|
‹‹گۈلەم موماي›› نەشىر قىلىندى
ئاپتورنىڭ سۈرىتى
يېقىندا، شىنجاڭ گۈزەل سەنئەت نەشرىياتى تەرىپىدىن ياش ئايال يازغۇچى مېھراي مۇھەممەتنىڭ «گۈلەم مومام» ناملىق ھېكايىلار توپلىمى نەشر قىلىندى.
يېقىندىن بۇيان ئۆزىنىڭ ئۇرغۇپ تۇرغان تالانتى ۋە ئاۋانگارت روھى بىلەن ئۇيغۇر ئەدەبىياتىدا تېزلىكتە كۆزگە كۆرۈنگەن ئايال يازغۇچى مېھراي مۇھەممەت 1975-يىلى ئۈرۈمچى شەھرىدە تۇغۇلغان. 1983- يىلىدىن باشلاپ، باشلانغۇچ ۋە ئوتتۇرا مەكتەپلەرنى ئۈرۈمچىدە ئوقۇپ، 1994- يىلى ئۈرۈمچى كەسپىي ئۇنىۋېرسىتىنى پۈتتۈرگەن.
مېھراي مۇھەممەت 2009- يىلىدىن باشلاپ ئەدەبىي ئىجادىيەت بىلەن شۇغۇللانغان بولۇپ، ئۇنىڭ تۇنجى ھېكايىسى تور بەتلەردە ئېلان قىلىنغان «تۇنجى مۇھەببەت ئەسلىمىسى» ناملىق ئەسىرى بولۇپ، ئۇ ئەينى چاغدا تېخى كىتابخانلارغا تولىمۇ ناتونۇش بىر ئاپتور بولسىمۇ، لېكىن ئەسىرىنىڭ ئۇسلۇبىدىكى يېڭىلىق ۋە تەۋەككۈلچىلىك روھى ناھايىتى تېزلا كىشىلەرنىڭ دىققىتىنى تارتقان. شۇندىن كېيىن، ئۇنىڭ ئەسەرلىرى ئىزچىل تور دۇنياسىدا قىزىق نۇقتا بولۇپ كېلىۋاتىدۇ.
مېھراي مۇھەممەتنىڭ ئەسەرلىرى ئەنئەنىۋىي مەتبۇئاتلار تەرىپىدىن قوبۇل قىلىنىپ، بىر تۈركۈم ھېكايىلىرى «يېڭى قاشتېشى»، «كروران»، «شىنجاڭ ئاياللىرى» قاتارلىق ھەرقايسى گېزىت-ژورناللاردا ئېلان قىلىنىپ تۇرغان بولسىمۇ، لېكىن ئۇ پىكىر قىلىشتىكى ئاۋانگارتلىقى ۋە ئىجادىيەتتە ياراتقان خاسلىقى بىلەن يەنىلا ئۆزىنىڭ ئەركىن دۇنياسىنى توردا قۇرۇپ كەلدى. ئۇ بۇ ئارقىلىق ئاساسىي ئېقىم تەرىپىدىن چەتتە قالدۇرۇلغان يازغۇچىلار كۆمۈلۈپ قالىدۇ دەيدىغان ئەپسانىلارغا خاتىمە بەردى. بۈگۈنكى كۈندە بىز ئەڭ ياخشى ئەسەرلەرنىڭ ئالدى بىلەن توردا جامائەت بىلەن يۈز كۆرىشىدىغانلىقىنى سېزىپ تۇرۇپتىمىز. بىز ئۆزىمىزنىڭ ئاۋانگارتلىق روھىمىزغا يۈزلەنگىنىمىزدە، بۇزۇشنى بىر سالاپەت دەپ بىلگىنىمىزدە بەزىدە ئەنئەنىۋىي مەتبۇئات تەرىپىدىن چەتكە قېقىلىشنى بىر شۆھرەت ۋە ئابروي دەپ بىلسەكمۇ بولىدۇ.
مېھراي مۇھەممەت خانىمنىڭ تۇنجى كىتابىنىڭ نەشىر قىلىنغانلىقىنى قىزغىن تەبرىكلەيمىز. ئۇنىڭ تېخىمۇ يېڭى ۋە خاسلىققا ئىگە ئەسەرلەرنى ئىجاد قىلىشىغا تىلەكداشمىز. | 
ip كۈرۈش
ئىز قوغلاش
ۋاقتى: 2016-3-18 00:22:29
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
ئىگىسى
ۋاقتى: 2016-3-18 13:48:30
