رادىل ئابلا ‹‹ تەڭرىتاغدا سۆھبەت ›› پىروگراممىسىدا

تەڭرىتاغ

	قىيىنچىلىقنى ئات قىلىپ مىنگەن كارخانىچى ياكى بولمىسا بۇنى بېسىپ كۆرسىڭىزمۇ بولىدۇ .     ئەسسالامۇ ئەلەيكۇم ھۆرمەتلىك تورداشلار ياخشىمۇسىلەر ؟ ھەممىمىزگە مەلۇم بولغىنىدەك بىز تەڭرىتاغ مۇنبىرىمىزدە ‹‹ سىزنىڭ كىم بىلەن سۆھبەتلەشكۈڭىز بار ؟ ›› سەھىپىسىنى يولغا قويدۇق ، تورداشلارمۇ بۇ سەھىپىگە ئاكتىپلىق بىلەن ئاۋاز قوشۇپ ، ئۆزىنىڭ سۆھبەت نامزاتلىرىنى بىزگە كۆرسەتتى . ئارقىدىن بىز مۇنبەردە يەنە ئەزالار ئۆزلىرى تاللاپ چىققان نامزاتلاردىن 20 نى تاللاپ ، بېلەت تاشلاش ئارقىلىق ‹‹ تەڭرىتاغدا سۆھبەت ›› پروگراممىسىنىڭ تۇنجى قېتىملىق مېھمىنىنى سايلاپ چىقتۇق ، نەتىجىدە شىنجاڭ ئارمان مۇسۇلمانچە يېمەكلىكلەر سانائىتى گۇرۇھى چەكلىك شىركىتىنىڭ لىدىرى رادىل ئابلا ئەپەندى بىزنىڭ تۇنجى قېتىملىق سۆھبىتىمىزگە ئەزىز مېھمان بولۇپ تاللاندى .     2011 - يىل 12 - ئاينىڭ 25 - كۈنى رادىل ئابلا ئەپەندى بىزنىڭ سۆھبەتخانىمىزغا كېلىپ بىز بىلەن ناھايىتى قىزغىن سۆھبەت ئېلىپ باردى ھەمدە ئۆزىنى قوللىغان ، ئۆزىگە كۆڭۈل بۆلگەن ، بېلەت تاشلىغان ، سوئال سورىغان كەڭ تورداشلارغا چىن كۆڭلىدىن رەھمىتىنى بىلدۈردى . سۆھبەت جەريانىدا مۇنبىرىمىز باشقۇرغۇچىسى نىدائىي ۋە مۇنبىرىمىز تەكلىپلىك باشقۇرغۇچىسى بىلىگئەر رادىل ئابلا ئەپەندىدىن تورداشلار مۇنبەردە ئوتتۇرىغا قويغان ۋەكىل خاراكتېرىگە ئىگە سوئاللارنى سوراپ ، رادىل ئابلا ئەپەندى ، ئارمان گۇرۇھى ، شىنجاڭ مىللىي كارخانىلار سودا ئۇيۇشمىسى شۇنداقلا شىنجاڭدا پۇتبول كۇلۇبى قۇرۇش قاتارلىق جەھەتلەردىن چوڭقۇر چۈشەنچىلەرگە ئىگە بولدى . مۇنبىرىمىز ئەزاسى ئەجىر سۆھبەتكە ياندىن قاتناشتى .     