[شېئىر] دەيمەن - قەلبىنۇر ئۇبۇل ھەسەن

HIRISTAL

دەيمەن
قەلبىنۇر ئۇبۇل ھەسەن

( " ھاياتتا ياشاشنى بىلسەڭ ناۋادا " دىگەن تېمامدىكى ئىنكاسلارنى كۆرۈپ )

دۇنيادا ھەممىدىن يامىنى نىمە،
ئۆزىدىن ،ئۆزگىدىن ئاغرىنىش دەيمەن .
بىھۇدە ئۆتكۈزۈش مىنۇت،سېكۇنتنى،
بېجىرىم ئادەمچۈن بەكمۇ سەت دەيمەن .

ھىچقانداق ئىش قىلماي "لاپ'' نىلا ئېتىپ،
كۈنلەرنى ئۆتكۈزۈش ئەيىپتۇر دەيمەن.
نىشانى ئېنىقراق بولمىغان ئەرنىڭ،
ياشىشى دۇنيادا بەك خەتەر دەيمەن .

غەيۋەت چاقمىغىدىن ئوتلار ياندۇرۇپ،
تام يۆلەپ ئولتۇرۇش نومۇستۇر دەيمەن .
ئىسسىق، كاڭ ئاپتاپقا يەم بولۇپ كەتمەي،
يىگىتتەك تىك تۇرۇپ ياشىغىن دەيمەن .

ياراتتى ئىگىمىز  سېنى ئادەم قىپ،
يارىلىش ئۆزۈڭدىن دىدىغۇ دەيمەن.
تۇرمۇش  قاينامدۇر تېگى كۆرۈنمەس ،
تەكتىگە چۆكۈشكە تەييار بول دەيمەن .

ئويغانغىن بۇرادەر غەپلەت ئۇيقۇدىن،
بەس !ئەمدى ئۇخلىساڭ گۇناھتۇر دەيمەن.
قامچا سال مەنزىلنىڭ ئېتىغا تېز چاپ،
ئارقىدا قالغىنىڭ ئۆلۈمدۇر دەيمەن .

                                   2015-1-10-كۈنى                          قاراماي
ئەسكەرتىش: مۇنبەرگە كىرىپلا ئىككى ئەپەندىنىڭ ئىنكاسىغا كۆزۈم چۈشتى ھەم قەلبىمدە بەكمۇ ھۆرمەت قىلىدىغان نەۋرۇز،ئەپەندىم بىلەن جام ئەپەندىنىڭ ئۆز كەچۈرمىشى ھەققىدىكى بايانلىرى كۆڭلۈمنى غەش قىلدى.بۇنىڭ بىلەن ئۇلارغا بولغان قايىللىقىم تېخىمۇ ئاشتى ،شۇ سەۋەپ بۇلارنىڭ قەيسەر روھىدىن تەسىرلىنىپ ئۇلارغا يەنىمۇ مەدەت بېرىش ۋە  بېجىرىم بىر ئەر تۇرۇپ ئەھمىيەتسىز ياشاپ ،جەمىيەتكە ئائىلىگە يۈك بولىۋاتقان بىر قىسىم كىشىلەر ئۈستىدىن مۇلاھىزە يۈرگۈزۈپ  دەماللىققا قەلبىمدە مەۋج ئۇرغان ئىلھام بۇلىقىمدىن بۇ چەشمىلەر تىزىلدى .دوستلىرىمنىڭ ياقتۇرۇپ ئوقۇشىنى ئۈمۈت قىلىمەن - ئاپتوردىن .

نۇرلان

قەلىمىڭىز  يەنىمۇ بەرىكەتلىك بولسۇن.

HIRISTAL

نۇرلان يوللىغان ۋاقتى  2015-1-10 22:13
قەلىمىڭىز  يەنىمۇ بەرىكەتلىك بولسۇن.

رەھمەت ئۇستاز ،دانا پىكىرلىرىڭىزنى ئايىمىغايسىز .

