ئالماشقان بوۋاقلار ( پوۋېست )

moljar

	دېمىگەن بىلەن ئاخىرى چىقىپ بولغىچە رومان بولىدىغان بولدى بۇ.  كۈندە بىر قىسىمدىن رادىئو دىراممىسى ئاڭلىغاندەك ئوقۇيدىغان بولدۇق.

تەڭرىتاغ

	moljar يوللىغان ۋاقتى  2011-12-1 14:33 دېمىگەن بىلەن ئاخىرى چىقىپ بولغىچە رومان بولىدىغان بو ... مېنىڭ قانچىلىك ئالدىراشلىقىمنى بىلىپ تۇرۇپ ، يەنە مېنى ئالدىرىتىۋاتامسەن دوستۇم ؟؟؟

تەڭرىتاغ

	داۋامى ...     - قېنى قاراپ باقايلى ... قىزلار كېتىپ قالدى ، جودا تۇنجى قەدەمنى مۇۋەپپەقىيەتلىك باسقانىدى . ئۇ ئەمدى ئىككىنچى قەدەمنى قانداق بېسىش ، قانداق قىلىپ بۇ ئىككى نايناقنىڭ ئەدىپىنى بېرىپ ، ئۆزىنىڭ ئاچچىقىنى چىقىرىش ، سانىيە بىلەن قانداق تونۇشۇش ئۈستىدە باش قاتۇرۇۋاتاتتى .     ئىككىنچى كۈنى جودا ماھىرەگە تېلېفۇن قىلدى .     - ياخشىمۇسىز خان ؟ - مېنى تونىدىڭىزمۇ ؟     - ياخشىغۇ ، مېنى تونىدىڭىزمۇ دەپ چىرايىڭىز بىلەن گەپ قىلىۋاتقانمىتىڭىز ؟     ماھىرەنىڭ گېپىدىن جودا ئۇجۇقۇپ كەتتى ۋە چاندۇرماي :    - ھە ، مەن شۇ تۆنۈگۈن سىلەر كۈتۈپخانا بىناسىنى كۆرسىتىپ قويغان بالا شۇ .     ماھىرەنىڭ يۈرىكى ئويناپ كەتتى ، ئۇ جودانىڭ چوقۇم ئۆزلىرىگە تېلېفۇن قىلىدىغانلىقىنى بىلەتتى ، لېكىن بۇنچە تېز تېلېفۇن قىلىدىغانلىقىنى ئويلىمىغانىدى ، ماھىرە دەرھال گېپىنى سىلىقلاتتى :     - ۋىيەي ، كىمكىن دېسەم ئەسلى ، قانداق ئەھۋالىڭىز ياخشىمۇ ؟     - ھە ياخشى ، شۇ تۆنۈگۈن ئالدىراشچىلىقتا ئىسمىڭىزنى سوراشنىمۇ ئۇنتۇپ قاپتىكەنمەن ، شۇڭا بۈگۈن كەچ كۆرۈشۈپ ، تونۇشقاچ بىللە ئويناپ كەلسەك دېگەن خىيالدا سىلەرگە تېلېفۇن قىلغان .     ماھىرەنىڭ ئوتتەك ماقۇل دېگۈسى كەلسىمۇ ، بىراق جوداغا خاتا تەسىر بېرىپ قويۇشتىن ئەنسىرەپ ، ئويلىشىپ بېقىپ چۈشتىن كېيىنگىچە خەۋىرىنى بېرەي دەپ تېلېفۇننى قويۇۋەتتى ۋە رەنانىڭ ياتىقىغا قاراپ يۈگۈردى .     - ئاداش ، تۆنۈگۈنكى ھېلىقى بالا تېلېفۇن قىپتۇ .     - ۋاي قايسى بالا ، ئېنىق دېمەمسەن .    - ھېلىقى بىز كۈتۈپخانىنى كۆرسىتىپ قويغان چىرايلىق ، قاملاشقان بالىچۇ ؟    - ھە ، ئېسىمگە كەلدى ، تېلېفۇن قىلدىما راست ؟    - ھە ، قىلدى ، تېخى بۈگۈن بىزنى كەچتە ۋاقتىڭلار بولسا ئوينىتىپ كېلەي دەيدۇ .    - سەن نېمە دېدىڭ ؟    - مەن ئويلىشىپ بولۇپ جاۋابىنى بېرەي دېدىم .    - ياخشى قىپسەن ئاداش ، بىز چۈشتىن كېيىن ئۇ بالىغا تېلېفۇن قىلىپ ، ئەتە ۋاقتىمىز بارلىقىنى ئېيتايلى ، ئەتە جۈمە ئەمەسمۇ ؟ مەكتەپتىن بالدۇرلا قويۇپ بېرىدۇ ، ئەتە كەچ راسا ئويناپ ، شەنبە كۈنى ياتاقتا ئۇخلىمامدۇق ؟     