گەرچە بۇ قېتىمقى سۆھبىتىمىز ناھايىتى ئوڭۇشلۇق ئېلىپ بېرىلغان بولسىمۇ ، بىراق بەزىبىر يىتەرسىزلىك ۋە كەمچىلىكلەردىن خالىي بولۇپ بولالمىدۇق ، تورداشلارنىڭ توغرا چۈشىنىشىنى ئۈمىد قىلىمىز .    مۇشۇ مۇناسىۋەت بىلەن بىزنى ئالاھىدە قوللىغان شىنجاڭ ئۇلىنىش تورىغا ئالاھىدە رەھمەت ئېيتىمىز. <<تەڭرىتاغدا سۆھبەت>> پىروگراممىمىزنىڭ بۇ سانىنى يەنە ئۇلىنىش تورىدىنمۇ كۆرەلەيسىلەر!    مەزكۇر سۆھبەتنى ئىشلەشكە قاتناشقۇچىلار:    باش پىلانلىغۇچى: قەيسەر قېييۇم    پىلانلىغۇچى: نىجات نىياز ئېھسان    سىنارىيە ئاپتورى: توخنىياز ئىسمائىل نىدائىي    ئوپېراتورلار: ئارسلان كامىل، نىجات نىياز ئېھسان    رىياسەتچى: توخنىياز ئىسمائىل نىدائىي    كىرىشتۈرگۈچىلەر: ئارسلان كامىل، نىجات نىياز ئېھسان    تېخنىك: ئەكرەم ئەركىن    نازارەتچى: قەيسەر قېييۇم    ئالاھىدە قوللىغان ئورۇن: شىنجاڭ ئارمان مۇسۇلمانچە يېمەكلىكلەر سانائىتى گۇرۇھى كەسپىي چەكلىك شىركىتى                                      شىنجاڭ ئۇلىنىش خەلقئارا سودا چەكلىك شىركىتى سۆھبەت خاتىرىلىرى : رادىل ئەپەندى تورىمىزغا بېغىشلىما يېزىپ بەرمەكتە رادىل ئەپەندى تورىمىزغا بېغىشلىما يېزىپ بەرمەكتە مۇنبىرىمىز باشقۇرغۇچىسى نىدائىي رادىل ئابلا ئەپەندى بىلەن بىللە خاتىرە سۈرەتكە چۈشتى مۇنبىرىمىز تەكلىپلىك باشقۇرغۇچىسى بىلىگئەر رادىل ئابلا ئەپەندى بىلەن بىللە خاتىرە سۈرەتكە چۈشتى مۇنبىرىمىز ئەزاسى ئەجىر رادىل ئابلا ئەپەندى بىلەن بىللە خاتىرە سۈرەتكە چۈشتى نورمال كۆرەلمىگەن دوسلار ئۈچۈن : بۇ ئادىرىس بويىچە چۈشۈرۈپ ئاندىن كۆرۈڭ /vidio/radil.flv مەزمۇننى كۆچۈرۈۋېلىش

