خوندا يېڭى سىيۈ TYPE R مۇسابىقە ئاپتوموبىلى

تۈرى : ماشىنا يوللىغۇچى : ۋاقتى : 2015-03-20 17:41:57

ئاپتوموبىل ئائىلىسى 18-مارت خەۋىرى، نۇر تورى تەرجىمىسى : خوندا سىيۈ TYPE R نۆۋەتتە نوربورگتىكى ئەڭ تېز ماڭىدىغان ئاپتوموبىل بولۇپ قالدى، بۇ ئاپتوموبىل چىقىرىلغاندىن كېيىن پۈتۈن يەر شارى مىقياسىدىكى ئاپتوموبىل ھەۋەسكارلىرىنىڭ دىققىتىنى تارتتى. يېقىندا خوندا ئاپتوموبىل شىركىتى سىيۈ TYPE R ئاساسىدا ئىشلەنگەن مۇسابىقە ئاپتوموبىلىنى BTCC مۇسابىقىسى (BTCC نىڭ تۇلۇق ئاتىلىشى British Touring Car Championship بولۇپ، مەنىسى : ئەنگىلىيە ئۆي ئاپتوموبىلى لەۋھە تالىشىش مۇسابىقىسى ) گە قاتناشتۇرىدىغانلىقىنى جاكارلىدى.

بۇ ئاپتوموبىلنىڭ تاشقى كۆرىنىشىگە كەڭ گەۋدە يۈرۈشلۈك زاپچاسلىرى سەپلەنگەن بولۇپ، كەڭ چاق ئارىلىقى بۇ ئاپتوموبىلنىڭ يول يۈرگەندىكى گەۋدە مۇقىملىقىنى ئاشۇرغان. ھەرىكەتلەندۈرۈش كۈچى جەھەتتە، بۇ ئاپتوموبىلغا بىر دانە 2.0 لتېرلىق پىرقىرىغۇچ ئارقىلىق بېسىم ئاشۇرىلىدىغان ماتور سەپلەنگەن، ئەسلىدىكى 310 ئات كۈچىلىك ئەڭ چوڭ قۇۋۋىتى، تەڭشىلىش ئارقىلىق 350 ئات كۈچىگە يەتكەن، ماكسىموم تولغىنىش مومېنتى 400 ن.م بولغان.

ئەلدىيار تورى ئۈندىدار سالونى : eldiyar99