بۇ يازمامنى ئەسلى كومپيۇتېر تەجىربىخانىسىغا يوللىغان. ئۇ بېكەت ۋاقتىنچە ئېچىلماي ئىنتىل سەيناسىدىن قايتا كۆچۈرۈپ ئەكەلدىم.نەزەرى.
RSSھازىر كومپيۇتېر بىلەن ئۇچراشقانلار ئۇنچە ناتونۇش بولمىسا كىرەك. خەلقئارا نوقتىدىن ئېيتقانداق بۇ خىل ئۇچۇرغا ئىرىشىشىتىكى ئەڭ ياخشى ياردەمچى چوقۇم ھەر بىر ئىنسانغا تونۇش بولۇشى كىرەك ئىدى. ئەپسۇس، دىيارىمىزدا تېخى ئۇچۇرغا تاللاش خاراكتىرلىك قوبۇل قىلىش ئىڭى تېخى تۇرغۇزۇلمىغان بولغاچ مۇناسىۋەتسىز ئۇچۇرلار قەدەمدە بىر، مۇھىم ئۇچۇرلار ئەكسىچە كىچىكىپ ئوقۇرمەن بىلەن يۈز كۆرۈشىدىغان ھالەت شەكىللىنىپ قالدى. شۇڭا مەن بۇ ھەقتە بىر ماقالە تەييارلاپ، RSS توغۇرلۇق ئازتولا چۈشەنچە بىرىشنى مۇۋاپىق كۆردۈم.
RSS دىگەن ھەرخىل پەندە ھەرخىل ئېنگىلىزچە سۆزلەرنىڭ قىسقارتىلمىسى بولۇپ ئوخشىمغان مەنىلەرگە ئىگە. مېدىتسىنادا rectosigmoidoscope نىڭ، فىزىكىدا Relative System Sensitivity نىڭ، ماتىماتىكىدا root-sum square دىگەن مەنە بۆلەكلىرىنىڭ قىسقارتىلمىسى بولۇپ بۇ ماقالىدەITساھەسىدىكى Really Simple Syndication خەنچە 聚合内容، ئۇيغۇرچە «تەرمە مەزمۇن» دىگەن مەنىسى تەھلىل قىلىنىدۇ. شۇنداقلا تور بەتلەردە ئۇچرايدىغان RSS دىگەن سۆز Really Simple Syndication نىڭ قىسقارتمىسىنى كۆرسىتىدۇ.
RSS بولسا مەزمۇندىن پەيىتداش ئورتاقلىشىدىغان بىر سۇپا.پەيىتچانلىقى يۇقىرى تور بىكەتلەردە RSS ئارقىلىق ئۇچۇرلارغا دەل ۋاقتىدا ئىرىشكىلى بولىدۇ.تور بەت زىيارەت قىلغۇچىلار ئابونت نوقتىسى ئارقىلىق RSS تەرمە يۇمشاق دىتاللارنىڭ ياردىمىدە نىشان تور بەتنى ئاچمايلا شۇ تور بەتتە يىڭلانغان مەزمۇندىن ۋاقتىدا خەۋەردار بولىدۇ.
RSS نىڭ ئالاھىدىلىكى:
كۆپ مەنبەلىك، شەخسىيلەشكەن «يىغما» بولۇش؛ مەنبە-مەزمۇن زاكاس قىلغۇچى ھەر خىل مەنبەلىك ئۇچۇلارنى ئۆزىنىڭ قىززىقىشى بويىچە زاكاس قىلالايدۇ.
ئۇچۇر يوللاشنىڭ پەيتچانلىقى، تۆۋەن چىقىمىلق بولۇش؛ بۇ خىل بەتلەرنى ياساش تەننەرخى تۆۋەن، يىڭىلىنىشى تېز(مەزمۇن يوللانغان پەيتنىڭ ئۆزىدىلا ئۇچۇر تاپشۇرۋىلىشقىمۇ بولىدۇ).
ئەخلەت ئۇچۇر يوق، يەرلىكتىكى مەزمۇننى باشقۇرۇشقا قولاي بولۇش؛ ئارتۇق ئىلان، ئەخلەت مەزمۇنلار ئاساسەن كۆرۈلمەيدۇ، مەزمۇننى چۈشۈرۋىلىپ تورسىز مۇھىتتا كۆرۈشكە قولاي.
مۇلازىمتېرغا يۈكى ئاز بولۇش؛ ھەرخىل بىلوگ، تور بەتلەر RSS مەنبەسىنى باشقا تورلارغا يۈكلەپ بەرسە تور بەتكە كىرىدىغان ئىقىمنى ئازايتىپ مۇلازىمتېرنىڭ يۈكىنى يەڭگىللەتكىلى بولىدۇ.
تەرەققىياتى:
Really Simple Syndication بولسا تور بەت مەزمۇنىنى ئىزاھلاش ۋە مەزمۇننى ماسقەدەملەشتۈرۈش ئۈچۈن قوللنىلغان فورمات بولۇپ نۆۋەتتە ئەڭ كۆپ قوللىنىلىۋاتقان مەزمۇندىن ئورتاقلىشىش قوللىنىشى.
