Dunyakara

版权声明：转载时请以超链接形式标明文章原始出处和作者信息及本声明
logs/39314217.html

بەلكىم يازما تېمىسى ئۇقۇم جەھەتتىن سەل گوڭگا بولۇپ قالغان بولىشى مۇمكىن، شۇڭا ئالدى بىلەن نابورچىك دىگەن بۇ ئاتالغۇ توغرىسىدا ئازراق چۈشەنچىگە ئىگە بولايلى: نابورچىك-كەسپى ئاتالغۇ بولۇپ، بەت ياساش ئۇستىسى، بەت تەھرىرلەش ئۇستىسى(ياكى بەت ياسىغۇچى، بەت تەھرىرلىگۈچى) دىگەندەك مەنىلەرگە ئىگە، نەشىرياتلاردىكى مۇشۇنداق خىزمەت بىلەن شۇغۇللىنىدىغان خادىملارنى نابورچىك دەيدۇ.

ئەمدى مەقسەتكە كەلسەك، تۆۋەندىكى كود پارامىتېرلىرى ئارقىلىق بلوگىمىزغا نابورچىك "تەكلىپ" قىلغىلى بولىدۇ، بۇ ئارقىلىق بلوگىمىزدىكى يازمىلار ئاپتوماتىك ھالدا رەتلىنىدۇ، يەنى باش قۇردىن باشلانغان ئابزاسلار مەلۇم بوشلۇقتىن كېيىن باشلىنىدۇ، يازمىنىڭ ئىككى تەرىپى ۋېرتكال سىزىق بويلاپ تەكشى تىزىلىپ يازمىنىڭ سۈپىتىگە ھۆسىن قوشىدۇ، بۇرۇنقىدەك ئەمدى يازمىلىرىمىزنىڭ باش قۇرلىرى ياخشى بولسىمۇ ئاياق قۇرلىرى تەكشىسىز چىقىۋېلىش ھادىسىسىنى تامامەن ئوڭشىۋالغىلى بولىدۇ.

مەزكۇر كودنىڭ پارامېتىرلىرى ئۈستىدە ئازراق توختىلىپ ئۆتەي، چۈنكى مۇشۇ كودنىڭ پارامىتېرلىرىنى پىششىق بىلگەندىلا ئۆزىمىزنىڭ كۆرۈش، ئوقۇش سەزگۈمىزگە تېخىمۇ ماسلىشىدىغان يازما تەھرىرلەش ئۈنۈمىگە ئېرىشىمىز، ھەم شۇنداقلا كودنى ئىشلىتىشتىمۇ قىينالمايلا پارامتېرلىرىنى ئۆزىمىز خالىغانچە تەڭشىۋالساق بولىدۇ.

css 2.0 نىڭ خاسلىقلىرى ئىچىدە تېكىست بولىكى بولۇپ بۇ بۆلەكنىڭ ئىچىدە 24 خىل تېكىست خاسلىقىنى بەلگۈلەيدىغان پارامېتىر بار. بۇلارنىڭ ئىچىدە بىز دائىم ئىشلىتىپ كېلىۋاتقان text-align، text-autospace دىگەندەك پارامېتىرلار بولۇپ يەنە بىر خىل پارامېتىر دەل بىزنىڭ يازمىلىرىمىزدىكى مەسىلىلەرنى ھەل قىلىپ بېرىدۇ، ئۇ بولسىمۇ text-justify

text-justifyتوربەتتىكى يازمىلارنىڭ تېكىست يۈزىنى ئورۇنلاشتۇرۇش(تەھرىرلەش، ياساش،رەتلەش) ئۈچۈن ئىشلىتىلىدۇ، بۇ پارامېتىرنى ئىشلەتكەندە چوقۇم text-align:right قىلىپ قويماستىن بەلكى text-align:justify قىلىپ ئۆزگەرتىش كېرەك

text-justifyنىڭ تۆۋەندىكىدەك 9 خىل پارامىتېرى بار

text-justify: auto;

text-justify:distribute;

text-justify:distribute-all-lines;

text-justify:distribute-center-last;

text-justify:inter-cluster;

text-justify:inter-ideograph;

text-justify:inter-word;

text-justify:kashida;

text-justify:newspaper;

