ئۆز ئايالىغا ئاشنا بولۇشنى ئارزو قىلىدىغان ئەر

murtuk

ئۆز ئايالىغا ئاشنا بولۇشنى ئارزو قىلىدىغان ئەر
(ھىكايە)
ئەكبەر قادىر مۇرتۇق
  ‹‹ئوسمان مۇئەللىم ھاراق تاشلىغاندىن كېيىن قىرلىق ئىستاكان فىلىمىدىكى ئابدۇل تېرىدەك ئۇسلوپ يارىتىش ئۈچۈن،يەتتىنچى ئاينىڭ ئىسسىغى يەتمەي،ئۆيىدىكى مەشكە ئوت قالاپ،تالاغا چىقماي ئەسەر يېزىۋىتىپتۇ››دەپ ئاڭلىغانىدىم.بىر كۈنى ئىشخانىدا ئىككىمىزلا قالغاندا،ئۇنىڭغا چاقچاق قىلدىم:
-ئوسمان مۇئەللىم،سىزنى مەمتىمىن ھۇشۇر ئۇستازغا جەڭ ئېلان قىپتۇ،دەيدىغۇ؟
-نەدىكىنى،بارىي ئاغىنەم تاپقان گەپ بولمامدۇ،رومكىنى تاشقا ئۇرىدىغان ساراڭمۇ مەن؟
-ئۇنداقمۇ دەپ كەتمەڭ،ئۇستازدەك يازالمىسىڭىز،دوراپ بولسىمۇ يېزىپ باقمامسىز؟‹‹باشقىلار قىلغاننى مەن نىمىدەپ قىلالمىغۇدەكمەن؟››دەپ،باشقىلار ۋېلسىپىتنىڭ قوڭغۇرىقىغا قويۇپ ئىچسە، سىزنى تارازىنىڭ  تەخسىسىگە قويۇپ خېلى ئىچىپتىكەن ،دەيدىغۇ؟
-ئىچىشنىغۇ ئىچكەن،يېزىشنىمۇ يازغان.ئۆزەمگە يارىغان بىر نەچچە پارچە ئەسىرىمنى تەھرىرگە كۆرسەتسەم،«ئۇزۇن ئىشتاننىڭ ئۈستىگە كالتە كۇسار كېيىۋالغاندەك قالماشمىغان ئەسەركەن»دەپ قايتۇرۋەتتى.ھە راست،سىز دىگەندەك يىقىندا توردىن بىر پارچە ئەسەرنى ئوقۇپ،مەنمۇ شۇ تېمىدا بىر پارچە ھىكايە يازغانىدىم،كۆرۈپ باقامسىز؟
ئۇ شۇنداق دىگىنىچە ماڭا بىر قانچە ۋاراق قەغەزنى تۇتقۇزۇپ قويدى.ماڭا ئانچە خوشياقمىغان بولسىمۇ،ئەدەپسىزلىك بولمىسۇن دەپ،ئۇنىڭ ھىكايىسىنى ئوقۇشقا باشلىدىم.ئەسەرنىڭ مەزمونى مۇنداق يېزىلغانىدى:
سۈيۈملۈگۈم،ياخشىمۇسىز؟مەن قانداقراق تۇرۇپتىمەن؟بىلسەم،بىلمىسەم سىز چوقۇم ھازىرلا مونچىدىن چىققاندەك،چاچلىرىڭىزنى قويۇۋىتىپ،پارقىراپ يۈرىيسىز.مەن بولسام يەنىلا شۇ بۇرۇنقىدەك بۇرۇت-ساقاللىرىم ئۆسۈپ كەتكەن قاسماق پېتى.روھىي ھالىتىم سىزدەك كۆتىرەڭگۈ ئەمەس.بەلكىم مەن تامغا قاراپ كۈلۈپ،كومپىيوتېر ئېكرانىغا قاراپ گەپ قىلىپ ئولتۇرغىنىمدا،سىز چوقۇم دوستلىرىڭىز بىلەن خۇشال-خورام پاراڭدىشىپ،يېقىملىق مۇزىكىدەك ئاۋازىڭىز،شوخ كۈلكىلىرىڭىز بىلەن ھەممىنى ھۇزولاندۇرۇپ ئولتۇرغانسىز؟! بۇلارنىڭ ھەممىسى ماڭا بەش قولدەك ئايان.