Really Simple Syndicationنىڭ ئىشلىتىلىش پىلانىنى 1995 يىلى Ramanathan V. Guha ۋە Appleشىركىتى نىڭ تېخنىكلىرى ئاچقان Meta Content Framework قا باغلاشقا بولىدۇ. 1999-يىلى 7-ئايدا 网景 شىركىتىدىن Dan Libby يىڭى بىر نۇسخىدىكى Really Simple Syndication نى چىقاردى. شۇنىڭ بىلەن RSS 0.91 مەيدانغا كەلدى.
RSS نىڭ ئىشلىتىلىشى:
BLOG قا مۇشتەرى بولۇش؛ خىزمەتكە ئىھتىياجلىق ھەر خىل تېخنىكىلىق BLOG لارغا ياكى ئۇنىڭ مەلۇم يازمىلىرىغا مۇشتەرى بولۇپ ئۇنىڭ ئەڭ يىڭى مەزمۇنلىرىدىن ۋاقتىدا خەۋەر تېپىشقا بولىدۇ.
خەۋەرلەرگە مۇشتەرى بولۇش؛ خەۋەر مەنبەلىرىگە مۇشتەرى بولۇپ قويۇپلا ئابونت نوقتىسىدا يىڭى خەۋەرلەرنى ۋاقتىدا كۆرۈشكە بولىدۇ. بۇنىڭدىن كىيىن توربەتمۇ توربەت كىزىپ يۈرۈشنىڭ ھاجىتى يوق. پەقەت مۇشتەرى بولۇپ قويۇپ مەزمۇن يىڭىلانغان مەزمۇننى ئابونت نوقتىسىدىلا كۆرۈشكە بولىدۇ.
RSS گە مۇشتەرى بولۇش؛ RSS مەزمۇنلىرىغا مۇشتەرى بولۇش ئۈچۈن ئالدى بىلەن قىممەتلىك مەزمۇنلۇق مەنبەنى تاپىسىز. ئاندىن RSS مۇشتەرى ئابونت يۇمشاق دىتالىنى چۈشۈرىسىز(كىيىنكى يازمىدا تەپسىلىي تونۇشتۇرىمىز). ئاندىن مۇناسىۋەتلىك ئادىرىسنى RSS مۇشتەرى ئابونت يۇمشاق دىتالىغا يۈكلىسىڭىزلا تامام. شۇ بەتلەرگە يىڭى مەزمۇن يوللانسا RSS مۇشتەرى ئابونت يۇمشاق دىتالى سىزگە ۋاقتىدا ئەسكەرتىدۇ.
RSS مۇشتەرى ئابونت نوقتىسىنىڭ تۈرلىرى:
كومپىيۇتېرغا قاچىلىنىدىغان ئابونت نوقتىسى . بۇلاردىن Awasu、FeedDemon和RSSReader،周博通،,看天下，博阅 قاتارلىقلار بار. ئۇيغۇرچە قۇت بىلوگى ياساپ چىققان يەنە بىر دىتالمۇ بار.
كومپيۇتېردىكى مەلۇم يۇمشاق دىتالغا يۈكلەنگەن RSS ئىقتىدار بۆلىكى. Outlook،Internet Explorer،UT, … دىگەندەك يۇمشاق دىتاللارمۇ قوشۇمچە قىستۇرما ئىقتىدار تەمىنلىگەن بولۇپ RSS تەرمىسى ئالالايدۇ.
WEB RSS ئوقۇغۇچىسى. تور يۈزىدە ئوقۇيدىغان تەرمە بولۇپ، ھازىر ئىشلىتلىشى ئەڭ كۆپ بولغان شەكىلدۇر. ھەرقانداق يەردە تور بولسىلا بىمالال ئوقۇشقا بولىدۇ، بۇرۇن ئوقۇپ بولغانلىرى تەكرارلانمايدۇ، چالا قالمايدۇ. بۇلاردىن Google Reader،鲜果،抓虾،netvibes、pageflakes،Tencent，… قاتارلىقلار بار.
يۆتكەلمە ئۈسكىنىلەر RSS ئوقۇغۇچىسى. ھەرخىل زامانىۋى ئالاقە، ئويۇن ئۈسكىنىلىرىگىمۇ بۇخىل يۇمشاق دىتال ياكى قىستۇرمىلار ئارقىلىق RSS تەرمە ئىقتىدارى قوشۇلغان. بۇنىڭغا قۇت بىلوگ ياسىغان ئوقۇغۇچى شۇنداقلا SBSH GoNews、Spb News、NewsBreak、MiHome、维信مۇ كىرىدۇ.
بۇ ھەقتە خالاستان بىلوگىدىن تېخىمۇ كۆپ يازمىلارنى كۆرۈڭ.tag/rss
[...] RSS ھەققىدە مۇپەسسەل بايان [...]