‹‹ئاشىق يۈرىكى››مۇبارەكلەندى

huxhuy

شائىر ئەخمەتجان تۇرۇپ بەگتۈركنىڭ‹‹ئاشىق يۈرىكى››ناملىق شېئىرلار توپلامى مۇبارەكلەندى.

بۈگۈن 24-ئۆكتەبىر گۇما ناھىيەسىدە شائىر ئەخمەتجان تۇرۇپ بەگتۈركنىڭ ‹‹ئاشىق يۈرىكى››ناملىق شېئىرلار توپلىمى نەشىر قىلىنغانلىقى مۇناسىۋىتى بىلەن ئىلىم چېيى ئۆتكۈزۈلدى. پائالىيەتكە يەكەن ناھىيەسى،پوسكام ناھىيەسى،قاغىلىق ناھىيەسى ۋە خوتەن ۋىلايىتىنىڭ يەتتە ناھىيە بىر شەھىرىدىن بولۇپ 150 نەپەردىن ئارتۇق شائىر،يازغۇچى،ئەدىب ۋە شائىرنىڭ خىزمەتداشلىرى،ئۇرۇق تۇققانلىرى،دوستلىرى قاتناشتى.
پائالىيەتتە ئون نەپەردىن ئارتۇق شائىر بەگتۈرككە ئاتاپ يازغان شېئىرلىرىنى دېكلىماتسىيە قىلدى.ناھىيەلىك سەنئەت ئومىكىدىكى بىر قىسىم ناخشىچىلار، كىلياڭ يېزا مەشرەپچىلىرى ياڭراق كۈيلىرى بىلەن نومۇر ئورۇنلاپ ئەنجۈمەن ئەھلىنى خۇشاللاندۇردى.
پائالىيەت ئاخىرىدا بەگتۈركنىڭ دوستلىرى،ئۇرۇق تۇققانلىرى ئۇنىڭغا ئاتىغان كۆڭۈل سوۋغىسىنى تەقدىم قىلدى ۋە تون، دوپپا كىيدۈردى. پائالىيەت ناھايىتى قىزغىن كەيپىيات ئىچىدە ئۆتتى.

udun

قىزغىن تەبرىكلەيمەن. مۇبارەك بولسۇن!

ablatahmat

        جىنىڭدىن كۆكلىسە يالقۇن

                  (مۇۋەششەھ)

باھار چايقالسا شاخلاردا ئىزىڭنى سۆيدۈرەر ئارمان،
ھارارەت باغرىدا قايناپ دىلىڭدا جۇش ئۇرار دەرمان.
ئەزىم كۈيلەردە دولقۇنلاپ جىنىڭدىن كۆكلىسە يالقۇن،
شىجائەت كۆكسىدە پارلاپ مۇشەققەت چىچىلار سەرسان.
گىياھلار لىۋىدە كۆيگەن سۈزۈك شەبنەمدە روھىڭ بار،
ساداقەت سەتھىدە جۇشقۇن ئاقار شىلدىرلىغان پەرمان.
تىرىك تاڭلاردا ئورالغان يولۇڭدىن چاقنىتىپ مەرتلىك،
سىھرلەپ تەختى ھىجرانغا مۇھەببەت ياغدۇرار داستان.
ئۈزۈلمەس مۇڭ ناۋالاردا جىمى ھەسرەتلىرىڭ قايناپ،
بۈيۈك رەڭلەرگە چىرماشقان سۆزۈڭدە ياپيىشىل دەۋران.
رىيازەت رىشتىسى چىگدى كۆڭۈلگە خەستەكار ئالەم،
قىنىڭنى پاك سىياھ ئەيلەپ پىراقتىن چاچرىتىپ گۈلخان.
كۈلۈپ گۈلگۈن پەسىللەردە قاقاس دىللارغا تاشلانساڭ،
زاماننىڭ ئەۋجىدىن قاڭقىپ زىمىنغا يامرىغاي ئەپغان.

پىنھانە

بەگتۈرۈك ئەپەندىنىڭ بۇندىن كىيىنكى قەدەملىرىگە ئۇتۇقلار يار بولسۇن، ئەزىز تىنى سالامەت بولسۇن،

arkan

شائېرنىڭ مۇبارەك تىنىگە سالامەتلىك، ئائىلىسىگە بەخىت، تۇرمۇشىغا خاتىرجەملىك، خىزمىتىگە ئۇتۇق، ئىجادىيىتىگە نۇرانە پەللە ۋە ئىلھام-مەدەت تىلەيمەن!

