ئامېرىكا تاراتقۇلىرى جۇڭگو ئالاھىدە قىسمىدىن تەشۋىشلەندى - huxhuy online----Sports|world News|it News|china News|Local News Business

[ئامېرىكا ئىستراتېگىيە بېتى تور بېكىتىنىڭ 19-سېنتەبىر خەۋىرى] جۇڭگو ئالاھىدە قىسىمىنىڭ تەرەققىياتى خېلى كېيىن. ئەڭ بۇرۇنقى بەزى قىسىملار ئۆتكەن ئەسىرنىڭ 80-يىللىرىنىڭ ئاخىرى قۇرۇلغان. يېقىنقى ئون يىلدا، جۇڭگو ئۆزىنىڭ ئالاھىدە قىسىمىنى تېخىمۇ كۆپ كىشىگە بىلدۈرۈپ، ئۇلارنى خەلقئارا ھەرىكەتلەرگە قاتنىشىشقا ئەۋەتتى، ھەتتا ش ئا ئە ت قوزغىغان خەلقئارا ئالاھىدە قىسىم مۇسابىقىسىگە قاتناشتۇردى. جۇڭگونىڭ تۇيۇقسىز زەربە بېرىش ئەترىتى 2009-يىلىدىكى مۇسابىقىگە قاتنىشىپ، ئەڭ كۆپ غەلىبىگە ئېرىشتى ھەم بىرنەچچە تۈردە رېكورتنى بۇزدى.
     جۇڭگو ئالاھىدە قىسىمىنىڭ كۆلىمى كىچىك، جابدۇقلىرى خىل، مەشىق ساپاسى يۇقىرى. جۇڭگو ئالاھىدە قىسىمىدىكى ئەسكەرلەرنىڭ سانى 5000 غىمۇ يەتمەيدۇ، ئۇلار 6-ئالاھىدە جەڭ قىلىش قىسىمى، 8-ئالاھىدە جەڭ قىلىش قىسىمى، 12-ئالاھىدە جەڭ قىلىش تارماق قىسىمى ۋە دېڭىز ئارمىيەسى تۇيۇقسىز زەربە بېرىش قىسىملىرىغا ئايرىلىدۇ. ئالاھىدە قىسىمنىڭ ئەسكەرلىرى ئاساسلىقى پاراشۇتچىلار قىسىمى 15-جۈندىن كەلگەن ئەسكەرلەردۇر. شۇڭا جۇڭگولۇق ئەسكەرلەرنىڭ ھەممىسى تۇيۇقسىز زەربە بېرىش قىسىمىغا كىرىش ئۈچۈن ئالدى بىلەن ھاۋا ئارمىيەسىگە كىرىش كېرەكلىكىنى بىلىدۇ.
    1991-يىلى دېڭىز قولتۇقى ئۇرۇشى مەزگىلىدە، جۇڭگونىڭ ئاران نەچچە يۈزلا ئەسكىرى بار تۇيۇقسىز زەربە بېرىش قىسىمى بار بولۇپ، ئۇلار ئاساسلىقى يىراق مۇساپىلىك چارلاش ۋەزىپىسىنى ئىجرا قىلاتتى. لېكىن ئامېرىكا ئالاھىدە قىسىمىدىكى ئەسكەرلەرنىڭ پارس قولتۇقىدىكى ھەرىكەتلىرىنى ئۆز كۆزى بىلەن كۆرگەندىن كېيىن، جۇڭگو ئامېرىكىنىڭ تۇيۇقسىز زەربە بېرىش قىسىمىغا ئوخشاش قىسىم تەشكىللەشكە باشلىدى. 2001-يىلى ئافغانىستان ئۇرۇشى پارتلىغاندا، جۇڭگو ئامېرىكا ئالاھىدە قىسىمى ۋە ئەنگلىيە ئالاھىدە پاراشۇت قىسىمىغا ئوخشاش تۇيۇقسىز زەربە بېرىدىغان قىسىملارنى تېخىمۇ كۆپ تەرەققىي قىلدۇرۇشنى قارار قىلدى.
    ھازىر، جۇڭگو 20 يىللىق ئالاھىدە قىسىم ئەسكەرلىرىنى يىغىپ قوبۇل قىلىشقا ۋە مەشىقلەندۈرۈشكە باشلىدى. بۇ ئۇلاردا تەجرىبىسى مول بولغان نەچچە يۈزلىغان ئالاھىدە جەڭ قىلغۇچىلار بار ئىكەنلىكىنى، ھەربىر ئەسكەرنىڭ ئون يىلدىن ئارتۇق ئالاھىدە جەڭ قىلىش تەجرىبىسى بارلىقىدىن دېرەك بېرىدۇ.