6 L5 D1 j! h1 e2 _$ U0 _بەزىدە سىزدىن شۇنداق سورىغۇم كېلىدۇ:
" x" `; b9 D' I4 M" pسىز ئۆيدە يوق چاغلاردا،يۈرەك سوقۇشلىرىڭىزنى ھېس قىلالمىساممۇ،تاشلاپ كەتكەن كۆڭلىكىڭىزنىڭ ئىچىگە غاز پېيى تىقىپ،سىزگە ئوخشىتىپ ياساپ،قۇچاقلاپ ياتمىسام ئويقۇم كەلمەيدىغان،سىزنى سۈيىدىغان،سىزنى ياخشى كۆرىدىغان مەندەك بىر ئەخمەق ئەرنى بىرەر قېتىم ئەسلەپ قويغان چاغلىرىڭىزمۇ بولغانمۇ؟
5 W& c, d, l& x. v* ~7 c( f0 t5 cكەچۈرۈڭ!سىز ئەسلى ماڭا ئۇنداق سەمىمىي بولمىسىڭىز بوپتىكەن.بىلەمسىز؟سىز ماڭا تۈنجى مۇھەببىتىڭىز بىلەن بولغان ئىشلارنىڭ ھەممىسىنى يىپىدىن يىڭنىسىگىچە سۆزلەپ،بەزىدە ئۇنى يەنە سېغىنىپ قالىدىغانلىغىڭىزنى ئېيتقان كۈندىن باشلاپ،قەلبىمدىكى ئوبرازىڭىز ئۆزگىرەپلا كەتتى.ھەر قېتىم سىزنى پۈتۈن ۋۇجودۇم بىلەن سۈيەي دىگەندە،لەۋلىرىڭىزگە چىچىپ قويغان«ئەركەك چىۋىن»كۆز ئالدىمغا كېلىۋىلىپ،رەسمىيەت ئۈچۈنلا سۈيۈپ قويۇشقا مەجبور بولدۇم.مۇشۇ ئىش سەۋەبلىك كۈندەشلىكىم كۈچەيگەندە مەيخانە-قاۋاقلاردىن «شىپالىق دورا»تېپىپ بولىشىغا ئىچىپ كېلىپ،«لەغمەن ئوخشىماپتۇ»دەپ سىزنى ئەدەپلەپ قويغان چاغلىرىممۇ بولدى.كېيىنچە،سىز بىلەن قول تۇتۇشۇپ،مەڭگۆ بىللە ياشاش ئۈچۈن،ئۆزەمگە قاتتىق تەلەپ قويۇپ،بۇ ئادەتلىرىمنىمۇ ئۆزگەرتكەن.ئەپسوس،مۇھەببەت بىرلا تەرەپكە باقمايدىكەن.ھەر قېتىم كېيىم كېيىشىڭىز ئۈچۈن يەتكۈدەك پۇل بەرسەم،بىرەر قېتىممۇ ئۈستىڭىزنى ياپقۇدەك كېيىم سېتىۋىلىپ باقمىدىڭىز.«ئۈلۈم-يېتىم،نەزىر-چىراقلاردا بولسىمۇ بېشىڭىزغا ياغلىق ئارتىۋىلىڭ»دېسەم،سۈۋەتتەك بېشىڭىزغا ئارتىۋالغان ياغلىقىڭىز شاپىلىغىمدىن ئاشمىدى.«خەقنىڭ ماشىنىسىغا يالغۇز چىقماڭ»دېسەم،«بىكارلىق»دەپ چىقىۋەردىڭىز.