ئافغانىستاننىڭ بىخەتەرلىك ۋەزىيىتى كۆرۈنەرلىك يامانلىشىشقا باشلىدى

تۇنجى نۆۋەتلىك ئافغانىستان مەسىلىسى بۇيىچە تۆت تەرەپ سۆھبىتى ئۆتكۈزۈلۈش ئالدىدا، ئافغانىستاننىڭ بىخەتەرلىك ۋەزىيىتىدە كۆرۈنەرلىك ئۆزگىرىش يۈز بېرىپ، پايتەخت كابۇل خەلقئارا ئايرودۇرۇمىغا يېقىن رايوندا ھەتتا بىر كۈندە ئىككى قېتىم پارتلاشتەك ئاز كۆرۈلىدىغان ۋەقە يۈز بەردى.

5-يانۋار، ئافغانىستاننىڭ شەرقىدىكى نەنگارخار ئۆلكىسىنىڭ مەركىزى جالالئاباد شەھەر سىرتىدىكى رايوندا پارتلىتىش ۋەقەسى يۈز بەردى، بىراق ئۆلۈم يېتىم بولمىدى. ھىندىستان، پاكىستان ۋە ئىراننىڭ كونسۇلخانىلىرى ھۇجۇمغا ئۇچرىغان رايونغا يېقىن ئىكەن.

4-يانۋار، كابۇل خەلقئارا ئايرودۇرۇمىغا يېقىن جايدا ئىككى قېتىم ئۆزىنى قوشۇپ پارتلىتىپ ھۇجۇم قىلىش ۋەقەسى يۈز بېرىپ، ئاياللار ۋە بالىلارنى ئۆز ئىچىگە ئالغان ئاز دېگەندە 36 كىشى يارىلاندى، ھۇجۇمغا ئۇچرىغان رايونغا يېقىن جايدىكى ماگىزىن ۋە پۇقرالارنىڭ ئويلىرى ئېغىر زەخىمگە ئۇچرىدى.

3-يانۋار، ھىندىستاننىڭ ئافغانىستاننىڭ شىمالىدىكى شەھەر مازارىشەرىفدە تەسىس قىلغان كونسۇلخانىسى سالاھىيىتى ئېنىق بولمىغان قوراللىق خادىملارنىڭ ھۇجۇمىغا ئۇچراپ، ئاز دېگەندە 10 كىشى يارىلاندى. ساقچى تەرەپ ئارقىدىن قوراللىق توقۇنۇشتا قوراللىق خادىمدىن ئۇچنى ئېتىپ تاشلىدى.

گەرچە ھازىرغىچە يۇقىرىقى ھۇجۇم قىلىش ۋەقەسىنى قايسى تەشكىلات ياكى شەخسىنىڭ پەيدا قىلغانلىقى ئېنىقلانمىغان بولسىمۇ، بىراق ئافغانىستان بىخەتەرلىك تارماقلىرى قوراللىق خادىملارنىڭ ھۇجۇم قىلىش ئۇسۇلىغا قارتا، ھۇجۇم قىلىش ۋەقەسىنى ئافغانىستان تالىبان قوراللىق خادىملىرى پەيدا قىلدى دەپ قارىغان. يېڭى يىل باشلىنىش بىلەن، كابۇلدىكى بىر فىرانسىيە رېستورانى 1-يانۋار كەچتە ئۆزىنى قوشۇپ پارتلىتىپ ھۇجۇم قىلىشقا ئۇچراپ، ئۇچ كىشى قازا قىلدى، ئۇندىن باشقا 15 كىشى يارىلاندى. ئافغانىستان تالىبان قوراللىق كۈچلىرى بۇ قېتىمقى ھۇجۇمنى ئۆزلىرىنى پەيدا قىلغانلىقىنى جاكارلىدى.
http://www.uycnr.com/xwzx/zdxw/201601/t20160107_999944.html

ئەلدىيار تورى ئۈندىدار سالونى : eldiyar99