تۈركزات

                                           ئابدۇلئەھەت داۋۇت تۈركزات

تۈڭلۈكۈڭگە قوندى يۇلتۇزلار

(مۇۋەششەھ)

بىر گۈزەلگە مۇپتىلا بولدۇڭ، دېدىڭ: يارىڭ بولاي،
ئارزۇ باغىڭدا بەرق ئۇرغان چىمەن زارىڭ بولاي.

ئەيلىبان سىرتماق ئوتىنى ئالدى چىرماققا سېنى،
ئېيتتى:گۈلخان تەپتىدە تاۋلان،تەلەپكارىڭ بولاي.

گال پىچاقتەك قېينىدى جانىڭنى ئاسماققا ئىلىپ،
قىلدى پەرمان:ئەيلە قۇللۇق خوجا-قۇلدارىڭ بولاي.

تولغۇنۇپ تۈن قوينىدا يۇلتۇزغا يەتتى ئاھلىرىڭ،
تۈڭلۈكۈڭگە قوندى يۇلتۇز:مەنلا ھەمكارىڭ بولاي.

ئۈنلىدىڭ دەمدەر كەبى روھىڭنى تاڭلاردا بىلەپ،
جىسمىنى ئوت ئەيلىدى كۈن:مەنمۇ بىدارىڭ بولاي.

رەستە-رەستە بولدى گۈلزار،تۇردى سازىڭمۇ كۈلۈپ:
چالغىنا،تاپقىن ۋىسال بىر مەررە،دىلدارىڭ بولاي.

كەلدى بىغەمدىن سادا:كۆرگىن جامالىمنى ئاچاي،
يەت ۋىسالىمغا قېنىپ،قۇرلاردا ئەشئارىڭ بولاي!

شەھلا

مۇبارەك بولسۇن!

ئادىلجان

ئادىلجان

ئۇستازغا  مۇبارەك بولسۇن! پائالىيەت ھەقىقەتەن كۆڭۈللۈك بولدى.

ئامىنە

ئۆمرۇمدە بىر قېتىم ئوقۇش پۇرسېتىگە ئېرىشتىم دەپ خۇش بولسام موشۇنداق ياخشى يىغىلىشلاردا سىلەر بىلەن جەم بولالماپتىمەن ئەمەسمو ؟! ئەپسۇس  
موبارەك بولسۇن ئىنىم !!! سىزنى ‹‹ ئاشىق يۇرىگى ›› ڭىز بىلەن قۇتلۇقلايمەن !!!شۇنىڭ بىلەن بىرگە سىزگە ئاتاپ يازغان مونو شېئىرىمنىمو سوۋغا قىلاي !!!
ئەخمەتجان تۇرۇپ بەگتۇرۇككە

‹‹سالام ساڭا ئەخمەتجان تۇرۇپ››،
‹‹دىكابىرنىڭ ئاخىرقى كۇنى››.
‹‹سەن يادىمغا كەلگەن ئەسنالار››،
توزۇپ تۇگەر ھىجراننىڭ گۇلى.

‹‹ئۇگىنەركەن قانداق ياشاشنى››،
‹‹ئون سەككىزگە كىرگەندە ئادەم››.
‹‹مەغلۇپ بولسا سۆيگۇدە ئەگەر››،
ئويۇلاركەن يۇرەكلەرگە غەم.

‹‹چۇش كۆرىدو پادىچى بالا››،
ۋۇجۇدىدە تاتلىق خىياللار.
پاك سۆيگۈنىڭ ھارارىتىدىن،
ئېرىپ كېتەر‹‹كىرپىكتىكى قار››.

‹‹كېچە نازۇك گۈلدۇر ئېھتىمال››،
بونى سەنمو بىلىسەن چوقۇم.
‹‹مەن يەنىلا ھېلىقى يەدە››،
ئۆزگىلەرگە بولمىغاچ زوقۇم.

<<>> ئىچىگە ئېلىنغىنى شائىرنىڭ <<كىرپىكتىكى قار>>دېگەن بىرلەشمە توپلامدىكى ۋەكىللىك ئەسەرلىرىنىڭ تىمىسى.

مىر

[a

ttachimg]1838[/attachimg]

ئامىنە

شائىرە شائىرلىرىم كۆپ ، مۇخلىسىم ئاندىن تولا ،
مەنمو بو ئىشقا ھەۋەسكار گەپ تىزارىمغا قاراپ .
بولدى ئىلھامىم قىيان سەل ،ھۆرمىتىم چوگىر كەبى ،
گuل چىراي گۈلگۈن چىراي ، ئۇشبو سۇرەتكە قاراپ .