بۇ ئىككى قىز ناھايىتى ئىنچىكىلىك بىلەن پىلان تۈزدى ۋە جوداغا تېلېفۇن قىلىپ ، ئۆزلىرىنىڭ ئەتە كەچ ۋاقتى بارلىقىنى ئېيتتى ، جودامۇ ئۇلارنىڭ تەكلىپىگە خۇشاللىق بىلەن قوشۇلدى ۋە جۈمە كەچنىڭ كېلىشىنى ساقلىدى .     ئەتىسى كەچتە جودا ئاغىنىسى كامىلنى باشلاپ بۇ قىزلار بىلەن دۆڭكۆۋرۈكتە كۆرۈشتى ، دىبالارنى ئاچىدىغانغا خېلى ۋاقىت بار بولغاچقا ، ئالدى بىلەن بىر ئايرىمخانىنى تېپىپ قورسىقىنى ئاز تولا ئەستەرلىۋېلىشنى كۆڭلىگە پۈكتى ، خىلمۇ خىل قورۇمىلار ئۈستەل ئۈستىگە كەلتۈرۈلگەندىن كېيىن ، جودانىڭ ئاغىنىسى كامىل جودانىڭ ئىشارىتى بويىچە سىرتقا چىقىپ كېتىپ بىر ھازادىن كېيىن نەچچە بوتۇلكا پىۋىنى كۆتۈرۈپ كىردى . دەل شۇ چاغدا جودا كۈتكۈچى قىزنى چاقىرىپ ئۆزلىرىگە تۆت ئىستاكان ئەكىرىپ بېرىشنى ئېيتتى .     - غەيرەت ( جودا ) ، بىز ئىچمەيمىز جۇمۇ ، بىزنى زورلىماڭ .     - ھېچقىسى يوق قىزلار ، بۇنداق سورۇندا ئاز - تولا ئىچىپ قويمىساق سەل تۇرۇپ ئەركىن - ئازادە ئوينىيالمايمىز ، مۇنداق بولسۇن ، بىز پۈتۈن ئىستاكان ، سىلەر يېرىم ئىستاكاندىن ئىچىڭلار ، قانداق دېدىم ؟    - بولمايدۇ ، بولمايدۇ ... غەيرەت جودا قىزلارنىڭ ئۇنمىغىنىغا ئۇنىماي ئىستاكانغا پىۋا قۇيۇپ ئۇلارنىڭ ئالدىغا قويدى .    - ھە ، ئەمسە بۈگۈن ياخشى ئولتۇرۇپ قاپتۇق ، بۇندىن كېيىنكى دوستلۇقىمىزنىڭ مەڭگۈلۈك بولۇشى ئۈچۈن كۆتۈرەيلى ، - ئۇ شۇنداق دېدىدە قىزلارنىڭ ئالدىدىكى ئىستاكاننى قىزلارنىڭ قولىغا تۇتقۇزۇپ قويدى .    - ھە قېنى ئەمىسە ، كۆتۈرەيلى ، - بىر تەرەپتىن كامىل پاس چىقارغىلى تۇردى ، ماھىرە بىلەن رەنا بۇرۇن پىۋا ئىچىپ باققان بولسىمۇ بىراق غەيرەت جودا بىلەن تۇنجى كۆرۈشۈپلا ھاراق ئىچىشنى تازا ياقتۇرمىغانىدى . بىراق جودا بىلەن كامىلنىڭ قىزلارنى زورلىشى نەتىجىسىدە بۇ ئىككى نادان قىز ئىستاكانغا ئاغزىنى تەگكۈزدى . شۇنىڭ بىلەن يېيىش ، ئىچىش ، چىكىش باشلىنىپ كەتتى ، ئىككى سائەتكە يەتمىگەن ۋاقىت ئىچىدە بوتۇلكىلار قۇرۇقدىلىنىپ ، تۆتەيلەنمۇ خېلى تەڭشىلىپ قالغانىدى ، ئۇلار ئايرىمخانىدىن چىقىپ ، بىر تاكسىنى توسىدىدە ئۈرۈمچىدىكى ئەڭ ئاۋات دىبالارنىڭ بىرىگە قاراپ يۈرۈپ كەتتى .    ئۇلار دىبادا يەنە ھاراق ئىچتى ، قانغۇچە ئوينىدى ، ئۇيغۇرچە ئۇسسۇلنى ئەڭ يۇقىرى دەرىجىدە بۇزۇپ ئويناۋاتقان جودا بىلەن كامىل ئۇسسۇل ئوينىغاچ پاراڭغا چۈشكەنىدى :     - ئاداش ، كەچتە ئەمسە ئاۋۇ رەنا دېگىنى ساڭا قالدى .     - خاتىرجەم بول ، ماڭا قويۇپ بەرگىن ، - ئىككەيلەن كۆزلىرىنى مەقسەتلىك قىسىشىپ قويدى ۋە قوڭڭىنى تېخىمۇ ئۇچلاپ ، بىلىنى ئالدىغا بولۇشىغا ئىگىپ ، قولتۇقىغا نەرسە قىستۇرۇۋالغاندەك قولىنى كۆتۈرمەي ئۇسسۇلغا چۈشۈپ كەتتى .     