ئەتىرگۈل بىلەن تىلەمچى

halisbay

ئەتىرگۈل بىلەن تىلەمچى

بۇرۇن بىر گۈل ساتقۇچى قىزچاق بار ئىكەن.بىر كۈنى ئۇ نۇرغۇن ئەتىرگۈللەرنى سېتىپ بولغاندىن كېيىن ، كۈننىڭ خېلىلا كەچ بولغىنىنى ھېس قىلىپ ، ئۆيگە بالدۇرراق قايتىشنى ئويلاپتۇ ، بىراق ئۇ قولىدا يەنە بىر تال تېخى سېتىلمىغان ئەتىرگۈل بارلىقىنى ئېسىگە ئېلىپتۇ ، ئۇ يول ياقىسىدا بىر تىلەمچىنىڭ تۇرغانلىقىنى كۆرۈپتۇ ، ۋە قولىدىكى ئەتىرگۈلنى تىلەمچىگە سوۋغا قىلىۋېىتىپ خۇشال – خۇرام ھالدا ئۆيىگە قايتىپتۇ .
بۇ تىلەمچى بۇنداق ياخشى ئىشنىڭ ئۆزىگە ئۇچراپ قېلىشىنى ، شۇنداق گۈزەل بىر قىزنىڭ ئۆزىدەك تىلەمچىگە ئەتىرگۈل سوۋغا قىلىدىغانلىقىنى خىيالىغىمۇ كەلتۈرۈپ باقمىغان بولۇپ ، خۇددى كۈننى غەرىپتىن چىققاندەك ھېس قىلىپتۇ ، بەلكىم تىلەمچى ئەزەلدىن ئۆزىنى سۆيۈپ باقمىغان ، ئەزەلدىن بىرەرسىدىن كۆڭۈل سوۋغىسى قوبۇل قىلىپ باقمىغان بولسا كېرەك ، شۇڭا ئۇ بۈگۈن تىلىمەي ئۆيگە قايتىپ كېتىپتۇ . ئۇ ئۆيىگە قايتقاندىن كېيىن بىر تال بوتۇلكا تېپىپ ئىچىگە سۇ قويۇپ ، ئەتىر گۈلنى چىلاپ قويۇپتۇ ، ۋە ئەتىرگۈلنى ئۈستەلگە قويۇپ تىنچ ئولتۇرۇپ ئەتىرگۈلنىڭ گۈزەللىكىدىن بەھىرلىنىپتۇ .
ئۇ تۇيۇقسىز گۈلنى ئېلىۋېتىپ بوتۇلكىنى پاكىز يۇيۇپ ، سۇ قويۇپ گۈلنى قايتىدىن چىلاپ قويۇپتۇ . چۈنكى ئۇ شۇنداق چىرايلىق گۈلنى بۇنداق مەينەت بوتۇلكىغا سېلىپ قويسا ياخشى بولمايدىغاندەك ھېس قىلىپتۇ . شۇنداق قىلىپ ئۇ يەنە گۈلگە قاراپ يەنە ئالدىدىكى كۆرۈنۈشلەردىن بەھر ئېىلىۋېتىپ ، تۇيۇقسىز شۇنداق چىرايلىق ئەتىرگۈل ، پاكىزە ئۈستەل بۇنداق قالايمىقان ئۆيدە تۇرسا قانداق بولىدۇ دەپ ئويلاپتۇ ، ۋە دەرھال بۇ ئۆينى رەتلەپ ، پاكىز تازىلىۋېتىش قارارىغا كېلىپ ، ئۆيلەرنى تازىلاپ ، نەرسىلەرنى رەتلىك جايلاشتۇرۇپ ، ئەخلەتلەرنى سىرتقا ئەپچىقىپ تۆكۈپتۇ . تۇيۇقسىز پۈتۈن ئۆي مۇشۇ ئەتىرگۈل بولغاچقىلا تولىمۇ ئىللىق ۋە خۇشپۇراق تۇيۇلۇپتۇ . شۇ ۋاقىتتا ئۇ ئۆزىنىڭ ھالىتى ئېسىگە كېلىپ ، ئەينەككە قاراپتۇ ، ئەينەكتە يۈز كۆزلىرى مەينەت ، چاچلىرى پاخپاق ، ئۆزىنى تاشلىۋەتكەن ، كىيىم – كېچەكلىرى جۇل – جۇل بىر ياش نامايان بوپتۇ ، ئۇ ئۆزىنىڭ بۇنداق ھالەتكە چۈشۈپ قالغىنىنى