‹‹ جياميەن ›› نى ئۇيغۇرچە نېمە دەيمىز؟

ھاۋا

‹‹ جياميەن ›› نى ئۇيغۇرچە نېمە دەيمىز؟

    بۇ تېما ئىلگىرى مۇنازىرە قىلىپ بولۇنغانمۇ بۇنى بىلمەيمەن. لېكىن بۇ تېمىنى مۇنازىرە قىلىشىپ باقساق بولىدىغان ئوخشايدۇ.
    ئالدىنقى قېتىم << ئىنسابلىق بول، ئاشخانا خوجايىنلىرى !>> دېگەن تېمىدا مۇنبەرگە بىر تېما يوللىغانتىم، شۇ چاغدىمۇ بىز لەغمەن يەپ بولۇپ قورسىقىمىز تويمىسا كۈتكۈچىگە دەيدىغان <<جياميەن>> دېگەن سۆزنىڭ ئۇيغۇرچىسىنى تاپالماي تازا بېشىم قېتىپ ئولتۇرسام، بىرەيلەن تۇيۇقسىزلا <<جياميەن>> نى << مۇتچۆپ >> دەيمىز دېگەن بىر گەپنى قىلدى. مەنمۇ بۇ تېمامدا << جياميەن >> سۆزىنى ئۇيغۇرچە ئىپادىلىگىنىمگە خۇشال بولۇپ، << مۇتچۆپ >> دېگەن گەپ توغرىسىدىمۇ تازا ئويلىنىپ كەتمەپتىمەن، كېيىن شۇ تېمىدىكى ئىنكاسلارغا قارىسام، <> ئىسىملىك توردىشىمىز << مۇتچۆپ >> دېگەن گەپنىڭ مەنىسىنى سوراپتۇ، شۇڭا بۇ يەردە بۇ تېمىنى يېزىپ << جياميەن >> دېگەن بۇ خەنزۇچە سۆزنىڭ ئۇيغۇرچە ئاتىلىشى توغرىسىدا مۇنازىرە قىلىپ بېقىشنى لايىق تاپتىم، چۈنكى بۇ گەپ بىزنىڭ تىلىمىزغا ناھايىتى ئومۇملىشىپ كەتكەن بولۇپ، بۇ سۆزنى مۇشۇنداق ئىستىمال قىلىۋېرەمدۇق ياكى بۇ سۆزنىڭ ئۇيغۇرچە ئاتىلىشى ھەقىقەتەن << مۇتچۆپ>> مۇ؟ نېمە ئۈچۈن كۈندىلىك تۇرمۇشىمىزدا كۆپ ئۇچرايدىغان مانا مۇشۇنداق سۆزلەرنىڭ بىرلىككە كەلگەن ئاتىلىشى يوق؟ مۇشۇ ھەقتە كەڭ تورداشلارنىڭ مۇنازىرە قىلىپ بېقىشىنى ئۈمىد قىلىمەن.

__h1vAt-----

مەنمۇ   (  جىيامىيەن  )  نىڭ  ئۇيغۇرچىسىنى  بىلمىگەچكە  تولا  ھاللاردا  جىيامىيەن  
دەپلا  بۇيريىتىم  .
شۇڭىمۇ  ئاشخانىلاردا  تاماق  يىمەيمەن .

nifit

بىزنىڭ قارمايدىكى قۇربانجان ئاشخانىسىدا يەنە كۆپىنچى ئۇيغۇر ئاشخانلىرىنىڭ  ھەممىسى ‹‹ قوشۇمچە ئاش ›› دەيدۇ ، بىزمۇ قوساق تويمىسا قوشۇمچە ئاش دەيمىز !!

未来和田

جيامىيەن نى ئۇيغۇر تىلىدا تويمىدىم يەنە ئازراق بىرىڭ دەيمىز. مۇت ئاش دىگەنلىك "ھەقسىز ئاش، بىكارلىق ئاش" دىگەن مەنىدە.  شۇڭا ئوتتۇرا باشلانغۇچ مەكتەپلەردە ئۇيغۇر تىلى گىرامماتىكىسى دەرىسلىگىنى جەزمەن ئوقۇتۇشنى تەشەببۇس قىلىشىمىز لازىم.

awral

غۇلجا تەرەپلەردە «جيامىيەن» نى بۇرۇندىن تارتىپلا «ئاق ئاش» دەپ ئاتايدۇ . كۈتكۈچىلەرمۇ  ئادەتتە ئاق ئاشتىن مانچە دەپ  چاقىرىدۇ.  ئەمدى بۇ يەردە دىيىلگەن  «ئاق ئاش» لەڭمەنگە قارىتىلغان ، ئۇندىن باشقا توخو قۇرۇمىسىنىڭ  ياپىلاق ئېشىنىمۇ «ئاق ئاش » دەيدۇ.

★Jackie★

‹مۇت› بىكارلىق ياكى ھەقسىز دېگەن مەنىدە بولۇپ، خوتەندىن باشقا جايدا ئومۇملاشقىنىنى بىلمەيمەن.
مەنمۇ ‹ئاق ئاش› دېسە مۇۋاپىق بولغۇدەك دەپ ئويلىدىم.

Erkman

«مۇتچۆپ» كارامەت قايىدا بوپتۇ! مەن مۇشۇنداق قوللىنىۋېرىمەن!

Erkman

«قەدرى» پولوخانىسىدا تويمىسىڭىز يەنە پولو قوشۇپ بېرىدۇ، بۇنى «مۇتگۈرۈچ» دېسەك بولۇرمۇ ياكى «مۇتپولو»دېسدەك بولۇرمۇ؟

مەۋلان 66

«مۇت » سۆزى خاس خوتەن شىۋىسى، بۇنى باشقا جايدىكىلەر چۈشەنمەيدۇ، يەنە كىلىپ خوتەندىمۇ جياميەننى مۇت ئاش دېمەيدۇ. «مۇت » دېگەن سۆزنىڭ ھېچقانداق بىر نەرسە(مەسىلەن پۇل قاتارلىق) تەلەپ قىلماي بىكارغا بەرگەن نەرسىلەرگە قارىتىلىدۇ، بىز ئاشخانىلاردا تاماق يىمەي تۇرۇپ «جياميەن» بىرىڭ دېسەك، ھەرگىز بەرمەيدۇ، بىز ئالدى بىلەن تاماققا پۇل تۆلەپ تاماق يەپ تويمىساق«جياميەن»دېسەك بىرىدۇ، «جياميەن»ھەرگىزمۇ بىكارغا بەرگەن ئاش ئەمەس،  شۇڭا، «مۇت»سۆزىنى ئىشلىتىش ئانچە مۇۋاپىق ئەمەس، بۇنىڭغا كىشىلەر ئاسان چۈشۈنىدىغان سۆز تاپقىنىمىز تۈزۈك، مېنىڭچە جياميەننى «جىقلىما ئاش» دېسەك بولارمىكىن، مەسىلەن؛ جىقلىما پولۇ، جىقلىما چۆپ، جىقلىما گۈرۈچ دېگەندەك...

ronaK0000000

ئاق ئاش ياكى مۇت ئاش دىسە بولىۋىردۇ .بىز تاماق ئاز بولوپقالسا .ئۇدۇللا يەنە بەر كىشلىك ئاق ئاش قوشۋىتىڭ دەپ بۇيرۇيمقز.