يوللانغان ۋاقتى : 2007-10-11 03:15:43    كۆرۈلۈش سانى : 125  

[size=5]سەن بار [/size] [size=3] (<<سەن يۇق >>ناملىق شېئىرنىڭ ئىلھامى بىلەن) جاپنى مەن تۇلار تارتتىم .راھەت سۈرگەندىلا سەن بار ئەلەم تارتسام يۇلۇقمايسەن ،لىكىن كۈلگەندىلا سەن بار. ئىشىمغا سەن نىشان بەلگە،ئېقىن سۇ باشلىسام چۆلگە، جەزىر-ياۋاندا مەن تەشنا ، گۈزەل گۇلشەندىلا سەن بار. تۇمۇزدا ئاغدۇرۇپ يەرنى ،ئېتىزغا مەن ئۇرۇق سالسام، بولۇپ خاماندا چەش ئالتۇن ھوسۇل بەرگەندىلا سەن بار. قىشى يازى بىقىپ پاقلان ،يىمەككە بوردىسام ھەر ئان، قالار ئالدىمدا ئۇستىخان ھامان لوق گۆشتىلا سەن بار. خېمىرنى بولدۇرۇپ ئەيلەپ ، تونۇرغا ناننى مەن ياقسام، قۇرۇق تەڭلەڭگە خون-خونلاپ توقاچ كىرگەندىلا سەن بار. رەقىپنىڭ قەستىدىن توۋا زەھەر ئوتلاپتىمەن بىر چاغ، مانا پۇرسەتتە شەربەتنى سۈزۈپ ئىچكەندىلا سەن بار. قاقاس چۆللەردە باغ ئەيلەپ،قاراڭنى كۆرمىدىم ھەرگىز. بېغىمدىن شىرنىلىك مېۋە ئۈزۈپ يىگەندىلا سەن بار. دىمەككى مەن جاپا تارتسام يېنىمدا سەن دەقىقە يوق، ھاياتتىن خوشلۇشۇپ ئاخىر پېقىر ئۆلگەندىلا سەن بار.[/size] [ بۇ يازما nurbag تەرىپىدىن 2007-10-11 21:44:51 تۈزۈتۈپ تەﻫرىرلەندى . ]