بىر قاتار ئىسلامى شېئىرلار

بۇلغۇنىش

ئەمەسمىز بۇت پەرەس ئىسلام ئەھلى بىز،
گۇۋاھتۇر ئۇنىڭغا مەسجىد مەدرىسى.
تاش بۇتقا تېۋىنمەس لىكىن ھەر يۇرتتا،
بار بىردىن تاۋاپگاھ خوجا قەبرىسى.


بىشارەت

بايان قىلغان پەيغەمبەر ئۆز دەۋرىدە بىر ھېكمەت،
سورىغاندا يارانلار قاچان بولۇر قىيامەت.
تاپشۇرۇلسا ئىشلارنى ئىگىسىنىڭ غەيرىگە،
مۇشۇ دەۋىر مۇشۇ ئىش قىيامەتتىن بىشارەت.



چوڭ خىيانەت


يىقىلدى قىتئەلەرگە قادالغان بايراق،
ياۋۇزلار باسقاندا چىگرىغا ئاياق.
غولىدى خىلافەت ئۇھۇد تېغىدەك،
يۈرەكنى يەپ بولغاچ چاشقانلار كولاپ.

ياۋرۇپا پالاقشىپ ئىزلىسە ئامال،
زېمىنغا كۆز تىكىپ بۇلىماق بولۇپ.
تۈركنىڭ يېرى دەپ جار سالماق بولۇپ،
ئىسلامنىڭ قەلبىگە چاڭ سالدى كامال.

قىسىلدى بۇيۇنلار ئەرەپ ئىلىدە،
كىسىلدى بۇيۇنلار تۈرك يىرىدە.
پايخان بوپ ئىسلامنىڭ شانۇ-شۆھرىتى،
بويالدى زېمىنلار مۇئمىن قېنىدە.


بىز تالىپ

جاھالەتنى ئىلىمدە قارشى ئالدۇق،
شۇڭا نامى يامان تالىپ ئاتالدۇق،
رەقىپلەر نە دېسۇن پىستۇرما قۇرسۇن،
ئەقىدە كېمىمىزنى سۇغا سالدۇق.


ئىسلامنىڭ ھامىيسى

بىلگىن ئاللاھ ھامىيسىدۇر ئىسلامنىڭ،
دېمە ھەرگىز بىز قوغدايمىز قۇرئاننى.
جان بېقىشمۇ پەرىزدۇر لېكىن ئويلىماي،
يەپ تاشلىما سېتىپ نانغا ئىماننى.

ئاللاھ سۆزى ئۈستۈن مەڭگۈ ئالەمدە،
سىياسەتكە بېقىندۇرما قۇرئاننى.
ئەخمەق ئىكەن دەپ ئويلىما مۇجاھىد،
كۈرەش قىلسا ساقلاش ئۈچۈن ئىماننى.

خاتالاشسا توغرا يولدا ئىزلىنىپ،
ئەيىپلىمە ھەققە ئاۋاز قوشقاننى.
مەغلۇبىيەت غالىبىيەت ئانىسى،
تاش پاقىمۇ بېسىپ ئۈتەر تۇشقاننى.

سەندىمۇ بار ئاتاپ باققىن شىرىن جان،
خۇتۇنلاردەك ساقلاپ ياتماي پىنھاننى.
دېمەك ئاسان قىلماق لېكىن ئاسانمۇ،
چىداپ تۇرۇپ بىرىپ باققىن بىر ناننى.

پىشقەدەمسەن، داموللامسەن، سۇپىسەن،
چىڭ ساقلىغىن مەسجىدىڭنى، قورغاننى.
مەغرۇرلانما چۈنكى تەڭرى قۇلىسەن،
ئېپ چۈشسەڭمۇ ئەگەر يەرگە ئاسماننى.


پەرۋانە (تالىپ)

بولسا گەر ھوقۇش سوراقچى قىل سۈكۈت،
نە بىلۇر دۈشمىنى پەرۋانىنى.
تىللىما پەرۋانىنى ئەخمەق كۈرۈپ،
ھېچ چۈشەنمەستىن مۇھەببەت كارىنى.

ئويلا بۇلبۇلنىڭ پىغاندا سايرىشى،
بىلدۈرەر باغدا تىكەن غالىپ ئىكەن.
سەزمىدى دەمسەن كۈيۈشنىڭ دەردىنى،
بىلكى پەرۋانىمۇ ھەم تالىپ ئىكەن.


سۈرەت

موللىمەن لىتاپ قوغلاپ پۇل تاپادۇرمەن،
سوپىمەن دىن سايىسىدا جان باقادۇرمەن.
سورىما شائىرچاق ئەھۋالىك نېمە،
ۋىجداننى پارچە ئەپ توپ ساتادۇرمەن.


مۇناجات

مەن گۇناھكار ئىقرارمەن ئاڭا،
ئازاپلىما مىنى ئىلاھىم.
ئامالسىزمەن ئەمما ئۈزۈلمەس،
رەھمىتىڭدىن پۈتكۈل خىيالىم.
كۆز ئالدىمدا چەكسىز مەھشەرگاھ،
مەن جاۋاپكار تۇرىمەن ئۇندا،
كەچۈرمىسەك رەسۋا مەخلۇقمەن،
خەلقىم ياخشى دېسىمۇ بۇندا.


ئەزان ئاۋازى


ئى دوستۇم نامازغا تەييارلانغىن دەپ،
ھەرقاچان ئاڭلانسا مەزىننىڭ ئۈنى.
روھانى تۇيغۇغا ئۇرىلار جىسمىم،
بىر پاكلىق ئىلكىگە ئالىدۇ مىنى.

