Dunyakara

版权声明：转载时请以超链接形式标明文章原始出处和作者信息及本声明
logs/28762924.html

1.بلوگىمىزنى ئامالنىڭ بارىچە ئاددى، كۆركەم قىلىپ بېزەيلى.بەت يۈزى بىلەن خەتلەرنىڭ رەڭگى كۆزنى چاقىدىغان بولۇپ قالمىسۇن،ئالاھىدە ئۈنۈملەرنى بىرنى جىق بولغاندا ئىككىنى چىقىرىپ قويساق كۇپايە، بەك كۆپ بولۇپ كەتمىسۇن، ئېلانلارنىڭ ئورۇنلىرىنى خاراكتىرى ۋە كۆرىنىشى بويىچە مۇۋاپىق،سىپتا ئورۇنلاشتۇرايلى، باش بەتنى ئاچقاندىلا رەتسىز، قالايمىغان، ئالا-چىپار بولۇپ كەتمىسۇن، ئۇنداق بولمىغاندا زىيارەتچىلەردە ئاسانلا چارچاش تۇيغۇسى پەيدا قىلىپ قويىدۇ-دە ئاستا چىقىپ كېتىپ قالىدۇ.

2.بلوگىمىزدا ئادەتتە ئىككى كۈندە بىر پارچە ھېچ بولمىغاندا ھەپتىدە بولسىمۇ بىرەر پارچىدىن يازما يېزىپ تۇرساق ياخشى. ئالدىمىزدا بىرەر ئايلىق ئىشىمىز چىقىپ قېلىپ ۋاقتىدا يوللىيالمايدىغان ئەھۋالدا ۋاقىت بەلگۈلەپ يوللاپ قويساقمۇ بولىدۇ ، بۇ جەھەتتە مەن "بلوگباستىمۇ ئېتىز بېشىدا تۇرۇپ تېما يوللىسىڭىز بولىدىكەن"  دىگەن يازمامدا تونۇشتۇرۇپ ئۆتكەن. بۇنداق قىلغاندا زىيارەتچىلىرىمىزنىڭ قەدەم تەشرىپ قىلىشىنى ئەڭ ناچار ئويلىغاندىمۇ مۇقىم بىر سەۋىيىدە ساقلىغىلى بولىدۇ. ئايلاپ-ھەپتىلەپمۇ بىرەر پارچە يازما يوللىمىساق بلوگ قۇرۇش مەقسىتىمىزدىن يىراقلاپ كېتىمىز، زىيارەتچىلىرىمىزدىنمۇ ئاستا-ئاستا ئايرىلىپ قالىمىز،

3.ئىنكاسقا مۇۋاپىق جاۋاپ قايتۇرايلى.بلوگىمىزدا بىرەر يازمىنى يوللىغان ئىكەنمىز ئۇنى ئەلۋەتتە باشقىلار كۆرىدۇ، ھەم ئۆز تەسىراتلىرىنى ئىنكاس شەكىلدە قالدۇرۇپ قويىدۇ، ھېچبولمىغاندا "تېمىڭىزغا رەھمەت"،" ياخشى تېما ئىكەن"،"ئوبدان تېما يوللاپسىز" دىگەندەك ئىنكاسلارنى قالدۇرىدۇ. بلوگبۇسنىڭ ئىنكاسقا جاۋاپ قايتۇرۇش(回复دىگەن كۇنۇپكىنى بېسىپ جاۋاپ قايتۇرساق بولىدۇ)ئىقتىدارى نورمال بولغاندىن كېيىن مۇناسىپ بولغان جاۋاپنى قايتۇرايلى. ھېچبولمىغاندا "قەدەم تەشرىپ قىلغىنىڭىزغا رەھمەت" دەپ ئىككى ئېغىز بولسىمۇ دەپ قويساق ئارتۇقچە كەتمەيدۇ. بۇ ئەقەللىسى بىر مۇسۇلمان ئۈچۈن "ئەسسالامۇ ئەلەيكۈم!" دىسە جاۋابەن "ۋەئەلەيكۇم ئەسسالام" دەپ جاۋاپ قايتۇرغانغا ئوخشاش. كۆرۈپ تۇرۇپتىمىز بەزى بلوگگىرلار زىيارەت قىلغانلا بلوگلىرىدا ئاز-تولا ئىنكاس يېزىپ ماڭىدۇ، بۇ ئىنتايىن ياخشى ئەھۋال. بىراق شۇنىمۇ كۆرۈپ تۇرۇپتىمىز بەزى بلوگلار ئەزەلدىن ئىنكاسقا جاۋاپ يازمايدۇ. بۇنداق قىلىش ھۆرمەتسىزلىك بولىدۇ، بۇنداق قىلىش ئاخىرقى ھىساپتا ئۆزىمىزگىلا پايدىسىز. شۇنى يادىمىزدا تۇتايلىكى : ئىنكاسقا جاۋاپ بېرىش-ئەخلاق جۈملىسىدىندۇر.

4.بلوگ ئۇلىنىش ئالماشتۇرۇش توغۇرلۇق شەرت قويماسلىق. ھەممىمىزگە مەلۇم بەزى بلوگلار ئۇلىنىش ئالماشتۇرۇش توغرىسىدا يازما يوللاپ تۈرلۈك شەرتلەرنى ئوتتۇرىغا قويىدۇ،بلوگلارنى تاللاپ ئۇلانما قىلىدۇ، بۇنداق قىلىش مېنىڭچە ياخشى ئەمەس.يېڭىياچە بلوگلار ياكى شەرتكە چۈشمەيدىغان بلوگلار بۇنىڭ نەتىجىسىدە بىرچەتتە "بوينىنى قىسىپ" قالىدۇ. شۇنى ئېسىڭىزدە ساقلاڭكى يېڭى قۇرغان بلوگلار بىر كۈنلەرگە بارغاندا سىزنىڭ بلوگىڭىزدىن ئېشىپ كېتىشى مۇمكىن، شۇڭا يېڭى بلوگلارغىمۇ قىزغىن مۇئامىلىدە بولايلى. بلوگ قۇرۇلۇشىدىنلا تەبىئى ھالدا  تېمىسى،ئۇسلۇبى، مەزمونى جەھەتتە خىلمۇ-خىل بولىدۇ، شۇڭا تۈرلۈك شەرتلەرنى قويۇۋېلىش مۇۋاپىق ئەمەس، بلوگىمىزنىڭ زىيارەت مىقدارىنى ئازايتىپ قويىدۇ.

5.ئامالنىڭ بارىچە بلوگىمىزنىڭ يازمىلىرى دەۋرىيلىك ھالدا يوللانسۇن، بۇنداق دىگىنىم يازمىلارنى ئامال بار مۇقىم تەرتىپتە يوللاش كېرەك، يەنى ئىككى كۈندە بىر پارچە بولسا ئامال بار مۇشۇ سەۋىيەنى ساقلاش كېرەك دىمەكچى، بۇ ئەلۋەتتە تۆۋەن چەك. مۇشۇنداق قىلغاندا بەيدۇ 百度，گوگۇلgoogleغا ئوخشاش ئىزدەش ماتورلىرىنىڭ يازمىلىرىڭىزنى ئىزدەش ماتورلىرىغا قوشىۋېلىشىمۇ مۇقىم سۈرئەتتە ئېشىپ بارىدۇ. بۇنىڭلىق بىلەن بلوگىڭىزغا تۈرلۈك ئېلانلارنى قويسىڭىزمۇ غەم قىلمايسىز.