ئاشكارلاش ....

( نەسىرلەر )

1
ئاتام جۈمەنى تەرك ئەتكەن كۈنى قىساس خەنجىرىنى يۈرىكىمگە بايراقسىمان قاداپ قويدى . قان قەسىرىدىن بىتاھارەت قولۇمغا چىققان قەلەم ، ئازغۇنلار قەبىلىسىنىڭ كېنزەكلىرى بىلەن ھاياسىز تۈنەپ قالدى .....

2
بىلەتسىز ئويۇنغا قىزغىنلىق بىلەن ئىشتىراك قىلىۋاتقان قەدەملىرىمدىن، زېمننىڭ سۈتتەك تېرىسى چاك - چاك يېرىلىپ ، تەن قىقاسلىرىنىڭ خۇنسىز ھوجۇمىدا يارىدار سامادىكى قۇشقا ئايلىنىپ قالدىم !

3
لەھەت ئىچىدە چىرقىرىغان قىنىمنىڭ ئېچىنىشلىق نىداسى ، رەھ سەلتەنىتىنىڭ مۇقەددەس خانىقاسىغا ساراڭلارچە پاسىق بىشى بىلەن ئۈستى ...ئاي شارى جەينامازدىكى ھىدايەتكارىنىڭ دىققىتىنى چېچىۋەتتىم . ئۇ كامىل ئىنسان بولماي چىقتى ......

4
ئەلەڭلەپ يۈرگەن كائىناتتىكى تۇرقۇمدىن زوقلاندىم . ئالقانلاردا كېپەنلىنىۋاتقان تەكلىماكان تېنىقلىرى ، بىچارە توغراقنىڭ سۈبھىدىكى قەبرىگاھىغا باش قويۇپ ، قۇم ساھىلىدا ئۇسسۇزلۇقنىڭ زەھەرلىك تامچىسىغا تېنى قوشۇلماي ، قىنى قوشۇلۇپ كەتكىنىدىن ئەندىكتىم ....

5
تاۋۇتۇم قاغىنىڭ چاڭگىسىدا يۇيۇپ - تاراقسىز،ھەتتا : كېپەنسىز قالدى ... جۇدۇن كاچكۇللىرىدا تېنەشلەرگە چۆككەن ھۈجەيرىلەردە ، غورۇرنىڭ سىماسى يوق ئەپتىمگە ئىلتىجا قىلىۋاتقان سۈكۈتسىز قۇش ، قارىچۇقۇمدىن پاجئەلىك قىسمەتنىڭ مەقسىدىنى چەبدەسلىك بىلەن يۇلۇپ چىقتى .....

6
تۇمانغا كۆنۈپ كەتتىم ! ئەممالىكىن ، مەڭگۈلۈك كۆنۈشكە تاقىتىم بەرداشلىق بېرەلمەيدۇ !!!

7

قارىچۇقۇڭدىن ئاققان كۆڭۈل زەردابلىرىڭدىن ، ئۆزۈمنىڭ بىچارە ھالىتىنى سۈزۈلۋالدىم .

8

يۈرىكىڭ دەھشەتلىك سېلىپ ، ئالامنى - مالەم قىلىپ بېشىغا پۈتۈن كېيگەن دەقىقە ، جۇدالىق خەنجىرى رەھىمسىزلەرچە جار سالدى ...مۇھەببەتتىن مەھرۇم بىر سەرگەردانغا ئايلاندىم .

9

بەخىت شارابى لىۋىمدىن كەتمىدى .... ئەمما ، ۋىسال قۇشى يىراق - يىراققا ئۇچۇپ كەتتى،،،

10

تۇيغۇلىرىمنىڭ غېرىبلىقىدا ، ئازابلارنىڭ ئېزىق چېشىدا چاينالماقتىمەن .... پارتىلاش ﻫالىتىدىكى نېرۋامنىڭ سېستىمىلىرى ئاخىرقى بۇيرۇققا مەجنۇنلارچە تەلمۈرۈپ ، قارىچۇقۇمنىڭ تومۇرىنى ، گويا لەگلەكنىڭ پېيىنى يېغىۋالغاندەك مەجبۇرىي تارتقۇشلىماقتا ...

11

جۇدالىق پەريادلىرنىڭ دۇمبالاشلىرىدا چېﻬرىمدە خۇن يوق ! كۆزۈمدە نۇر يوق !! كېشەنلەنگەن ئېغىر قەدەملىرىم بىلەن ناتونۇش مەنزىلنى ئارمان قىلماقتىمەن !!

12

بىر قۇش يۈرىكىمنى چوقۇۋالدى .... تېنىم بىر چەكسىز گۈلخاندا چاراسلاپ كۆيمەكتە ......


2007- 4 - 27 ياركەنىت --- ئالمەت