يوقارقى 9 خىل پارامىتېرىنىڭ ئىقتىدارلىرى تۆۋەندىكىچە:

auto: كۆڭۈلدىكى قىممەت بولۇپ، تور كۆرگۈچ ئاپتوماتىك ھالدا يازمىنى ئىككى تەرەپتىن توغۇرلاش ئېلىپ بارىدۇ.

distribute: سۆزلەر ئارىدىسىكى بوش ئورۇننى بىر تەرەپ قىلىدۇ(سوزۇش ياكى قىسىش ئېلىپ بارىدۇ)

distribute-all-lines: ئىككى تەرەپتىن توغۇرلىنىشى distribute غا ئوخشاپ كېتىدۇ، مەنە ئىپادىلىگۈچى يېزىق(ئېلىپبەلىك يېزىقلارغا ئىشلىتىلىدۇ، مەسىلەن ياپون يېزىقى)

distribute-center-last: بېرىلگەن ئېنىقلىما يوق ياكى ئىقتىدارى ئەمەلگە ئاشمىغان

inter-cluster: سۆزلەر ئارىسىدا بوش ئورۇن قالمىغان تېكىستلەرنى تەڭشەشتە ئىشلىتىلىدۇ، بۇ ئىقتىدار ئاسىيا تىللىرىدىكى تېكىستلەرگە ئىشلىتىلىدۇ

inter-ideograph: ئېلىپبەلىك يېزىقلارغا ئىشلىتىلىدۇ، پۈتۈنلەي تەڭشەش ئېلىپ بارىدۇ، ھەرپ سۆزلەر ئوتتۇرىسىدىكى بوشلۇقنى قىسىش ياكى سوزۇش ئارقىلىق تەڭشەش ئۈنۈمىگە ئېرىشىدۇ.

inter-word: خەتلەر ئوتتۇرىسىدىكى بوش ئورۇننى قوشۇش ئارقىلىق يازمىنىڭ ئىككى تەرىپىنى تەڭشەيدۇ، بۇ خىل ئىقتىدار يازمىنىڭ ئەڭ ئاخىرقى قۇرىغا ئىشلىمەيدۇ.

kashida: ھەرپلەرنى سوزۇش ئارقىلىق يازمىنىڭ ئىككى تەرىپىنى تەڭشەش ئېلىپ بارىدۇ، بۇ خىل ئىقتىدار ئەرەپ يېزىق سېستىمىسىغا قارىتىلغان.

newspaper: ھەرپ ياكى خەتلەر ئوتتۇرىسىدىكى بوش ئورۇننى سوزۇش ياكى قىسىش ئارقىلىق يازمىنىڭ ئىككى تەرىپى تەڭشىلىدۇ، بۇ ئىقتىدار لاتىن يېزىقلىرىغا بەك ئىشلىتىلىدۇ.

يوقارقى 9خىل پارامېتىرنىڭ ئىقتىدارىنى بىلىۋالغاندىن كېيىن مەن مەخسۇس سىناق ئېلىپ باردىم نەتىجە تۆۋەندىكىدەك بولۇپ چىقتى:

ئىشلىتىلگەن كود:

يوقارقى ئىككى خىل كودنى ئوخشاش بىر بۆلەك تېكىستكە قوشقاندىكى ئۈنۈم پۈتۈنلەي ئوخشىمايدىغان بولۇپ تۆۋەندىكىدەك نەتىجە چىقتى:

ئەمدى يوقارقى سۆزلەپ ئۆتكەن 9خىل پارامىتېرنىڭ ھەر بىرىنى ئايرىم -ئايرىم قويۇپ نەتىجىسىنىڭ قانداق بولىدىغانلىقىنى سىناپ باقتىم:  9خىل پارامىتېرنىڭ قايسىسىنى ئىشلەتكەنلىكىم رەسىمنىڭ بېشىدىكى ئاق قىسىمدا بېرىلدى.