ھەر قاچان ياڭرىسا مەزىننىڭ ئۈنى،
بىردىنبىر ھەق سۆز دەپ ئاللاھۇ ئەكبەر.
خار بولۇپ كۆرۈنەر كۆزۈمگە شۇئان،
سەلتەنەت ساھىبى كىسرا ۋە قەيسەر.


ئەسىرلەر دۇنياغا بولدۇق ھۆكمىران


ئەسىرلەپ دۇنياغا بولدۇق ھۆكمىران،
زۇلمەتلەر تاغلىرىنى ئەيلىدۇق گۇمران.
نۇر بىلەن تارىختا پۈتكەن بەتلەرنى،
ئۇنتۇماس ئەۋلاتلار ئۇنتۇماس دەۋران.

باش ئەگمەي ياشىدۇن زۇلۇم خورلۇققا،
تارىخنىڭ يۈكلىرى ئالسا ئېمتىھان.
ئىنتىلەر قەلبىمىز ھەقلىق كۈرەشكە،
ئىسيانكار خەلقىمىز ھۆرلۈككە خۇمار.

ئاجايىپ ئۆمۈدۋار ياشلار قوللىرى،
ياراتقان ئۇنتۇلماس ئىسلامى دەۋران.
ئاجايىپ ياشلار ئۇ ئىگىلمەس بوينى،
قۇرئانغا ئىسلامغا سادىق مۇسۇلمان.

پەرۋىش قىلىپ ئۆستۈرگەن ئىسلام قوللىرى،
نوتا ئۇ يەلپۈنەر ئىسلام بېغىدا.
پاچاقلار كىشەنلەر سالغان قۇرغاننى،
باھادىر جەڭلەرگە كىرگەن چېغىدا.

يىگىت ئۇ ھەۋەسكە ئەگىمىگەن باشنى،
بىلىدۇ دۈشمەننى ھەم قېرىنداشنى.
يول بەرمەس چېگرادا ياۋۇز دۈشمەنگە،
شەيتانغا ئۇتتۇرماس روزا نامازنى.

دېمەك كىم سىڭدۈردى خەلقىمگە ئىسلام،
ئىنسانى ھۆرمەتنى، قەدرى قىممەتنى.
ئۆگەتتى قەيەردىن تاپار ھۆرلۈكنى،
نۇرلۇقنى يوقىتىپ قۇرار دۆلەتنى.

ئۆتتى ئۇ دەۋرانلار چاڭباستى ئىزلار،
كىملەرگە خار بولدى قايسى ئەزىزلەر.

يۇقالدى ئىناۋەت سۇندى سەۋلىجان،
ئىتلارنى ئالدىدا بۈكۈلدى ئىزلار.

بارمۇ سەن دۇنيادا ئەزىزى مۇسۇلمان،
دەپ نىدا ئەيلەيدۇ بىتاقەت دەۋران.
ئويلايمەن ئاقىۋەت قايتىدۇ ئۆتمۈش،
ئويلايدۇ ھۆرلۈككە خۇشتار ھەر ئىنسان.
تاشلاڭلار خىيالنى قۇرۇق ئارزۇنى،
بەخىتنىڭ ھۇلىدۇر چۆلدە ئاققان قان.


نەسىھەت

قەلبى ساپ دوستۇڭ سۆزىگە قۇلاق سال،
ساڭا تەڭتۈش قەلبىدە چىن ئىشتىياق.
ساپ كۆڭۈل راستچىل بولۇشنى ئىزلىگىن،
ساڭا ئۆلگە ئۇشبۇ ساھىب مۇئجىزات.

ۋاختىدا بولسۇن ئادا ھەر بىر ناماز،
كەلگۈسى لەنەتكە پاتقاي بىناماز.
بەد قىلىق ناچار مىجەزدىن بول يىراق،
بولمىسۇن ھەسرەت نادامەت ئىتىراز.

ئەھلى غەيبەت شۇم مىجەزدىن بولما سەن،
ئۆچمىگەي غەيۋەت ئىزى ئۆلسەڭمۇ سەن.
باشقىلارغا سەن سېلىپ ئۆتسەڭ زۇلۇم،
بولىسەن بىر كۈن دۇچار زۇلمەتكە سەن.

تىللىساڭ مۇئمىننى پاسىق بولىسەن،
بۇ سەۋەپ قەدرىڭنى سەن پەس قىلىسەن.
قەدرىنى بىلگىل ھايات بولسا ئاتاڭ،
نېمە قىلساڭ سەنمۇ بىر كۈن ئۆرۈسەن.

كۆڭلى پەس ناچار مىجەز بولما بېخىل،
ئابرويىڭ تۆكمىگىل بولغىن ئېسىل.
سەن ئىسىل ئەخلاقنى يار تۇتقىن ھامان،
جان ئاداش گۈزەل ھاياتقا مەن كېپىل.


كىم سەن

سۇ بىلەن لايدىن ئەمەسمۇ مەنبىئىڭ،
بارمىدى يا نۇر بىلەن ئورتاقلىقىڭ.
ھەممىمىزنىڭ ئاتىسى ئادەم تۇرۇپ،
كۈلكىلىكقۇ ئۆزەڭنى چوڭ تۇتقىنىڭ.

بىرنى ئاق بىرنى قارا ھەۋۋا ئانا،
كىچە كۈندۈز رەڭگىدە تۇغدى مانا.
بىرلىرى كۈندە يورۇق پارلاق چىراي،
بىرلىرى تۈن قوينىدەك قاپمۇ-قارا.

ھەممىسى ئاللاھ ياراتقان بەندىغۇ،
ئۇشبۇ تەڭرىم نە ياراتسا مەيلىغۇ.