sakra

	بۇ تالانىت ئىگىسىگە يەنىمۇ زۇر ئۇتۇق تىلەيمەن..

marbiya

	بۇ سۆھبەت شۇنداق ياخشى ئېلىپ بېرىلىپتۇ، بىز كەڭ تورداشلارمۇ نۇرغۇنلىغان كۆڭلىمىزدىكى مۇجىمەل بولغان سۇئاللارنى بۇ سۆھبەت ئارقىلىق يېشىۋالدۇق. تەڭرىتاغ سۆھبىتىنىڭ كېيىنكى سانلىرىنىڭمۇ مۇشۇنىڭغا ئوخشاش مۇۋەپپەقىيەتلىك بولۇشىغا تىلەكداشلىق بىلدۈرىمەن!

kulke

	ئەپسۇس ، بىلەتكە ئىرشەلمەپتۇق ... مۇكاپات يوق بولدى مۇكاپاتقا ئىرىشكەن تەلەيلىك دوسلار : تاشقىن ، نادىر ، مىرشاپ

musapirbala

	ئاخىرى قويۇلدى ، بەك تەققازا بولغان ئىدىم . مىنىڭ سۇئالىنىپ تاللىنىپ ھەم جاۋابىنى ئاڭلاپ بەك مەمنۇم بولدۇم . رادىل ئاكىمىزنىڭ ئۇيغۇر ئىگىلىك تىكلەش يولىدا تېخىمۇ چوڭ نەتىجىلەرنى قازىشىنى ئۈمىد قىلىمەن ، مۇمكىن بولسا بۇ گىرمانىيە بازارلىرىغىمۇ ھۇجۇم قىلىپ قويۇڭلار ، بۇ يەردە ئۈلكەر ۋە باشقا مۇسۇلمانچە يىمەكلىكەر بار لىكىن ئارمان شىركىتىنىڭ مەھسۇلاتلىرى يوق دىيەرلىك ( بىرلىن ) شۇڭا مۇمكىن بولسا بۇ بازارنىمۇ ئۇنتۇپ قالمىسا دەيمەن ، بۇ يەردە يشىل مەھسۇلات ، مۇسۇلمانچە مەھسۇلات يەنىلا مۇھىم ئورۇندا تۇرىدۇ .       ئاخىرىدا مۇسۇلمانچە يىمەك - ئېچمەك جەمئىيتىنىڭ رەئىيسى بوپسىز ، خىزمىتىڭىزگە ئوڭشۇق تىلەيمەن ، ھازىرقى مەھسۇلاتلاردىكى 清真 دىگەن ھەرگىزمۇ بىز ئىتىراب قىلىدىغان مۇسۇلمانچە ئۇقۇمى بىلەن زىت ، ھازىر مۇسۇلمانچە چوشقا گوشى دىگەن پاراڭلارمۇ بار ، شۇڭا بۇ خىزمەتتە ھەققىي مۇسۇلمانچە يىمەك - ئېچمەك مەدىنىيتىنى بارلىققا كەلتۈرشىڭىزنى ئۈمىد قىلىمەن .   56 ياكى يوۇكۇ غا ئۇلىماي ئۆزەڭلەر قويغۇچ ياسساپ شۇنىڭغا قويۇپسىلەردە ؟ باشقا تور بەتلەر كۆپى يوۇكۇ ياكى 56 دىگەندەك تورلارغا قويىدىغان ...

سىنچى

	ئويلاپ باقسام رادىل ئابلانى ئالى مەكتەپكە بېرىشتىن بۇرۇن تونۇغان ئىكەنمەن . چۇنكى مەرھۇم ساۋاقدىشىم ئادىل ئابلانىڭ ئىنىسى ئىدى . رادىل ئابلا دەسلەپ ئىگىلىك تىكلەش يولىغا كىرگەندىن باشلاپ تا بۇگۇنكى كۇنگىچە مەن ئىزچىل دىققەت قىلىپ كەلدىم . ئۇ ئاخىرى ئارماندىن ئىبارەت بۇ ماركىنى دۇنياغا تونۇتتى . داڭلىق ئۇيغۇر كارخانىچىغا ئايلىنىپ ، يەنە داۋاملىق ئالغا ئىلگىرىلەپ كېتىۋاتىدۇ . مەن ئۇنىڭ تېنىگە سالامەتلىك ، قالغان ئارزۇ ئارمالىرىغا يېتىش ئۈچۇن بۇندىن كېيىكى ئىشلىرىغا بەرىكەت تىلەيمەن .

سادا

	ناھايىتى ھاياجانلاندىم ، مەن ئەسلى بۇ تەڭرىتاغ مۇنبىرىنىڭ ئەزالارنىڭ كۆڭلىنى ياساپ قويۇۋاتقان ئويۇنى دەپ ئويلاپتىكەنمەن ، شۇڭا رادىل ئەپەندىگە بېلەت تاشلاش ، سوئال سوراشقا پىسەنت قىلماپتىمەن ، ئەكسىچە رادىل ئابلا ئەپەندىنىڭ مۇنبىرىمىزدىكى ئەزالارنىڭ سوئاللىرىغا جاۋاب بېرىپ ئولتۇرغانلىقىنى كۆرۈپ سوئال سورىمىغانلىقىمدىن ناھايىتى ئەپسۇسلاندىم . كېيىنكى قېتىملىق سۆھبەتتە كىم چىقىدۇ ؟ مانا مەن بىرىنچى بولۇپ سوئال سورايمەن ، مۇنبەرنىڭ بىز ئەزالارنىڭ مەنپەئىتىنى ئويلىغانلىقى مېنى بەك سۆيۈندۈردى ، تېخىمۇ غەيرەت قىل تەڭرىتاغ مۇنبىرى ، سېنىڭدە بىزنىڭ رادىل ئابلادەك كارخانىچىلىرىمىز ، خەلقىمىز ئۈچۈن تۆھپە قوشۇۋاتقانلار تونۇلسۇن ! مۇنبەرنىڭ رولى سەندە تولۇق جارى بولسۇن !

