جۇڭگو ئاخبارات تورىنىڭ 9-ئاينىڭ 18-كۈنىدىكى تېلېگراممىسى
چەتئەل تاراتقۇلىرى خەۋىرى، ئىككى ياشلىق ئامېرىكىلىق بالا لىنكون باشقىلار تەرىپىدىن مۆجىزە بالا دەپ ئاتالغان. ئۇ تۇغۇلغاندىلا ناھايىتى ئېغىر كېسەلگە گىرىپتار بولۇپ قالغان بولۇپ، لېكىن ئۇ كېسەل ئالۋاستىسىنىڭ قولىدىن مۆجىزىلەرچە قۇتۇلۇپ ناھايىتى ساغلام بالا بولۇپ چوڭ بولغان، لېكىن ئويلاپ باقمىغان يەردىن بۇ قېتىم ئۇ ئۆلۈمنىڭ ئاغزىدىن قۇتۇلۇشقا ئامالسىز قالغان، ئۇ دادىسىنىڭ تاپانچىسىنى ئوينىغاندا تەپكىسىنى بېسىپ سېلىپ مېڭىسىگە ئوق تېگىپ ئۆلۈپ كەتكەن.
   خەۋەر قىلىشىچە، لىنكون تۇغۇلغاندا نۇرغۇن ئەگەشمە كېسەل ئۇنى چىرمىۋالغان بولۇپ، ئۇ تۇغۇلۇپ ئالدىنقى ئىككى ئاينى دوختۇرخانىدىلا ئۆتكۈزگەن، دوختۇرلارنى ھەيران قالدۇرغىنى، ھايات قېلىش ئېھتىماللىقى ناھايىتى كىچىك بۇ بالا مۆجىزىلەرچە ساقىيىپ ساغلام بولۇپ كەتكەن، كېسەللىك ئۇنىڭ تېنىدە ھېچقانداق ئىزنالارنى قالدۇرمىغان.
  لېكىن بۇ ئۆلۈم ئۇنىڭ بېشىغا يەنە بىر قېتىم كەلگەن، ئالدىنقى ھەپتە ئۇ يۇتا ئشتاتى شىپرۇنۋېدىكى ئۆيىدە ئويناۋاتقاندا دادىسىنىڭ تاپانچىسىنى ئېلىپ، ئويناش جەريانىدا تەپكىسىنى بېسىپ مېڭىسىگە ئوق تېگىپ شۇ يەردىلا جان ئۈزگەن.
   مەلۇماتلارغا ئاساسلانغاندا، لىنكوننىڭ دادىسى ساقچى بولۇپ، ئوغلى مېڭىسىگە ئېتىۋالغان تاپانچا ساقچىلار ئىشلىتىدىغان تاپانچا ئەمەسكەن. نۆۋەتتە، شۇ يەر تەپتىش ئەمەلدارى بۇ ئىشقا قارىتا تەكشۈرۈش ئېلىپ بارغان، ئىسپاتلارغا ئاساسلانغاندا بۇ بىر كۈتۈلمىگەن كېلىشمەسلىك بولغاچقا لىنكوننىڭ ئاتا-ئانىسى ئەرز قىلىنمايدىكەن. لېكىن بۇ لىنكوننىڭ ئائىلىسىگە زور ئازاب ئېلىپ كەلگەن.