[شېئىر] سۆيىۋەر - قەلبىنۇر ئۇبۇل ھەسەن

HIRISTAL

قەلبىنۇر ئۇبۇل ھەسەن

كۆيسە ساڭا چىن قەلبىدىن ئاشىقىڭ  ،
ئىككىلەنمەي سەنمۇ دىلدىن سۆيىۋەر.
ئاقسا سۇدا ،كۆيسە ئوتتا سەن ئۈچۈن،
سەنمۇ كۆيۈپ پاك قەلبىڭنى بېرىۋەر.

قۇملۇقلاردا چاڭقىغاندا تەشنا بوپ،
سۇ بوپ ئۆتسە كانىيىڭدىن يۇتىۋەر.
دالىلاردا ھالسىرىساڭ ئاچلىقتىن،
غىزا بولۇپ يىيىلسە گەر تېتىۋەر .

بولسا ساڭا چىن ائشىقىڭ،دىلبىرىڭ،
«نومۇس» دىمەي تامىقىنى ئېتىۋەر،
تۆشەك تۇتۇپ يېتىپ قالسا ناۋادا،
ئايانماستىن بار كۈچۈڭنى كۈتىۋەر .

«نىمە ئىش بۇ ؟» دەپ ھىجايسا دوستلىرىڭ،
پەرۋا قىلماي خىزمىتىنى قىلىۋەر.
كۆيسە ساڭا جان ،تەن بىلەن بىر ئۆمۈر،
سەنمۇ شۇنداق ئاداققىچە سۆيىۋەر .

مەنبە ئۆزۈم .      ئەسكەرتىش ؛ مۇنبەرنى ئېچىپلا نەۋرۇز ئەپەندىمنىڭ 2010-يىلى يازغان بىر كوپلىتلىق شېرىغا كۆزۈم چۈشتى ،شۇنىڭ ئىلھامى بىلەن 2003-يىلى يېزىلغان بۇ شېئىرىمنى يوللاپ قويدۇم ، مەنمۇ شۇ ۋاقىتتا بۇ شېئىرىمدا نىمە  دىمەكچى بولغانلىقىمنى ئۆزۈممۇ بىلمەيمەن .قايتا ئۆزگەرتىشنىمۇ خالىمىدىم ، بۇنىڭغا مۇنبەرداشلىرىمنىڭ باھا بېرىپ، تۈزۈتۈپ مۇكەممەل بىر شېئر بولۇشىغا ياردەم قىلىشىنى ئۈمۈت قىلىمەن .

نەۋرۇز

ئەركىن يېقىشلىق تىل، چىن ھېسيياتتا يېزىلىپتۇ. دىمەك بۇ شىئېرنى ئەمدى تۈزىتىمەن دىسىڭىز ئون بىر يىل ئاۋالقى ھېسياتنى ئىزدەشكە توغرا كىلىدۇ. بۇ قەلەمكەشكە ئاسان ئەمەس. شىئېردا ئىپادىلىمەكچى بولغان ھېسياتنى قايتا ئىزدەپ تېپىش ھەم مۈشكۈل. دىمەك بۇ شىئېرىڭىزنى تۈزۈتۈش ئارتۇقچە ئىش .  

جام

بۇ شېئىرىڭىز ھەقىقەتەنمۇ ئىسىل شېئىر ئىكەن. كۆڭلۈمدە نېمە بولسا شۇنى دەۋىرىمەن، ماختاشقا تېگىشلىك بولسا ماختاش كېرەك، شۇنداققۇ     ئىشقىلىپ بۇ شېئىرىڭىز ماڭا بەكلا ياختى.

نۇرلان

قەلبىنۇر خانىمنىڭ شېئىرغىمۇ بەكلا ئېپى باركەن ئەمەسمۇ؟ شۇنداق تەبىئىي، يېقىملىق چىقىپتۇ بۇ شېئىرىڭىز. يەنىمۇ بەرىكەتلىك بولۇڭ.

سىھىر

ياخشىمۇسىز قەلبىنۇر ھەدە ،،،،بۇ شىئىرنى بەكمۇ ئەركىن ئۇسلۇبتا ياخشى يېزىپسىز ،،،،،ھارماڭ

HIRISTAL

ۋۇي بۇ شېئىرىمغا تۈزۈتۈش بېرىڭلار دىسەم ماختاپلا كېتىپسىلەرغۇ ؟: قارىغاندا شېئىر يازساممۇ بولغۇدەك
جام ئەپەندى، نۇرلان ئەپەندى، سېھىر سىڭلىمغا رەھمەت .

yaxlik007

بۇ  شېئىرنى  مەن بەك  ياقتۇردۇم ، بەك  ياخشى  يىزىپسىز  رەھمەت

yaxlik007

بۇ  شېئىرنى  مەن بەك  ياقتۇردۇم ، بەك  ياخشى  يىزىپسىز  رەھمەت

HIRISTAL

yaxlik007 يوللىغان ۋاقتى  2015-1-8 18:53
بۇ  شېئىرنى  مەن بەك  ياقتۇردۇم ، بەك  ياخشى  يىزىپسىز  ر ...

ياقتۇرغىنىڭىزغا رەھمەت .

HIRISTAL

نەۋرۇز يوللىغان ۋاقتى  2015-1-8 19:32
ئەركىن يېقىشلىق تىل، چىن ھېسيياتتا يېزىلىپتۇ. دىمەك بۇ ...

شۇ نەۋرۇز ئۇكام ، ئون بىر يىل بۇرۇنقى ھالەتكە قايتقىلى بولمىغاندىكىن شېئىرمۇ تۇرىۋەرسۇن
نەزەر ئاغدۇرغىنىڭىزغا رەھمەت .