noshirwan

	مەن ھازىر كۆرۈۋاتىمەن.

sarsanroh

	بۇ سۆھبەتنىڭ سىنغا ئېلىنغان خاتىرىسى يوقما

بىلگئەر

	ئاخىرى تۇنجى قېتىملىق ‹‹ تەڭرىتاغدا سۆھبەت ›› نى باشلىۋالدۇق. كۆپ تەرەپلەردىن يېتەرسىزلىكلەر بولۇشى مۇمكىن. شۇنداقتىمۇ دوستلارنىڭ ئۈمىدىنى ئاقلاش ئۈچۈن ئىشلىگەن ئاددى خىزمەتلىرىمىزدىن رازى بولۇشۇڭلارنى سورايمىز. كېيىنكى سۆھبىتىمىزنىڭ تېخىمۇ ياخشى ئېلىپ بېرىلىشى ئۈچۈن ياخشى - تەكلىپ پىكىر بولسا ئايىماي بەرسەڭلار.  كۆپچىلىكنىڭ يېقىندىن قوللاپ بەرگەنلىكىگە كۆپ رەھمەت. كۆپچىلىكنىڭ بۇ سۆھبەتتىن ئالغان تەسىراتلىرىنى ئىنكاس شەكلىدە قالدۇرۇشنى ئۈمىد قىلىمىز. نادىر ، تاشقىن، مىرشاھ ئۈچ تەلەيلىك ئەزا بىرىنچى قېتىملىق ‹‹ تەڭرىتاغدا سۆھبەت ››  پائالىيىتىنىڭ تەلەيلىك مۇنبەر ئەزاسى بولۇپ تاللاندى. سىلەرنىڭ تەلەيلىك مۇنبەر ئەزاسى بولۇپ تاللانغانلىقىڭلارنى تەبرىكلەيمىز. بۇ ئەزالارنىڭ مەن بىلەن ئالاقىلىشىشىنى ئۈمىت قىلىمەن. ئالاقىلىشىش تېلېفۇن ۋە ئادېرىسىڭلارنى ماڭا يوللاپ بەرسەڭلار. QQ : 64960400  بىلەن ئالاقىلىشىڭ. ئېسىل ۋە قىممەتلىك مۇكاپات سىزلەرنى ساقلاپ تۇرماقتا، مۇكاپات بويۇمى خاتىرە قىلىپ ساقلايدىغان بويۇم. بۇ ئۈچ كىشىدىن باشقىلىرىمىز ئارماندا قالىدىغان بولدۇق. كېلەر قېتىملىق پائالىيەتتە ھەممىمىزگە پۇرسەت بار.   فىلىمنى كۆرەلمىدىم، قويۇلمىدى دېگۈچىلەرگە: 1.قويۇش كۆزنىكى "قىيىنچىلىقنى ئات قىلىپ مىنگەن كارخانىچى" دېگەن تېمىنىڭ ئاستىغىلا چىقىدۇ. ئەگەر نورمال چىقمىسا، بەتنى يېڭىلاڭ. ئوتتۇردىكى قويۇشنى باسسىڭىز بىردەمدىن كېيىن نورمال قويۇلۇشقا باشلايدۇ. ئالدىراپ كەتمەڭ. 2. يۇقارقىدەك بەتنى يېڭىلاپ يەنىلا قويۇش كۆزنىكى چىقمىسا. باشقا تور كۆرگۈچلەردىن  پايدىلىنىپ سىناپ بىقىڭ. يەنىلا نورمال بولمىسا، باشقۇرغۇچىنى ئىزدەڭ، باشقۇرغۇچىغا سۆز قالدۇرۇڭ. 3. تور مەسىلىسى ، تور سۈرئىتىنىڭ چەكلىمىسى تۈپەيلى نورمال كۆرەلمىگەنلەر تۆۋەندىكى ئادېرىستىن چۈشۈرۈپ كۆرۈڭلار بۇ يەرنى بېسىڭ [url]/vidio/radil.flv [/url]