ئۇندىن باشقا يەنەtext-kashida-space: قىممىتىنى 0 قىلغان ۋاقىتتا سۆزلەر ئوتتۇرىدىكى بوش ئورۇننى سوزۇپ تەڭشەش ئېلىپ بارىدىغانلىقى ، قىممىتى 100پىرسەنت بولغاندا بولسا سۆزلەر ئارىدىسىكى بوش ئورۇنلارغا چىقالماي بەلكى ھەرپلەرنى سوزۇش ئېلىپ بارىدىغانلىقى ئېنىقلاندى، تۆۋەندىكى رەسىمدىكىدەك:

سىناق تامام. ئەمدى خۇلاسىگە كەلسەم: مەن بلوگىمغا تۆۋەندىكىدەك كودنى قوشتۇم:

{text-align:justify;text-indent:30px;text-kashida-space: 0%;text-justify:inter-word;}

بۇنداق پارامىتېرلارنى ئېلىشتىكى سەۋەپ پۈتۈنلەي شەخسىي تەسىراتىمدىن بولدى، ئەگەر خالىغانلار text-justify:inter-word نىڭ ئورنىغا text-justify:kashidaنى ئالماشتۇرۇپ قويىۋالسىمۇ بولىدۇ.

يەنە بىر قىززىق يېرى شۇ بولدىكى مەن بۇ كودنى بلوگىمغا قويۇپ بولغاندىن كېيىن، ئىنكاس ۋە ئىنكاسقا بېرىلگەن جاۋاپ قىسمىغىمۇ مۇشۇ كودنى قويۇپ باققان ئىدىم، ھا ھا ھا بلوگىمدىكى بارلىق ئىنكاسلار ۋە ئىنكاسلارغا بېرىلگەن جاۋاپلار دەل مېنىڭ كۆزلىگىنىمدەك يازما قۇرلىرىنىڭ ئىككى تەرىپى تەڭشىلىپ كەتتى، بلوگىمنىڭ دوستانە ئۇلىنىشىدىكى "ئۇلىنىش قوشۇش" دىگەن ئورۇننى چېكىپ كىرىپ بارلىق ئىنكاسلارنى كۆرۈپ بېقىڭ.

ئەگەر سىزمۇ بلوگىڭىزغا "نابورچىك تەكلىپ قىلماقچى" بولسىڭىز يوقارقى كودنى css بۆلىكىنىڭ تۆۋەندىكى ئورۇنلىرىغا قوشۇۋېلىڭ.

قوشماقچى بولغان كودنى بۇ يەرگىمۇ قالدۇرۇپ قوياي:

{text-align:justify;text-indent:30px;text-kashida-space: 0%;text-justify:inter-word;}

1.يازما بېتىنى رەتلەش ئۈچۈن:

postbody پارامىتېرىنىڭ ئىچىگە قويىسىز، ئەسلىدىكى text-align:right;  دىگەن پارامىتېرنى ئۆچۈرىۋېتىڭ.

2.ئىنكاس بېتىنى رەتلەش ئۈچۈن:

comments .cmtBody پارامىتېرىنىڭ ئىچىگە قويىسىز، ئەسلىدىكى text-align:right;دىگەن پارامىتېرنى ئۆچۈرىۋېتىڭ.

3.ئىنكاسقا بېرىلگەن جاۋاپ قىسمىنى رەتلەش ئۈچۈن:

comments .reCmtBody  پارامىتېرىنىڭ ئىچىگە قويىسىز، ئەسلىدىكى text-align:right;دىگەن پارامىتېرنى ئۆچۈرىۋېتىڭ.