ئۇلار دىبادىن چىققاندا كەچ سائەت 12 دىن ئاشقان بولۇپ ، ماھىرە بىلەن رەنا ھاراقنىڭ تەسىرىدە دەلدەڭشىپ قالغانىدى ، كامىل دەرھال تاكسىدىن بىرنى توسىدىدە ، شوپۇرنى ئۈرۈمچىدىكى خىلۋەترەك جايغا جايلاشقان مېھمانخانىدىن بىرىگە ئاپىرىپ قويۇشنى ھاۋالە قىلدى ، ئۇلار مېھمانخانىغا بېرىپلا ياتاقتىن ئىككىنى ئالدى ، جودا بولسا ماھىرەنى ، كامىل رەنانى يۆلىگىنىچە ياتاقلارغا كىرىپ كەتتى ، شۇ كېچىسى ماھىرە بىلەن رەنا مېھمانخانىدا قونۇپ قالدى ...     دەرىزىدىن چۈشكەن كۈن نۇرى ماھىرەنى ئۇيقۇدىن ئويغاتتى ، ئۇ ئۆزىنىڭ ئانىدىن تۇغما ھالەتتە ياتقانلىقىنى كۆرۈپ ، چۆچۈپ كەتتى ، ئۇنىڭ يېنىدا جودا ئۇخلاۋاتاتتى ، ماھىرە تۆنۈگۈن ئاخشام يۈز بەرگەن ئىشلارنى غۇۋا ئەسلىدى ۋە ئىشنىڭ تېگىگە يەتتى . ئورنىدىن تۇرۇپ ، مۇنچىغا كىرىپ راسا بىر يۇيۇندى ۋە كىيىملىرىنى كىيىپ ئولتۇرۇپ تېلېۋىزور كۆرۈشكە باشلىدى ، بىر ھازادىن كېيىن جودا ئورنىدىن تۇردى ، ۋە ماھىرەگە ئاددىيغىنە سالام قىلىپ قويۇپ تازىلىق ئۆيىگە كىرىپ يۇيۇنۇپ چىقتى ۋە كىيىملىرىنى كېيىپ بولۇپ ، تاماكىسىغا ئوت تۇتاشتۇردى :     - جۈرۈڭ ، چىقىپ تاماق يەيلى .     - ماھىرە ئۈندىمەستىن سومكىسىنى ئېلىپ جودانىڭ ئارقىسىدىن ماڭدى . ئۇلار مېھمانخانىنىڭ پۇل يىغىش ئورنىدا كامىل بىلەن رەنانى ساقلاشقا باشلىدى ، ئالاھەزەل 5 مېنۇتلاردىن كېيىن بۇ ئىككەيلەنمۇ يىتىپ چۈشتى .     - جۈرۈڭلار ، تاماق يەيمىز ، - جودا تاماكىنى قىڭغىر چىشلىگەچ سىرتقا قاراپ ماڭدى ، ئارقىدىن كامىل ئۇنىڭغا يىتىشىۋېلىپ :     - ئاداش ، ئاۋۇ رەنا دېگىنىنى قىزمىكىن دەپتىكەنمەن قارا ، - دېيىشىگە جودا سۆز ئاچتى :    - بولدى سۆزلىمە ، ئۇلار بىلەن پەقەت ئويناپ كۆڭۈل ئاچساڭلا بولىدۇ ، يولىمىزغا ماڭايلى ...     ماھىرە بىلەن رەنا بىر - بىرىدىن خىجىل بولۇشۇپ كېتىپ باراتتى ، ئارىدىكى جىمجىتلىقنى ماھىرە بۇزدى :     - ئاداش ، ئەمدى بۇ ئىككىسىنىڭ پېشىنى چىڭ تۇتايلى جۇمۇ .     - توغرا ئېيتىسەن ، ئەمدى چاپلاشقىنىمىز چاپلاشقان .     ئىككى قىز بۇ گەپلەرنى قىلىپ بولۇپ قاقاقلاپ كۈلۈپ كەتتى ۋە قەدەملىرىنى ئىتتىكلىتىپ جودا بىلەن كامىلغا يىتىشىۋالدى ۋە ماھىرە جودانىڭ ، رەنا كامىلنىڭ قولىدىن قولتۇقلىۋالدى . جودانىڭ ماھىرەنىڭ بۇ قىلىقىغا ئاچچىقى كەلگەن بولسىمۇ بىراق سانىيەنى كەلتۈرۈشتە يەنىلا بۇ ئىككى يەمچۈككە تايىنىدىغانلىقىنى ئويلاپ ئۆز يولىغا مېڭىۋەردى ...     داۋامىنى كەچتە يازىمەن ...

