ئىختىيارىي مۇخبىرلىرىمىز مۇتەللىپ ئابدۇراخمان، ئەركىن سىدىق خەۋىرى:8-نۆۋەتلىك ئاقسۇ ‹‹دولان، كۈسەن›› مەدەنىيەت-ساياھەت بايرىمىنىڭ ئېچىلىش مۇراسىمى ۋە ئونسۇ ناھىيەسىنىڭ تۇنجى نۆۋەتلىك مىڭلىغان ئادەم پىيادە تەڭرىتېغىغا يۈرۈش قىلىش پائالىيىتى 5-ئاينىڭ 5-كۈنى ئونسۇدا باشلىنىدۇ.
بۇ نۆۋەتلىك مەدەنىيەت-ساياھەت بايرىمىنىڭ ئېچىلىش مۇراسىمىدا ‹‹شادلىق، ساغلاملىق ساياھەتچىلىكى››نى ئاساسى تېما قىلىپ، ‹‹كۈسەننىڭ قەدىمىي ئورنى ـــ غەربىي يۇرتنىڭ جەۋھىرى›› دېگەن ساياھەتچىلىك ماركا قۇرۇلۇشىنى چۆرىدەپ، ئونسۇ ناھىيەسىنىڭ 100 مىڭ مولۇق ئېكولوگىيەلىك مۇھىت باغچىسىنى باشلىنىش نوقتىسى، ئونسۇ ناھىيە تاغلاق فېرما پاقىلىق كەنتىنى ئاخىرقى نۇقتا قىلىپ، پىيادە مېڭىپ راھەتلىنىش ۋە تەۋەككۈلچىلىك ساياھەتچىلىكى پائالىيىتىنى مېخانىزىم قىلىپ، ئاقسۇ ۋە ئونسۇ ناھىيەسىدىكى ئومۇم خەلقنىڭ دالادا پىيادە يۈرۈش ساغلاملىق پائالىيىتىنىڭ قىزىق دولقۇنىنى قوزغاپ، مەدەنىي، ساغلام بولغان تۇرمۇش يېڭى ئىستىلىنى تەشەببۇس قىلىپ، ئونسۇ ناھىيەسىنىڭ قەدىمىي شەھەر خارابىسى، قەدىمىي قەبرىلەر توپى، ‹‹غەربكە ساياھەت›› سەيلىگاھى، مۇزات قەدىمىي يولىنى ئاساسىي لىنىيە قىلىپ، دۇنياغا قەدىمىي قۇم شەھەرىنىڭ ئۇزاق تارىخى مەدەنىيىتىنى نامايەن قىلىپ، كۆكيار يېشىللاشتۇرۇش قۇرۇلۇشى ئارقىلىق، دۇنياغا ئاقسۇ ۋە ئونسۇ خەلقىنىڭ ئۆز كۈچىگە تايىنىپ ئىش كۆرۈش، ئىتتىپاقلىشىپ تىرىشىپ ئىلگىرىلەش، جاپاغا چىداپ ئىگىلىك تىكلەش، خالىس تۆھپە قوشۇشتەك كۆكيار روھىنى نامايەن قىلىدۇ.
4-ئاينىڭ 22-كۈنى ئونسۇ ناھىيەلىك ساياھەتچىلىك ئىدارىسىدىكى خىزمەتچى خادىملار، پىيادە يول يۈرۈش لىنىيەسىگە قارتا يەنە بىر قېتىم نەق مەيدان تەكشۈرۈشى ئېلىپ بېرىپ، بۇ قېتىمقى پائالىيەتنى ئومۇملاشقان پىيادە يۈرۈش، كەسپىي پىيادە يۈرۈش ۋە ئۆزى ماشىنا ھەيدەپ ساياھەت قىلىش قاتارلىق ئۈچ تۈرگە ئايرىدى. پائالىيەتكە قاتناشقۇچىلار يەنە ‹‹تەڭرىتېغىدىكى خىيالىي شەھەر ـــ سىرلىق ئونسۇ›› رەسىم كۆرگەزمىسى، ‹‹تەڭرىتېغىغا پىيادە يۈرۈش قىلىش غايىسىنى ئىشقا ئاشۇرۇش››، ئوتتۇرا-باشلانغۇچ مەكتەپ ئوقۇغۇچىلىرىنىڭ لەگلەك ئۇچۇرۇش مۇسابىقىسى، ماشىنا، موتوسىكلىتتا ماھارەت كۆرسىتىش، ساياھەتچىلىك خاتىرە بۇيۇمى كۆرگەزمىسى قاتارلىق ئالتە چوڭ ئۆزگىچە كۆرگەزمىدىن بەھرىمان بولالايدۇ.
مەسئۇل مۇھەررىرى: توخنىياز ئىسمائىل نىدائىي
يوللىغان ۋاقتى 2012-4-25 16:31:06
يوللىغان ۋاقتى 2012-4-25 17:33:59
قاچانمۇ پۇرسەت چىقار ؟؟؟.................
