سالام قىلدىم نەۋرۈزلۇق(ئامىنە ئابدۇۋايىت )

ئامىنە

	سالام قىلدىم نەۋرۈزلۇق ئامىنە ئابدۇۋايىت سالام قىلدىم نەۋرۈزلۇق، يىل بېشىدا سىلەرگە. تۇلۇن ئايدەك چىرايلىق ، بىلىمى مول لېۋەنلە. سالام قىلدىم نەۋرۈزلۇق ، بولغاچ تاغدەك ھۆرمېتىم. نەزمە يازدىم باھاردا، بىلگەچ سىرداش ئۈلپېتىم. قوشاق كەتتى بىر شىڭگىل ، مېڭىپ ئەجدات ئىزىدىن . دوستلار ئۈچۈن قەلبى باغ ، گۈزەل تاجىك قىزىدىن . تۈردىڭىزمۇ سالامەت، شائىر سىڭلىم چىمەنگۈل. رىشتىمىزنى چاتتى چىڭ ، ‹‹بارسا كەلمەس ئۈزاق يول››. ئەجرىڭىزدىن تەۋەللۈت، بىلىم كانى كىتاپلار. قولىڭىزغا گۈل ئۇنسۇن، ئاللاھ بولۇپ مەدەتكار. سالام قىلدىم نەۋرۈزلۇق ، قېرىندېشىم ئايسىمە. ئۆمرۆڭىزگە قۇت تىلەپ ، ئاقتۇدىكى ئامىنە. سالام قىلدىم نەۋرۈزلۇق ، ئايقۇت بىلەن زۇلپىيە. سىلەر يازغان يازمىلار، بولدى ئەلگە تەربىيە. جېنىم دوستۇم ساجىدە ، سالام قىلدىم ئېگىلىپ . ئاقتۇرۇمغا كېلەرسىز ، گۈل سەۋسەندەك ئېچىلىپ . سالام سىڭلىم مېھرىنۈر ، چېھرى ئايدەك دىل قىزى . چاقناپ تۈرۇڭ نەزمېدە ، بولۇپ قەشقەر يۈلتۇزى . سالام سىڭلىم تۈنىساگۈل ، ئاۋازىڭىز يېقىملىق . كۆپكە ماھىر شائىر سىز ، يېزىپ تۇرۇڭ تېتىملىق . يىراق ئەمەس ئارىمىز ، جېنىم سىڭلىم ئادالەت . يوقلىيالماي ۋاختىدا ، بولدۇم بەكلا خىجالەت . سالام قىلدىم نەۋرۈزلۇق ، ئاقىل سىڭلىم گۈلبوستان . قەشقەرنىڭ ئوز ، لەيلىسى ، باغرى دەريا ، گۈلۇستان . دىل تارىمنى چېكېدۇ سىلەر پۇتكەن نەزمېلەر. دەستۈر بولسۇن قىزلارغا، بىز قۇرىغان بەزمېلەر. 2016-يىل 3-ئاينىڭ 19- ئاقتۇ

yadikar

	خانىم-قىزلارغا سۇنغان نەۋرۇزلۇق سالامىڭىزغا مۇبارەك بولسۇن!