mehrim

	ئاۋۇ قىزلارنىڭ قىلىپ يۈرگەن قىلىقلىرنى . ئاخىرنى ............

تەڭرىتاغ

	mehrim يوللىغان ۋاقتى  2011-12-1 17:45 ئاۋۇ قىزلارنىڭ قىلىپ يۈرگەن قىلىقلىرنى . ئاخىرنى .......... ... خېلى بولۇۋاتقاندەكمۇ يا ؟؟؟

mehrim

	تەڭرىتاغ يوللىغان ۋاقتى  2011-12-1 17:46 خېلى بولۇۋاتقاندەكمۇ يا ؟؟؟ شۇ ياخشى  بولغاچقا  تېمىڭىزنى  تولا ئۆرۈپ چۆرۈپ بولدۇق مانا . ئاۋۇ بوۋاقلار  نەدە قالدى شۇ تاپتا سانىيەخاننىڭ پاراڭلىرنىڭ ئېچىگە غەرىق بوپ كەتتۇق .

تەڭرىتاغ

	mehrim يوللىغان ۋاقتى  2011-12-1 18:01 شۇ ياخشى  بولغاچقا  تېمىنىڭىزنى  تولا ئۆرۈپ چۆرۈپ ئولد ... بوۋاقلارنىڭ پارىڭى كېيىن چىقىدۇ ، ئالدى بىلەن سانىيەنىڭكىنى ئاڭلاپ تۇرۇڭلار .

oglan

	ئەسەرنىڭ ياخشى يەلىرىگە كەپ قالدى .... كەچكىچە تەخىر قىلىپ تۇراي ....ھارمىغايسىز !!!!

kun^kiz

	ئاۋۇ قىزلارنىڭ ھىچبىر ئىشلار خىيالىدا يوقتەكلا ئۇلارغا ئەگشىپ كىتىپ قالدىيا  كۆرىدىغان كۈنى باركەن ئۇ قىزلارنىڭ تېخى ، مۇشۇ تېمىلىرىنى دەپمۇ كىرىمەن  ئالدىراش ئىشلىرىمنى قويۇپ تېزراق يازىلى .

