قىنى سىناپ باق 『شىئىر』

HIRISTAL

مۈدۈرۈپ يۈرۈپسەن تۈز يوللاردىمۇ،
مەنزىلىڭ قاياقتا بىلەلمەي تېنەپ.
پاخپايغان چاچلىرىىڭ،مۈكچەيگەن بېلىڭ،
مەزگىلسىز قېرىپسەن بىلمىدىم ئەجەپ.

‹نە ئىش بۇ؟› دىگەندە يېقىنلاپ ساڭا.
سىنچىلاپ قارىدىڭ كۆزلىرىڭ تامان.
سارغايغان چىشلىرىڭ،يېرىلغان لېۋىڭ،
نۇرسىز كۆزلىرىڭ مېنىڭدە ھامان.

تونۇدۇڭ بەك تەستە تىتىرىدى لېۋىڭ،
كۆزۈڭنى قاپلىدى لىغىرلىغان ياش.
ئۇزاتتىڭ قولۇڭنى ھاياجان بىلەن،
‹بۇ سەنمۇ راستتىنلا،› دىدىڭ ۋاي ئاداش.

بىلگەندە ھالىڭنى بەكمۇ ئېچىندىم،
ئايرىلىش تەس كەلدى سېنىڭدىن شۇ تاپ.
بىر چاغدا بەكمۇ شوخ،ئەركە يىگىتتىڭ،
شۇ رەزىل كېسەلدىن بولۇپسەن بىتاپ.

نادانلىق چىرماپتۇ قەلبىڭنى بۈگۈن،
ئۇنتۇپسەن ھەممىنى يۈرەلمەي ساپ-ساق.
خورۇتۇپ جىسمىڭنى ئىسكىلىت كەبى،
روھىڭنى بۇلغاپتۇ ئەشۇ نىجىس ئاق.

ئويغانغىن جان دوستۇم غەپلەت ئۇيقۇدىن،
ئۆمۈرنىڭ مەنزىلى تولىمۇ ئۇزاق.
ياشىغىن ئادەمدەك بىر كۈن بولسىمۇ،
قايتقىن ئارقاڭغا،قېنى سىناپ باق.

كەتسىلا كەلمەيدۇ ئادەم قايتىدىن،
قىلغان ئىشىڭنى ئوبدان ئويلاپ باق.
بىمەزگىل كەلگەندە ئەجەلنىڭ ئوقى،
دىمىگىن ياش ئىدىم كەتمەيمەن ياق-ياق.

قەلبىنۇر ئوبۇلھەسەن
2014-6-15-كۈنى.  قاراماي.

جام

قەلەم قۇۋىتىڭىز ھەقىقەتەن كۈچلۈك ئىكەن، ھارمىغايسىز!
ئىشلەتكەن سۆز- ئىبارىلەر تولىمۇ جايىدا، ئىملا سۈپىتى ياخشى، ئالغا سۈرۈلگەن مەزمۇن بۈگۈنكى دەۋر خاسلىقىغا ماسلاشقان، رېئال تۇرمۇشقا يېقىن، مەزمۇنلۇق- قاراتمىلىق چىقىپتۇ.

HIRISTAL

جام يوللىغان ۋاقتى  2014-6-20 12:42
قەلەم قۇۋىتىڭىز ھەقىقەتەن كۈچلۈك ئىكەن، ھارمىغايسىز!
...

ئەسىرىمگە بەرگەن باھايىڭىزغا،مېنى قوللىغىنىڭىزغا رەھمەت.ئەزىز تېنىڭىز ئامان بولغاي.

نەپرەت

ئۆز ئىجادىيتىڭىزمۇ بۇ؟

HIRISTAL

نەپرەت يوللىغان ۋاقتى  2014-6-20 13:06
ئۆز ئىجادىيتىڭىزمۇ بۇ؟

شۇنداق،بۇ ئەسەردىكى پىرسۇناج بىلەن نەچچە كۇننىڭ ئالدىدىلا ئۇچرىشىپ قالغان ،يېڭىلا پۈتتۈرۈپ يوللىدىم.قانداق بىرەر مەسىلە بارمىكەن ؟

دىلىغۇل

بۇ شىئىر ھەقىقەتەن ياخشى چىقىپتۇ ،سىزگە ئاپىرىن .داۋاملىق يىزىڭ

چاقنار

ھەقىقەتەن ئېسىل شېئىر بوپتۇ ،،،قەلىمىڭىز بەرىكەتلىك بولسۇن

arkzat

    خىرىستالنىڭ  باشقا مۇنبەرلەردىمۇ  ئېلان قىلىنىپ تۇرىۋاتقان مانا مۇشۇنداق ھېكمەتسىمان  ئەھمىيەتلىك  شېئىرىلىرىدىكى  رېئال تەشەببۇسلار، بىزنى ئەنئەنىۋىيلىككە ئۈندەيدىغان ئاكتىۋال پىكىرلەر خەلقىمىزنى   ئادەمگە خاس پەزىلەت بىلەن ياشاشقا ئۈندەيدۇ.  
  روھلاندىكى قۇتلۇق  قەدىمىڭىزگە مەرھابا.

HIRISTAL

ئەركىزات،چاقنار دىلغۇل قاتارلىق دوستلار ۋە ئۇستازلارنىڭ قوللىغىنىغا رەھمەت.ئەزىز تېنىڭلار ئامان بولغاي.

نەپرەت

HIRISTAL يوللىغان ۋاقتى  2014-6-20 14:06
شۇنداق،بۇ ئەسەردىكى پىرسۇناج بىلەن نەچچە كۇننىڭ ئالد ...

مەسىلە باركەن..مەن قايتا تەھرىرلەپ قويدۇم.
بۇندىن كىيىن تىما يوللىسىڭىز،مەن تەھرىرلىگەندەك يازغان بولسىڭىز...
ئۆزىڭىز باشتا قانداق يوللىغىنىڭىزنى سېلىشتۇرۇپ كۆرۈڭ.