تۇتاشتۇرۇلغان تۆمۈر يول لىنىيەسى، تۇرۇبا يولى ۋە پاراخوت ئارقىلىق توشۇشقا توغرا كېلىدۇ.