«ئولتۇرۇشلارغا بارماڭ،بارسىڭىزمۇ بالدۇر قايتىپ كېلىڭ»دېسەم،«باشلىق كەپتىكەن،دوستۇم كەپتىكەن»دەپ بارىۋەردىڭىز،مېنى نۇرغۇن قېتىم بىكار ساقلاتقاننىڭ ئۈستىگە«ئىچىڭ تار،كۈندەشلىكىڭ كۈچلۈك»دەپ ئەيىپلىدىڭىز.باشقا ئەرلەرنى كۆز ئالدىمدىلا«كۆڭلى بەك ياخشىكەن،ئەمىلىنى ئۆستۈرۈشكە ماھىركەن»دەپ ماختىدىڭىز،مېنى بولسا،«قولۇڭدىن نىمە ئىش كېلىدۇ؟»دەپ روھىمنى چۈشۈردىڭىز.يۈزىڭىز چۈشۈپ كەتمىسۇن دەپ،كىچىك ۋاقتىڭىزدا باشقىلارنىڭ ئەخمەق قىلىشى بىلەن،ئىشەكنى ئەمگەن ئىشىڭىزنى تا ھازىرغىچە ھىچكىمگە دىمەي يۈرسەم،سىز مىنىڭ «كىرئالغۇدا لەڭپۇڭ چالغان ئىشىم»نى ئەر خىزمەتداشلىرىڭىزغا توختىماي سۆزلەپ،ئۇلارنىڭ«لەڭپۇڭ» يىگۈسىنى كەلتۈرۈپ،شۆلگەيلىرىنى ئېقىتىۋىتىپسىز.يىغىپ ئېيتقاندا سىز بەك ئۆزگىرەپ كەتتىڭىز.مەن خىيالىمدىكى ئۆزەم ئارزولىغان ئايالىمنى رىئاللىقتىن ئىزدەپ تاپالمىدىم.سۈكۈت قىلىپمۇ باقتىم.ئايالىغا گېپى ئۆتمەيدىغان لاتىدىن يۇمشاقباشقا ئايلىنىپ قېلىشتىن تولىمۇ قورقتۇم.سىزنى ھەر قانچە ياخشى كۆرسەممۇ،ۋىجدانىمنى مۇھەببەتتىن تۈۋەن ئورۇنغا قۇيالمىدىم.بۇنداق ئازاپلىق تورمۇشقا قەتئىي چىدىيالمىدىم.ئاخىرى سىز دىگەندەك،سىزمۇ تونۇمايدىغان،ئۆزۈممۇ تونۇمايدىغان بىر ئادەمگە ئايلىنىپ قالدىم.
سۈيۈملۈگۈم،سىز بىلەمسىز؟بەزىلەر تۇرمۇشنى ئىشەك ھارۋىسىغا ئوخشىتىدىكەن.ئەگەر سىز دائىملا يوتقاندىن چىقىپ قالىدىغان،ھارۋىنىڭ شوتىسىدەك شۇ ئۇزۇن پۇتلىرىڭىزنى ئازراق يىغقان بولسىڭىز،ھارۋىغا نورمىدىن ئارتۇق ئادەم سېلىۋىلىپ شوتىسى كۆتۈرلۈپ كەتمەيدىغانلا ئىش بولسا،مەن بۇ دۇنيادىكى ئەڭ مۇنەۋۋەر ئىشەك بولۇپ،بىر ئۆمۈر ھارۋا سۆرەشكە رازى ئىدىم.
, m! I% H# f; l; Mبەزىدە شۇنداقمۇ ئويلاپ قالىمەن،بەلكىم توي قىلماي بىللە ياشىغان بولساق،بۇنچىلىك چوڭقۇر ئويلانمىغان بولىشىم مومكىن ئىدى.كىم بىلسۇن؟نىكاھ دىگەن ئەنە شۇنداق ئايرىم بىر نەرسىكەن.