تەڭرىتاغ

	داۋامى ...     ئىككى قىز بۇ گەپلەرنى قىلىپ بولۇپ قاقاقلاپ كۈلۈپ كەتتى ۋە قەدەملىرىنى ئىتتىكلىتىپ جودا بىلەن كامىلغا يىتىشىۋالدى ۋە ماھىرە جودانىڭ ، رەنا كامىلنىڭ قولىدىن قولتۇقلىۋالدى . جودانىڭ ماھىرەنىڭ بۇ قىلىقىغا ئاچچىقى كەلگەن بولسىمۇ بىراق سانىيەنى كەلتۈرۈشتە يەنىلا بۇ ئىككى يەمچۈككە تايىنىدىغانلىقىنى ئويلاپ ئۆز يولىغا مېڭىۋەردى .     شۇ كۈندىن باشلاپ جودا بىلەن بۇ قىزلارنىڭ مۇناسىۋىتى بارغانسېرى يېقىنلىشىپ كەتتى ، ئۇلار كۈندە بولمىسىمۇ ئىككى - ئۈچ كۈندە بىر ئۆز - ئارا كۆرۈشۈپ تۇراتتى ، بىللە تاماق يەيتتى ، بىللە كىنو كۆرەتتى . ئەلۋەتتە ، ماھىرە شەنبە - يەكشەنبە كۈنلىرى جودا بىلەن بىللە قونۇپمۇ قالاتتى . ئالاھەزەل بىر ئايدىن كېيىن ، ماھىرە ئۆزىدە غەلىتە سېزىملارنىڭ بولۇۋاتقانلىقىنى ھېس قىلدى ، ئۇنىڭ تۇرۇپ - تۇرۇپلا قۇسقۇسى كېلەتتى ، لېكىن قۇسالمايتتى ، بۇ ئەھۋال كۆرۈلۈپ ئۈچىنچى كۈنى ماھىرە دوختۇرخانىغا بېرىپ تەكشۈرەتتى ، نەتىجىدە ئۇنىڭ ھامىلدار بولۇپ قالغانلىقى بايقالدى ، ماھىرە بۇ نەتىجىنى ئاڭلاپ ، ھوشىدىن كەتكىلى تاس قالدى ، ئۇ شۇ تاپتا ئۆزىنىڭ نېمە ئىش قىلىشىنى بىلمەيتتى ، سەل ھازادىن كېيىن ئۇ ئەسلىگە كېلىپ دەرھال جوداغا تېلېفۇن قىلدى ، جودا ئۇنىڭ بىلەن تىببىي ئۇنۋېرسىتېتنىڭ ئالدىدىكى بالىلار باغچىسىدا كۆرۈشتى .     - نېمە دېدىڭ ؟ بويۇڭدا قاپتىما ؟ - ئۇ شۇ گەپلەرنى ئېيتىپ ئۇياقتىن - بۇياققا ماڭاتتى ، ماھىرە گەپ قىلماستىن بېشىنى تۆۋەن سېلىپ يىغلاپ ئولتۇراتتى .     - ماڭا تولا يىغلاپ بەرمە ، مەن يىغلىغانلارغا بەك ئۆچ ، ئېيتە قانداق قىلىمىز ؟     - ئەلۋەتتە ئالغۇزىۋېتىمىزدە ، - ماھىرە مىشىلداپ يىغلاپ تۇرۇپ ئېيتتى .     - ئەمىسە ئالدۇرۇۋەتكىن ، - دېدى جودا .     - بىراق مەندە ئالغۇزۇۋەتكۈدەك پۇل يوق ، - ماھىرەنىڭ يىغا ئاۋازى تېخىمۇ يۇقىرى كۆتۈرۈلدى .     - ھېي پاسكىنا ، مەن سېنى يىغلىما دېدىم ، - جودا بىراقلا ئەپت - بەشرىسىنى ئاشكارىلاۋاتاتتى ، - ئەمسە مۇنداق بولسۇن ، سەن مېنىڭ سېنىڭ ھېلىقى چىرايلىق دوستۇڭ بىلەن تونۇشۇشۇمغا ياردەم قىلىسەن ، شۇندىلا بالاڭنى چۈشۈرۈشكە مەن ياردەم قىلىمەن . بۇ گەپنى ئاڭلىغان ماھىرە چۆچۈپ كەتتى .     - نېمە ؟ - سەن سانىيەنى دېمەكچىمۇ ؟     - ئىسمىنى تازا بىلمەيمەن ، ئىشقىلىپ سىلەر بىلەن بىللە كۇرسقا بارىدىغۇ ؟     ماھىرە شۇ چاغدىلا جودانىڭ ھەقىقىي مەقسىتىنى چۈشەندى ، ئۆزىنىڭ خاتالاشقانلىقىغا ، جوداغا ئالدىراپ ئىشىنىپ كەتكەنلىكىگە ئىچ - ئىچىدىن پۇچۇلىناتتى ، قەلبى چەكسىز ئازابلىناتتى ، لېكىن ئامال قانچە ؟ ئەمدى بولغۇلۇق بولۇپ بولغانىدى ، ئۇنىڭ ياشلىرى ئۇنىڭ ئىككى مەڭزىنى سىرغىپ تۆۋەنگە چۈشىۋاتاتتى ، ئۇ خىيالىدا جودا بىلەن چىن مۇھەببەت باغلاشنى ئويلىغانىدى ، بىراق ئۆزىنىڭ جودانىڭ قولىدىكى يەمچۈك ئىكەنلىكىنى ھېس قىلغىنىدا ئۇنىڭغا قاتتىق نەپرەتلەندى ، لېكىن ھازىر جودا ئۈستۈن ئورۇندا تۇرۇۋاتاتتى ، ئۇنىڭ شۇ تاپتا جودانى قانغۇچە ئۇرۇۋالغۇسى ، تىللىۋالغۇسى كېلەتتى ، لېكىن جۈرئەت قىلالمايتتى ، جۈرئەت قىلسىمۇ پۇت - قولىدا جان قالمىغان بولۇپ ، ئولتۇرغان جايىدا ئولتۇرۇپلا قالغانىدى .     - ئەمسە ئوبدان ئويلىنىپ جاۋابىنى بېرەسەن ؟ - جودا شۇنداق دېگىنىچە تاماكىسىغا ئوت تۇتاشتۇرغاچ كېتىپ قالدى . ماھىرە جودا كەتكەندىن كېيىن ئۆزىنى قويۇۋېتىپ ھۆڭرەپ يىغلىدى ، ئۆزىگە - ئۆزى نەپرەتلىنەتتى ، بىراق يەنە تۇيۇقسىزلا يىغىدىن توختاپ يېشىنى سۈرتتى ۋە ئورنىدىن تۇرۇپ مەكتەپ تەرەپكە قاراپ ماڭدى .     ماھىرە ياتاققا يىتىپ كىرىشىگە ئۆزىنى ساقلاۋاتقان رەنانى كۆردى .     - ئاداش ، يىغلىدىڭمۇ نېمە ؟ نېمە بولدى ساڭا ؟     - ھېچنىمە بولمىدى ئاداش ، مىجەزىم يوق شۇ .     - ئىشەنمەيمەن ، سەن راست گېپىڭنى ئېيتقىن ، زادى نېمە بولدۇڭ ؟     ماھىرە بولغان ئىشلارنى رەناغا ئېيتماقچى بولدىيۇ ، لېكىن ئىچىگە يۇتۇۋەتتى .     - ھە بىلدىم ، قارىغاندا غەيرەت بىلەن تاكاللىشىپ قاپسەندە ، مەنچۇ قارا ، كامىل بىلەن نەچچە قېتىم دىيىشىپ بولدۇم ، بىراق دېيىشىپ بولۇپ ، بىر كۈندىن كېيىنلا يەنە ياخشىلىشىپ قالىمىز ...    رەنانىڭ گەپلىرى ماھىرەگە خۇشياقمايتتى شۇنداقلا ئۇنىڭ قۇلىقىغا كىرىپمۇ قويمايتتى ، ئۇنىڭ قۇلاق تۈۋىدە پەقەت جودانىڭ بايا قىلغان گەپلىرى جاراڭلايتتى .     - ئاداش ، مىجەزىم يوق ، ئارام ئالايمىكىن دېگەن ، خاپا بولمىساڭ ئەتە كۆرۈشسەك ...     رەنا ماقۇل دېگەن قىياپەتتە بېشىنى لىڭشىتقاچ سىرتقا قاراپ ماڭدى .     ماھىرە كىيىملىرى بىلەنلا كارىۋاتقا چىقىپ يوتقاننى بېشىغىچە چۈمكەپ كۆزىنى چىڭ يۇمدى ، ئۇنىڭ بايا تارتقان خورلۇقى كاللىسىدىن زادى ئۆتمەيتتى ، ئۆزىنىڭ ئالدىراپلا جوداغا ئىشىنىپ كەتكەنلىكى ۋە ئۇنىڭغا بارلىقىنى بېغىشلىۋەتكەنلىكىدىن پۇشايمان قىلاتتى ، ئەمدىكى قەدەمنى قانداق بېسىش كېرەك ؟ ھامىلىنى ئۆزى ئالدۇرۇۋېتىپ ، جودا بىلەن بولغان مۇناسىۋەتنى بىراقلا ئۈزەي دېسە ئۇنىڭدا ئۇنچىلىك كۆپ پۇل يوق ئىدى ، جودانىڭ گېپىگە كىرىپ ، سانىيەنى ئۇنىڭ بىلەن تونۇشتۇرۇپ قويۇشقا كۆڭلى تېخىمۇ ئۇنىمايتتى . ئۇ ئۇيان ئويلاپ ، بۇيان ئويلاپ ئاخىرى جودانىڭ شەرتىگە قوشۇلۇشقا مەجبۇر بولدى ، لېكىن ئۇنىڭ قەلبىدە جوداغا بولغان ئۆچمەنلىك يالقۇنجىغان بولۇپ ، جودادىن ئۆچىنى ئېلىش ئىستىكى قوزغالدى .     ئەتىسى ئىككەيلەن يەنە بالىلار باغچىسىدا ئۇچراشتى .     - قانداق ، ئويلىنىپ بولدۇڭمۇ ؟     - ئويلىنىپ بولدۇم .     - قانداق قىلماقچىسەن ؟     - سېنىڭ دېگىنىڭ بويىچە بولسۇن .     - ئەمسە ماڭا ھۆججەت يېزىپ بەر .    ماھىرە جودانى بۇنداق قىلار دەپ ئويلاپمۇ باقمىغانىدى ، ئۇنىڭ شۇنچىلىك رەزىل ، قارانىيەت ئىكەنلىكىنى بىلگەن ماھىرە جوداغا چىش - تىرنىقىغىچە ئۆچ بولۇپ كەتكەنىدى .    شۇنداق قىلىپ جودا ماھىرەگە قول قويغۇزۇپ ئىسپات يازغۇزۇۋالغاندىن كېيىن ، دوختۇرخانىغا ئاپىرىپ ، قورسىقىدىكى بالىنى چۈشۈرگۈزۈۋەتتى ھەمدە بالىنى چۈشۈرۈپ بولغاندىن كېيىن ھەپتىگىچە يوقاپ كەتتى ، ماھىرە بۇ بىر ھەپتە ئىچىدە دەرسكىمۇ چىقالمىدى ، پەقەت ياتاقتا بىر نۇقتىغا تىكىلگىنىچە ياتاتتى ، ئۇنىڭغا يۈز بەرگەن ئىشلار خۇددى بىر قاباھەتلىك چۈشتەك بىلىنەتتى . ماھىرە ياتاقتا ياتقاندا رەنا بىلەن سانىيە ئۇنى يوقلاپ كىردى ، بىراق ئۇلار ماھىرەگە نېمە ئىش بولغانلىقىنى بىلمەيتتى .     