سالام يۇرتۇم

HIRISTAL

قەلبىنۇر ئۇبۇل ھەسەن

سالام يۇرتۇم  گۈزەل دىيار مۇبارەك بولسۇن،
يېڭى يىلىڭ زور خۇشاللىق، شاتلىققا تولسۇن.
يېڭى يىلدا يېڭى غەلبە، زەپەرلەر قۇچقىن،
ئېلىڭ، خەلقىڭ، ئەۋلاتلىرىڭ شاتلىنىىپ كۈلسۇن.

ھۆسنۈڭ گۈزەل، چېھرىڭ  گۈزەل، دىيارىڭ گۈزەل،
بار گۈزەللىك جەملەنگەچكە نامىڭمۇ ئەۋزەل.
گۈلگە تولسۇن ۋادىلىرىڭ ئەمگەك تەرىدىن،
باتۇر، ئىشچان يىگىت، قىزلار ياڭراتسۇن غەزەل .

بۈيۈك نامىڭ ئورناپ كەتكەچ قەلبىم تۆرىگە،
ئۇنتالمايمەن، ئوخشاتمايمەن سېنى ھىچ ئەلگە .
دىماغىمدا خۇشبۇي ھىدىڭ، سۇلىرىڭ كەۋسەر،
ھوزۇر بېرەر شوخ شامىلىڭ ھەر قاچان تەنگە.

ئاق ئارىلاپ چاچلىرىڭنى ،چۈشسىمۇ قورۇق،
روھىڭ تېتىك، مەغرۇر كۈلۈپ تۇرىسەن ھامان.
نېفىتلىكنىڭ جەسۇر، ئىشچان ،ئەۋلاتلىرىدەك ،
مەغرۇر قەددىڭ پۈكۈلمىسۇن بول مەڭگۈ ئامان .

                                 2014.                            قاراماي

نۇرلان

يۇرت سۆيگۈسى-بىر پەرزەنىتكە تەۋە بولغان ئەڭ ئەقەللىي ۋە مۇقەددەس سۆيگۈلەرنىڭ بىرى. خىرىستال خانىمنىڭ تىلى ئاددى، ھىسياتى چىن ، يۈكسەك دەرىجىدىكى سۆيگۈ جىلۋىلىنىپ تۇرغان بۇ شېئىرى تولىمۇ ياخشى يېزىلىپتۇ. قەلىمىڭزنىڭ يەنىمۇ بەرىكەتلىك بولىشىنى، قاراماينىڭ يەنىمۇ تەرەققىي قىلىشىنى ئۈمىد قىلىمەن.

نەۋرۇز

ھەر قانداق مۇھەببەتتىن ئەل - يۇرۇتقا بولغان مۇھەببەت ئەلا. مەرھۇم شائىرلىرىمىزدىن تىيىپجان ئىليوف، ئابدۇرېھىم ئۆتكۈر.... قاتارلىق ئەزمەت قەلەمكەشلىرىمىزنىڭ نادىر ئەسەرلىرىدە بۇ مۇھەببەت ۋايىغا يەتكۈزلۈپ تىلغا ئېلىنغان. قەلبىنۇر ھەدەمنىڭ بۇ شىئېرى ئەل يۇرۇتقا بولغان ھۆرمەت مۇجەسسەم بولغان ، ياشلارغا ئىلھام ياشانغانلارغا مەدەت ئىپادىلەنگەن ياخشى شىئېر بوپتۇ. قەلىمىڭىز تېخىمۇ بەركەتلىك بولسۇن قەلبىنۇر ھەدە. سالامەت بولۇڭ. ئىشلىرىڭىز ۋە قەلىمىڭىزگە ئۇتۇق تىلەيمەن

HIRISTAL

رەھمەت نەۋرۇز ئۇكام ،مەن شېئىرنى ياىشى يازالمايمەن . يېڭى يىلغا يېزىپ باققان

ADiL

بەك ياخشى چىقىپتۇ، قاراماينىڭ ئالاھىدىلىكلىرىمۇ شېئىردا تولۇق ئەكىس ئەتتۈرلۈپتۇ.

شاھدىل

ئانا يۇرت سۆيگۈسى ياخشى ئىپادىسىنى تاپقان شېئىر بوپتۇ ، قەلىمىڭىز ھوسۇللۇق بولغاي ! يۇرت - يۇرتلىرىمىز گۈللەپ ياشناپ كەتكەي !

شاھدىل

ئانا يۇرت سۆيگۈسى ياخشى ئىپادىسىنى تاپقان شېئىر بوپتۇ ، قەلىمىڭىز ھوسۇللۇق بولغاي ! يۇرت - يۇرتلىرىمىز گۈللەپ ياشناپ كەتكەي !

HIRISTAL

ئاتامان ،نۇرلان ،شاھدىللارنىڭ ئەسىرىم ئۈچۈن ۋاقىت ئاجرىتىپ بەرگەن باھاسىغا،مەدەتلىرىگە رەھمەت .