تاماكا چەككەنگە تويە!

muallim

	ياشىن تورىنىڭ بۈگۈن سەھەر سائەت 1 دە بەرگەن خەۋىرىدە مۇنداق دىيىلگەن: مۇشۇ ئاينىڭ 19 - كۈنى نەسىھەتنى ئاڭلىماي بىليارتخانىدا تاماكا چەككەن ئىككى ياشقا قاراماي شەھىرى جەرەنبۇلاق رايۇنلۇق ساقچىخانا تەرىپىدىن ئىككى كۈنلۈك مەمۇرى تۇتۇپ تۇرۇش جازاسى بېرىلگەن. بۇ قاراماي شەھىرى ئاممىۋىي سورۇنلاردا تاماكا چېكىشنى چەكلەش بۇيرۇقىنى ئېلان قىلغاندىن بۇيانقى تۇنجى قېتىملىق ئاممىۋىي سورۇنلاردا تاماكا چەككۈچىلەرگە بېرىلگەن مەمۇرى تۇتۇپ تۇرۇش جازاسى ئىكەن. قولۇمدا تاماكا، يۇقارقى خەۋەرنى ئوقىۋېتىپ تېنىمنى تىترەك باستى. ئۆتكەن يىلى ئاممىۋىي سورۇنلاردا تاماكا چېكىش قانۇن بويىچە چەكلەنگەندىن كېيىن، ئاممىۋىي سورۇنلاردا تاماكا چەكمەس بولغان ئىدىم، لېكىنزە تاماكا چېكىدىغان يەرنى ئىزدەپلا يۈرەتتىم. ھى ھى ھى.... تاماكا تاشلاشقا خېلى ئۇرۇنۇپ كۆرگەن بولساممۇ بۇ نىجىسنى تاشلاش تەس كېلىۋاتاتتى. نېمىلا دېگەن بىلەن 16 يىل بولدى ئەمەسمۇ؟ ھاراقنى تاشلىۋېتىپمۇ ئۆزۈمنى تولىمۇ يىنىكلەپ قالغاندەك ھىس قىلغان ئىدىم. مەززىسىز ئولتۇرۇشلار، جاننى قىيناپ كېچىلەپ ئىچىشلەردىن تولۇق قۇتۇلۇپ، ۋاقتىمنى ئۆگىنىشكە سەرىپ قىلالايدىغان بولدۇم. ئەمدى شۇ يامان ئادەتلىرىمدىن تاماكا قەپ قالدى. مۇشۇنى تاشلىۋالسام ھاراق ئىچمەيدىغان، تاماكا چەكلەيدىغان، قىمار ئوينىمايدىغان "3 تە ياخشى ئەر" بولىۋالىمەن. يۇقارقى خەۋەرنى ماڭا ئوخشاش بەڭگىلەرگە جىدىي ئاگاھلاندۇرۇش بولسۇن دەپ بۇ مەزمۇننى يوللىدىم. مەمۇرى جەھەتتىن تۇتۇپ تۇرۇش دېگەنلىك "تۈرمىگە كىردى" دىگەن بىلەن باراۋەر بولىدۇ. پالانىچى "تۈرمىگە كىرىپ چىقىپتۇ" دىسە نېمە دىگەن سەتچىلىك؟ قىلايچۇ دېسەكلا، ئىرادىلا بولسا قىلغىلى بولمايدىغان نېمە ئىش بار؟ شۇڭا بەڭگى دوستلىرىم، ئولاش - چولاش مۇشۇ تاماكىنى تاشلىۋەتمەمدۇق؟

marbiya

	نىمە دىگەن ياخشى. مەن تېخى ئوقماپتىمەن، يولدىشىمغا تېز خەۋەر قىلىپ قوياي جۇمۇ.

tumar

	ۋاي بۇ قىرىندىشىمىزنىڭ ئۆپكىسى ئوچاقنىڭ مورىسى بوپتۇ ئەمسە

IsPat

	قاراماي شەھىرى شۇڭلاشقا پاك-پاكىز تۇرىدۇ ،،

kurban

	پۇتۇن جەمىيەت ھەركەتكە كىلىپ، تاماكا چىكىشنى چەكلەيلى!

Kaptar

	بۇ بەك ياخشى ئىش بوپتۇ ،چەككەندىن پۇرۇغان يامانكەن. تاماكا چەككۈچىلەر دىققەت!!!!!!!!!!!!!!!!!!!!!!!!!!!!!!!!!!!!!!!!

مەقسەت

	تەشەببۇسىڭىز ياخشى، ھەركەتنى ئاۋال ئۆزىڭىزدىن باشلىمامسىز!

يىتەكچى

	تاماكىنىڭ قېپىغا زىيانلىق دەپ يېزىپ قويمىسا قانچىلىك چىكەتتىڭلار، ئاغىنىلەر! ھازىر سىلەردىن ئېشىپ باراۋەرلىك تۇيغۇسى ئاستىدا ئاچا-سىڭىللىرىمىز ھەم تاماكا چەكمەكتە. بۇ رېئاللىق. تاماكا ماھىيەتتە نەشىگە، ئاققا ئاپىرىدىغان پەلەمپەي! شۇ بەڭگىلەرگە ھەيرانمەن، رامىزاندا 10نەچچە سائەت چەكمەي چىدىيالايدۇ-يۇ، ئادەتتىكى ۋاقىتتا چىدىيالمايدۇ. دېمەك ئىرادە بىلەن ئىتىقاتقا تايانساڭلار چوقۇم يىڭەلەيسىلەر ئۇ نىجىسنى. غەيرەتلىك بولۇڭلار.

KURT

	تاماكا سانائىتىنى چەكلىۋەتسىلا بولاتتى، تاماكا زاۋۇتلىرى تاقالسا ياخشى بولاتتى،