نېپال يەر تەۋرەشتە قازا قىلغانلار 6659 كىشىگە يەتتى

جۇڭگو خەۋەر تورىنىڭ 5-ئاينىڭ 2-كۈنىدىكى خەۋىرى:

ئامېرىكا «ۋاشىنگىتون كۈندىلىك پوچتا گېزىتى» نىڭ 2-چېسلا خەۋەر قىلىشىچە، نېپال ئىچكى ئىشىلار مىنىستىرلىقىنىڭ 2-چىسلا ئاشكارلىغان ئەڭ يېڭى سانلىق-مەلۇمات ماتېرىيالىدىن ئايان بولىشىچە، نېپالدا 4-ئاينىڭ 25-كۈنى يۈز بەرگەن قاتتىق يەر تەۋرەشتە قازا قىلغانلارنىڭ سانى 6659 كىشىگە، يارلانغانلارنىڭ سانى 14 مىڭ 62 كىشىگە يەتكەن. قازا قىلغانلارنىڭ ئارىسىدا 76 نەپەر چەت ئەللىك كىشىمۇ بار بولۇپ، ئۇندىن باشقا يەنە 204 نەپەر چەت ئەللىك يوقاپ كەتكەن.

نېپال ئىچكى ئىشىلار مىنىستىرلىقى بۇندىن بۇرۇن ئاپەتكە ئۇچرىغان 29 رايون ئىچىدە ئۆلۈم-يىتىم ئەڭ ئېغىر بولغىنى جوكسىن دۇپار ناھىيىسى (Jock Sin Dupare County) دەپ ئېلان قىلغان بولۇپ، ھازىرغىچە قازا قىلغانلار سانى 2000 كىشىگە يەتكەن، ئۇندىن باشقا يەنە مىڭدىن ئارتۇق ئادەم يارلانغان. يەرلىك ھۆكۈمەت ئەمەلدارى مۇنۇلارنى بىلدۈردى، مەزكۇر ناھىيىدىكى بىر قىسىم پۇقرالار ئۆرۈلۈپ چۈشكەن تۇرالغۇ خارابىيلىكى ئاستىدا قالغان بولۇپ، ئۇلار يەنىلا قۇتقۇزغۇچى خادىملارنىڭ كېلىشىنى كۈتۈپ تۇرىۋاتىدۇ.

ھازىر گوركا (Gorkha) قاتارلىق ئاپەتكە ئۇچراش ئەھۋالى ئەڭ ئېغىر بولغان رايونلار ئاشلىق، دورا-دەرمەك ۋە ئىچىملىك سۇ قاتارلىقلارغا جىددى ئىھتىياجلىق بولۇپ،  يەر تەۋرەش سەۋەبىدىن يوللار توسۇلۇپ قالغان، قاتناش راۋان بولمىغاچقا قۇتقۇزۇش خادىملىرى ۋە قۇتقۇزۇش بۇيۇملىرى بىر قەدەر چەت بولغان گوركا رايونىغا بارالمايۋاتىدۇ.

نېپال ھۆكۈمىتىنىڭ مەلۇم بىر يۇقىرى دەرىجىلىك ئەمەلدارى مۇنۇلارنى بىلدۈردى، 5-ئاينىڭ 2-كۈنىگىچە، نېپال پۈتۈن مەملىكەت دائىرىسىدە يەنىلا ئىككى مىليون 500 مىڭ كىشى سىرىتتا تۇرۇشقا مەجبۇر بولدى، بۇلارنىڭ كۆپچىلىكى ۋاقىتلىق چېدىر بارگاھلىرىغا ئورۇنلاشتۇرۇلدى. ئاشلىق، تازلىق ئەسلىھەلىرى، ئىچىملىك ۋە ھاجەتخانا قاتارلىقلار بەكلا قىس بولغانلىقى سەۋەبىدىن، ھازىر ئاپەتكە ئۇچرىغۇچىلارنى ۋاقىتلىق ئورۇنلاشتۇرۇش لاگىرىدىكى كىشىلەرنىڭ ئەھۋالىمۇ بارغانسىرى ناچارلىشىپ كېتىۋاتىدۇ. كاتماندو شەھىرىدىكى بىر قىسىم پۇقرالار بىخەتەرلىك ئەھۋالىدىن ئەنسىرىگەنلىكى ئۈچۈن يۇرت-ماكانلىرىنى تاشلاپ باشقا يۇرتلارغا قېچىپ كېتىشتى.

4-ئاينىڭ 30-كۈنى ب د ت نىڭ ئىنسانپەرۋەرلىك ئىشلىرىغا مەسئۇل مۇئاۋىن باش كاتىپى ئاموس (Amos) نېپالدا خەلقئارا جەمئىيەتنىڭ نېپالغا بولغان ياردەم قىلىش كۈچىنى تېخىمۇ زورايتىشىنى، تېخىمۇ كۆپ چېدىر ۋە ئاشلىق قاتارلىق ئاپەتتىن قۇتقۇزۇش بۇيۇملىرىنى ئەۋەتىشنى ۋە بۇنداق قىلىش ئارقىلىق نېپالدا يۈز بېرىش ئالدىدا تۇرغان يامغۇرلۇق پەسلىگە تاقابىل تۇرۇشقا چاقىردى.

ئەلدىيار تورى ئۈندىدار سالونى : eldiyar99