ئۈچ يىل قوي قوتىنىغا سولاپ قويۇلغان بالا قۇتقۇزۇۋېلىندى

tograk

	ئۆگەي دادىسى تەرىپىدىن ئۈچ يىل قوي قوتىنىغا سولاپ قويۇلغان بالا قۇتقۇزىۋېلىندى توغراق خەۋەر قىلىدۇ: مارالبېشى ناھىەسىنىڭ ئاقساقمارال يېزىسىدا يېقىندا كىشىنىڭ يۈرەك تارىنى تىترىتىدىغان ئېچىشىلىق  ۋەقە پاش قىلىنىپ، ئۈچ يىل قوي قوتىنىغا سولاپ قويۇلغان چىڭ چىڭ ئىسىملىك ئوغۇل بالا يېزىلىق ساقچىخانىسىدىكىلەر تەرىپىدىن قۇتقۇزىۋېلىندى. بۇ يىل 10ياشقا كىرگەن چىڭ چىڭ مارالبېشى ناھىيەسىنىڭ ئاقساقمارال يېزا 15-كەنتىدە ئولتۇرۇشلۇق ئۆگەي دادىسى تەرىپىدىن ئۈچ يىل قوتانغا سولاپ قويۇلغان بولۇپ، ئۇرۇقلاپ بىر تىرە-بىر ئۇستىخان بولۇپ قېلىپ، پەقەت 17كىلوگىرام كەلگۈدەك ھالغا چۈشۈپ قالغان. ئۇنىڭ پۇت-قوللىرى ئاللىبۇرۇن يىگىلەپ، ئورنىدىن تۇرالماس بولۇپ قالغان. دوختۇرخانىنىڭ تەكشۈرۈشىگە ئاساسلانغاندا چىڭ چىڭ ئېغىر دەرىجىدە ئوزۇقلۇق يىتىشمەسلىك كىسىلى، ئۆپكە ياللۇغى كىسىلى، كۆكرەك پەردە ياللۇغى قاتارلىق كىسەللەرگە گىرىپتار بولغان بولۇپ، چوقۇم يۇقىرى دەرىجىلىك دوختۇرخانىلاردا داۋالىنىشى كېرەك ئىكەن. ۋاقتىدا داۋالاشنى قوبۇل قىلمىسا تەسەۋۋۇر قىلغۇسىز ئاقىۋەت يۈز بىرىش ئېھتىماللىقى چوڭ ئىكەن. دوختۇرخانىدىكىلەر چىڭ چىڭنى ئىككى ئاي داۋالاش ۋە پىسخىك جەھەتتىن ئەسلىگە كەلتۈرۈش ئېلىپ بارىدىغانلىقىنى، داۋالاش ۋە پىسخىكىسىنى ئەسلىگە كەلتۈرۈشكە 50مىڭ يۈەن كىتىدىغانلىقىنى ئېيتقان. ئۈچ يىلدىن بۇيان چىڭ چىڭ ئىزچىل ھالدا قاراڭغۇ ھەم نەم، زەي قوي قوتىنىغا سولاپ قويۇلۇپ، جىنايەتچىلەرگە ئوخشاش كۈن ئۆتكۈزۈپ، ھايۋانلارغا قىلىدىغان مۇئامىلىگە ئۇچرىغاچقا، ئۇنىڭ پۈتۈن بەدىنى ۋە روھى پىسخىكىسى ئېغىر زەربىگە ئۇچراپ، ئوخشاش ياشتىكى بالىلارغا ئوخشاش خوشاللىق ۋە بەخىتتىن بەھرىمان بولالمىغان، ھەتتا 10ياشقا كىرگۈچە بىر كۈنمۇ مەكتەپ تەربىيەسىنى قوبۇل قىلمىغان. چىڭ چىڭنىڭ بۇنداق بەخىتسىزلىككە ئۇچرىشى مارالبېشى ناھىيەلىك مائارىپ سېستىمىسىدىكى ھەر بىر مائارىپ خىزمەتچىسى ۋە ئوقۇغۇچىلارنىڭ قەلبىنى لەرزىگە كەلتۈردى. ناھىيەلىك مائارىپ سېستىما پارتكومى پۈتۈن ناھىيەدىكى مەكتەپ، بالىلار باغچىلىرىغا «چىڭ چىڭغا قەلب ئىزھار قىلىش» توغرىسىدا تەشەببۇسنامە چىقاردى. بۇنىڭ بىلەن ھەر مىللەت ئوقۇتقۇچى، ئىشچى-خىزمەتچىلەر، ئوقۇغۇچىلار يۈكسەك ئىنسانپەرۋەرلىك خىسلىتىنى نامايەن قىلىپ، قىسقىغىنە بىر قانچە كۈن ئىچىدە چىڭ چىڭغا 60مىڭ يۈەن ئىئانە قىلىپ، ئۇنىڭ سالامەتلىكىنىڭ بالدۇرراق ئەسلىگە كىلىشىگە مەدەت بەردى.

kara_kurum

	مارال بېشىدا ھۇكۇمەت يوقمۇ،نىمانداق ئېچىنىشلىق ئش بۇ ،ئۇمۇ ئادەمغۇ،تىزراق ساقىيىشىگە تىلىەك داشمەن

qiryaogli

	بەك  ئېچىنىشلىق   ئىش بوپتۇ

mrban

	بۇنداقمۇ رەزېل ئادەم بولامدۇ بۇ بالېنېڭ كېسېلېنېڭ بالدۇراق ئەسلېگە كېلېشېگە تېلەكداشمەن

Erkman

	سۈرەت بولغان بولسا بوپتىكەن!

__h1vAt-----

	ئۈگەي  دادىسىنى  تۇتماپتىمۇ ؟  بالىلارنى  خارلاش  جىنايىتى  بىلەن  قولغا  ئالغان  بولسىچۇ ؟

ＫＡＰＩＴＡ

	ئانىسىچۆ؟

skod

	ئوگەي دادىسى ھايۋانغۇ -ئوخشايدۇ _ئۇنىڭ .ئانىسى نىمىش قىلدىكىنە ؟

nargiz

	ھەي مۇشۇ ئاجراشقانلار  نىمىشقا قايتا توي قىلىدىغاندۇ  ، چىداپ بالىرىنى ئوزى باقسا ، رىسقىنى .اللاھ بېرەر ئىدى

去メáη买_③

	بەك  ئېچىنىشلىق   ئىش بوپتۇ