نەۋرۇز

بۇ ھاياتتا ئادەم ئۆزىگە ھامان ياخشىلىقنى ئۈمۈد قىلىدۇ. ھېچكىمنىڭمۇ ئۆزى خالىمايدىغان كۈڭۈلسىزلىكنى ، دەرت ــ ھەسرەت چىكىشنى خالىمايدۇ. ئەمما ھايات ئادەمگە باقمايدۇ. ئارزۇ ــ ئارمانلىرىمىز بىز ئويلىغاندەك ئەمەلگە ئاشسا ئىدى ئۇ چاغدا ياراتقۇچىنىڭمۇ رولى بولمايدۇ دەيدۇ ئاتاقلىق يازغۇچىمىز ، ئۇستازىمىز مەمتىمىن ھۇشۇر ئەپەندى.
قىممەتلىك ، ئالەمچە تەسەۋۋۇرنى ئۆزىگە جەم قىلغان ئاتا ــ بوۋىللىرىمىز « سەبىرى قىلساڭ غورىدىن ھالۋا پۈتەر » دەيدۇ....  
قەلبىنۇر ھەدەمنىڭ ھاياتىغا تېخىمۇ قىممەت ۋە ھېكمەت تېلەيمەن. رەھمەت سىزگە

arkinjuma

قەلبىنۇر خانىمنىڭ قەلىمىگە بەركەت،ئائىلىسىگە بەخت تىلەيمەن.

HIRISTAL

نەۋرۇز يوللىغان ۋاقتى  2015-1-11 01:46
بۇ ھاياتتا ئادەم ئۆزىگە ھامان ياخشىلىقنى ئۈمۈد قىلىدۇ. ...

رەھمەت نەۋرۇز ئۇكام ،سىزنىڭمۇ ئائىئلىڭىزگە خاتىرجەملىك ،خۇشاللىق يار بولغاي .

HIRISTAL

arkinjuma يوللىغان ۋاقتى  2015-1-11 15:58
قەلبىنۇر خانىمنىڭ قەلىمىگە بەركەت،ئائىلىسىگە بەخت تى ...

ئاددى شېئىرىمنى ياقتۇرغىنىڭىزغا رەھمەت ئەركىن جۈمە .

جام

ھۆرمەتلىك «خىرىستال» خانىم، سىزگە كۆپتىن- كۆپ رەھمەت؛ كۆڭلۈمدە نېمە بولسا شۇنى ئەينەن دەپ بېقىش پەقەت تور دۇنياسىدىلا ئەمەس رىئال تۇرمۇشتىمۇ ئادەت بولغاچ، ئۆز بېشىمدىن ئۆتكەن بىر قىسىم كەچمىشلەرنى، ۋەقە- ھادىسىلەرگە تۇتقان پوزىتسىيەمنى توردا يازغان بىر قىسىم ئىنكاسلىرىم بايان قىلىپ ئۆتۈپ كەتكەن ئىدىم. سىزنىڭ بۇنچىلىك دېيىشىڭىزگە ئەرزىمەسلىكىم مۇمكىن، مەندىنمۇ كۆپ قىيىنچىلىقلارنى باشتىن ئۆتكۈزگەن، مەندىنمۇ زور ئۇتۇقلارنى قولغا كەلتۈرگەن نى- نى ئەزمەتلىرىمىز ئارىمىزدا مەۋجۇت. ئۇلارغا نىسبەتەن مەن ۋە مىنىڭ كەچمىشلىرىم ھىشقانچە بولماسلىقى مۇمكىن. ئەمما، شۇنى ھەقىقەتەن ئېتراپ قىلماي تۇرالمايمەنكى، مەن نېمىلا بولمىسۇن تىرىشتىم، ئازراق بولسىمۇ قەددىمنى رۇسلىدىم. جەمئىيەتتە ئاتا- ئانىسىغا، جەمئىيەتكە، ئەل- يۇرتقا يۈك بولۇۋاتقان، ھە دېسىلا خاتا ئىكەنلىكىنى بىلىپ تۇرسىمۇ زورىغا شۇ يولدا مېڭىپ، ئۆزىگە ھەم ئەتراپىدىكىلەرگە ئاۋارىچىلىق تېپىپ بېرىۋاتقان بىر قىسىم قېرىنداشلىرىمىزغا شۇنچىلىك ئېچىنىمەن.