) ~( ?& ]0 p' b% ~+ u9 ?* v3 `سۈيۈملۈگۈم،سىز بىلەمسىز؟ئەگەر نىكاھىمىز يات جىنىسلارنىڭ بىر-بىرىگە ئىنتىلىش،يىقىنلىشىش ھېسياتى ئۈستىگىلا قۇرۇلغان بولسا،مەن سىزدىن مەڭگۆ يىراقلاشماس ئىدىم.جەننەتتىكى ھۆر-پەرىلەرمۇ سىزنىڭ ئورنىڭىزنى ئالالماس ئىدى.مۇھەببىتىمىزنىڭ نىكاھىمىز سەۋەبلىك ھالاك بولىشىنى بىلگەن بولسام،بىر ئۆمۈر سىزنىڭ ئاشنىڭىز بولۇشقا رازى ئىدىم.
مىڭ-مىڭ ئەپسوس!بىز ھازىر تولىمۇ يىراقلىشىپ كەتتۇق.سىز ئەسلى ماڭا تەگمەي،ماڭا ئاشنا بولۇپ قالسىڭىز،ھىچ بولمىغاندا يىقىن ئاغىنەمنىڭ ئايالى بولۇپ قالسىڭىز تولىمۇ ياخشى بولاتتىكەن!
   ئەسەرنى ئوقۇپ بولۇپ،«بۇ ئەسەرنى ھىكايە دىسەك بولارمۇ ياكى سالام خەت دىسەك بولارمۇ؟»دەپ ئويلىنىپ ئولتۇرسام،ئوسمان مۇئەللىم ھاياجانلىنىپ سۆزلەشكە باشلىدى.
-ھىكايەم قانداقراق يېزىلىپتۇ؟توردىكىسىنى بىر ئايال يېزىپتىكەن،مېنىڭ ئەرەنچىسى.مەن تونۇيدىغان تەھرىر ئايال كىشى،ئۇنىڭ ئالدىغا ئاپارسام يەنە قايتۇرۋىتەمدىكىن دەپ ئەنسىرەيمەن.سىز تورغا چىقىشقا ئۇستا بولغاندىكىن،بۇ ئەسىرىمنى تورغىلا چىقىرىپ باقامسىز يە؟باشقىلار قانداق ئىنكاس قايتۇرىدىكىن،بىر بىلىپ باققۇم بار.
0 b6 \/ q1 d$ sشۇنداق قىلىپ،ئوسمان مۇئەللىمنىڭ قايتا-قايتا ئۆتۈنىشى بىلەن ئۇنىڭ ھىكايىسىنى ئانچە-مۇنچە ئۆزگەرتىپ،ئۆزەمنىڭ نامىدا تورغا يوللاپ قويدۇم.
  V/ d8 `7 n/ w  zئاپتور:تۇرپان شەھەر سىڭگىم يېزا مۇرتۇق ئوتتۇرا مەكتەپتە.

لوپلار

بەكمۇ ياخشى يېزىپ، سىز،ئالامەت قىزىقارلىق  كەن ،مەن بەكمۇ قوللايمەن ،تېخىمۇ تىرىشىڭ

bayawan456

بەك ياخشى يېزىلىپتۇ.  ھەم بەكلا قىزىقارلىق ئىكەن.  

yoluqi99

مۇشۇنداق ھىكايىلەر نى تېخىمۇ كۆپ يېزىشىڭىزنى چىن دىلىمدىن ئۈمۈت قىلمەن

uqkun

يارايسىز!!!

ئىدرسجان

راس ئۇۋال بوپتۇ جۇمۇ بۇ مۇئەلىمگە،{:6_276:}جەمىئەتتە بۇنداق ئىشلار خىل ئاۋۇپ كەتتى ھازىر.{:6_267:}

تۇرسۇن

ياخشى يېزىلىپتۇ

كىرەم953

ياخشى يېزىلىپتۇ، ھارمىغايسىز!

pisan

بولغىدەك ما ئەسەر

muratjan886

بەك ياخشى يېزىلىپتۇ