ئويلاپمۇ باقمىغان بولۇپ ، بۇنداق ئادەمنى بۇ ئۆيگە ، بۇ چىرايلىق ئەتىر گۈلگە ماس كەلمەيدىغاندەك ھېس قىلىپتۇ . شۇنىڭ بىلەن ئۇ دەرھال نەچچە يىلدىن بۇيان سۇ تېگىپ باقمىغان بەدەنلىرىنى پاكىز يۇيۇپ ، ساقاللىرىنى ئېلىپ ، بېشىدىن ئايىقىغىچە يىپيېڭى ، رەتلىك قىلىۋېتىپتۇ ، ئاندىن قايتىدىن ئەينەككە قاراپتۇ ،ئەينەكتە تۇيۇقسىز ئەزەلدىن كۆرۈپ باقمىغان كېلىشكەن بىر چىراي نامايان بوپتۇ .
بۇ ۋاقىتتا ئۆزىنى خېلى يامان ئەمەستەك ھېس قىلىپ ، نېمىشقا تىلەمچىلىك قىلغۇدەكمەن دەپ ئويلاپتۇ ، بۇ ئۇنىڭ تىلەمچىلىك قىلغاندىن بۇيان تۇنجى قېتىم ئۆزىدىن شۇنداق سورىشى ئىكەن ، ئۇنىڭ روھى بىردىنلا ئويغىنىپ ، ئەمەلىيەتتە مەن خېلى يامان ئەمەسقۇ ، ئۆيگە ، يەنە بۇ چىرايلىق گۈلگە قاراپ شۇ ھامان ھاياتىدىكى ئەڭ مۇھىم قاراردىن بىرنى چىقىرىپتۇ . ئۇ ئەتىسى قايتا تىلەمچىلىك قىلماستىن ئىش ئىزدەشكە كىرىشىپتۇ ، چۈنكى ئۇ مەينەت بولۇپ كېتىشتىن ، جاپادىن قورقماسلىقىنى بىلىپتۇ ، شۇڭا ئۇ بۈگۈن ناھايىتى ئوڭۇشلۇق ھالدا بىر خىزمەت تېپىپتۇ ، بەلكىم ئۇنىڭ قەلبىگە ئەتىرگۈل ئىلھام بەرسە كېرەك ، بوشاشماي تىرىشىش ئارقىلىق ، بىر نەچچە يىلدىن كېيىن ئۇ ئىنتايىن مۇۋەپپەقىيەتلىك ھالدا بىر كارخانا خوجايىنىغا ئايلىنىپتۇ
* ئۆزىڭىزنى مەغلۇبىيەتنىڭ چېتىگە ئاپىرىپ قويماڭ ، دەرھال ھاياتىڭىزدىكى ئاشۇ گۈزەل ئەتىرگۈلنى ئىزدەپ تېپىڭ ، ئۆزىڭىزنى ئاستا ئاستا ، ئاز ئازدىن ئۆزگەرتىڭ ، سىز ئۆزگەرسىڭىز ، سىزنىڭ دۇنيارىڭىزمۇ ئۆزگىرىدۇ . ئەگەر سىزدە شۇنداق بىر ئەتىرگۈل بولسا ، ئۈمىد ۋە ئېنېرگىيەنىڭ سىمۋولى سۈپىتىدە سېخىيلىق بىلەن ئەتراپىڭىزدىكى ئېھتىياجلىق بولغان كىشىلەرگە سوۋغا قىلىڭ .
ئەزىز دوستلار بۇ ھېكايىدە ئەكس ئەتتۈرۈلگەن مەنا ئىنتايىن چوڭقۇر بولۇپ ، كىشىلىك تۇرمۇشتا بىزگە بىر يول كۆرسىتىپ بېرەلىشى ، ھېچ بولمىغاندا مۇشۇ ھېكايە ئارقىلىق ئۈمىدسىزلىك ، ئۆزىنى تاشلىۋېتىشتەك ئەھۋاللارغا دۇچ كەلگەن كىشلەرنىڭ ئۆزىنى ئوڭشىۋېلىشىغا تۈرتكە بولۇپ قالغۇسى !

yadikar

تەربىيۋى ئەھمىيتى زور تىما ئىكەن. يوللىغۇچىنىڭ ئەجرىگە تەشەككۇر.

پىنھانە

چوڭقۇر ھىكمەتكە تولغان ھىكايە ئىكەن. قەلىمىڭىز توختاپ قالمىغاي.