كۈنلەر شۇ تەرىقىدە ئۆتىۋەردى ، ساقال ئەينى چاغدا ئوقۇتقۇچىنى ئۇرۇپ قويۇپ ، بىر مەزگىل ئۆيىدىكىلىرىنىڭ مەجبۇرلىشى بىلەن ئۆيىدىن قاتناپ ئوقۇدى ، بۇ چاغدا ئۇنىڭ سانىيە بىلەن كۆرۈشۈش ۋاقتى ئازلاپ كەتكەنىدى ، بىراق خاتالىق ئۆتكۈزۈپ قويغاچقا دادىسىدىن قورقۇپ تۈزۈكرەك سىرتقىمۇ چىقالماي يۈردى ، لېكىن ئۇ بۇ مەۋسۈمنىڭ ئاخىرلىشىشغا ئاز قالغانلىقىنى ، مەكتەپتە يېتىپ تەكرار قىلىمەن دەپ ئۆيدىكىلىرىنى ئالداپ مەكتەپكە كېتەلەيدىغانلىقىنى ئويلاپ ئۈمىدلىنىپمۇ قالاتتى .     نېمىشقىدۇر بۇ يىل قىش كېچىكىپ كەلدى ، نويابىر ئايلىرىنىڭ ئاخىرقى كۈنلىرى بولۇپ قالغان بولسىمۇ ئۈرۈمچىدە قار ياغمايۋاتاتتى ، توساتتىن بىر كېچىسى خاسىيەتلىك قار پۈتۈن ئۈرۈمچى شەھىرىنى ئاپئاق لىباسقا ئورىغانىدى . ئەتىسى مەكتەپ ئىچى قاينام - تاشقىنلىققا چۆمدى ، مەكتەپ ھويلىسىدا ئوقۇغۇچىلار ئۆز - ئارا قار ئېتىشىپ ئويناۋاتاتتى ، سانىيەمۇ ياتاقداشلىرى بىلەن بىللە مەكتەپ ھويلىسىدا قانغۇچە قار ئېتىشىپ ئوينىدى ، بەزى ئوقۇغۇچىلار ئۆز - ئارا قارلىق تاشلاپ ئويناشقا ، يەنە بەزىلەر قار مەنزىرىسىدە خاتىرە سۈرەت چۈشۈۋاتاتتى ، ئالىي مەكتەپ ھاياتى نېمىدىگەن گۈزەل ھە !     قار ياغقان كۈننىڭ ئەتىسى جودا ماھىرەگە تېلېفۇن قىلدى .     - قانداقراق تۇرىسەن جېنىم .     - مېنى جېنىم دېمە ، مەن سېنىڭ جېنىڭ ئەمەس .     - ئۇنداق دەپ كەتمە ، نېمىلا بولمىسۇن بىزنىڭ خۇشال ئۆتكەن چاغلىرىمىز بولغانغۇ ؟     - ئۇنداق يالغان گەپلىرىڭگە مەن ئىشەنمەيمەن .     - ئەمسە مەيلى ، ئىززىتىنى بىلمەيدىغان ، - ئەمدى ماڭا ياردەم قىلىدىغان ۋاقتىڭ كەلدى .     قانداق ياردەم قىلىمەن ؟ - ماھىرە يۇقىرى ئاۋازدا ۋارقىرىدى .     - ۋارقىرىما دەيمەن ، ھېلى بىكار ، - جودامۇ ماھىرەگە ھۈرپەيدى .     -ھەئە ، نېمە قىلماقچىسەن ؟     - ھېلى بىكار چاۋاڭنى چىتقا يايىمەن ، مېنى قىلمايدۇ دەپ ئويلىما ، - ماھىرە بالىنى ئالدۇرغان كۈنى جودا دوختۇرخانىنىڭ بارلىق تالون - ھۆججەتلىرىنى ئېلىۋالغانىدى .     - ئېيتە ، قانداق ياردەم قىلىمەن ؟ - ماھىرە غەزەپتىن تىترەپ كەتكەنىدى ... داۋامىنى ئەتە يازاي ...