يوللانغان ۋاقتى : 2007-10-12 02:12:32    كۆرۈلۈش سانى : 1153  

[color=Green][color=Green][color=Green][color=Green][color=Red][size=6]سۆيۈلگۈچىگە خىتاب[/size][/color] (1) ئەي مىنىڭ كۆزۈمدە ئەكىسلەنگۈچى، بۇلاقتەك كۆزۈمدىن كۆرگىن ئۆزۈڭنى. سۈپسۈزۈك ئاسماننى ئەسلەتسەم ساڭا، قاراڭغۇ پەردىدە ياپما يۈزۈڭنى. قولۇڭنى تۇتسام گەر كۆيۈك قولۇمدا، مۇز ئەمەس قولۇمغا تۇتقۇزغىن چوغنى. قانسىراپ يىقىلسام ئاياغ ئاستىڭغا، تىكلىگىن قەبرەمگە مۇقەددەس تۇغنى. سۆيگۈ دەپ يىقىلسام، سۆيگۈ دەپ ئۆلسەم، كىپەنلىك قىل ماڭا مۇﻫەببىتىڭنى. يەرلىكىم ئويۇلسۇن قەلبىڭگە پەقەت، قارا يەر يەكلىسە مۇزدەك تېنىمنى. جەسىتىم ئالدىدا تۇرما تەمتىرەپ، چېتىلسۇن ئىڭېكىم ئەتلەس شارپاڭدا. كۈتمەيمەن سىنىڭدىن ئۆزگە تەسەللى، دوئاغا قول كۆتۈر ﻫەر كۈنى تاڭدا. (2) ئالدىمغا گۈل تۇتۇپ كىلەلمىسەڭمۇ، چىچەكلىك شاخلارنى كەلگىن سۇندۇرۇپ. قەلبىڭدىن تەڭلىسەڭ بىر قەدەﻫ دۇغ سۇ، مەن ئۇنى قولۇمدا ئىچەي تىندۇرۇپ. مۇﻫەببەت مۇﻫتاجمەس ﻫەرخىل رەڭلەرگە، قولۇڭدا كەشتىلە ئاددىي قولياغلىق. بىرىلمەي ياشايلى كاتتا ئەڭ لەرگە، بۇ سۆيگۈ ماڭا ﻫەم ساڭىلا تالىق. ياشايلى ۋەيرانە كەپىدە مەيلى، سارايلار بىز ئۈچۈن نە كېرەك ئەركەم. چۆللەرنى گۈلشەن دەپ قىلايلى سەيلى، سۆيگۈدىن بىزەيلى تاڭلارنى كۆركەم. تىكەنلەر تېنىڭنى تىلغىسا ئەگەر، يىغلىما قولۇمغا ئېسىلغىن مەﻫكەم. يىلانلار يۈزۈڭگە چاچراتسا زەﻫەر، گۈللەردىن ياراڭغا ئىزلەيمەن مەلﻬەم. ساقايماس كىسەلگە بولسام مۇپتىلا، باغرىڭدا پەپىلەپ ئەملىگىن مېنى. قىسمەتتىن ئاغرىنىپ يۈرمە ئاﻫ ئۇرۇپ، يۈزۈمدىن قاچقاندا روﻫىمنىڭ قېنى. جەسىتىم ئالدىدا تۇرما تەمتىرەپ، تىكەنلىك يوللارغا يەرلىگىن مېنى. روﻫىمنىڭ ئوزۇقى قالمىسۇن كەملەپ، دوئاگۇي دەملەردە كۈتەي مەن سىنى. 2007.يىلى.ئۆكتەبىر (ئۈرۈمچى) [/color][/color][/color][/color]