يەر شارى تورى خەۋىرى نۇر تورى تەرجىمىسى، ئەنگلىيە «كۈندىلىك پوچتا گېزىتى»9-ئاينىڭ 18-كۈنىدىكى خەۋىرىدىن ئىگىلىنىشىچە، يېقىندا يېڭى بىر كىتاب ۋە بىر كۆرگەزمىدە 35-نۆۋەتلىك ئامېرىكا زۇڭتۇڭى كېنىدىي ۋە ئۇنىڭ ئايالى جاسكىلىنانىڭ بىر يۈرۈش قىممەتلىك سۈرەتلىرى ئېلان قىلىنىپ، پۈتۈن دۇنيا دىققىتىنى تارتقان بىر جۈپ ئەر ئايالنىڭ سېھرىي كۈچى ۋە سالاپىتىنى نامايان قىلدى. بۇ سۈرەتلەر ئۇلارنىڭ يېقىن دوستى، ئامېرىكا ‹تۇرمۇش›ژۇرنىلىنىڭ فوتوگرافى مارك شاۋ تەرىپىدىن تارتىلغان ھەمدە بۇ سۈرەتلەر تۇنجى قېتىم ئاشكارىلانغان.
مارك تارتقان بۇ سۈرەتلەر ئامېرىكا زۇڭتۇڭ ئائىلىسىنىڭ مول ھەم رەڭدار تۇرمۇش كارتىنىسىنى نامايان قىلغان. سۈرەتتىكى ئورۇنلار بولسا ماسسا چۇسېتس ئىشتاتى، ۋېرگىنىيە ئىشتاتى، ئىتالىيە قاتارلىق رايونلار بولۇپ بۇ جايلارنىڭ ئاجايىپ ئېسىل مەنزىرىسى بىر ئائىلە كىشىلىرى خۇشاللىقىنى تېخىمۇ نامايان قىلغان.
