رەببىمگە!

Ayshemgul

‏رەببىمگە
قەلىبلەرنىڭ سۇلتانىسەن ئۇلۇغ رەببىم،
گۇناھىم كۆپ،تۆۋبە قىلدىم،ئەفۇ ئەتكىن.
نىيەتلەرنى بىلگۈچىسەن،ئېيتمىساممۇ،
شۇنداقتىمۇ سۆزۈم ئېيتاي ئاڭلاپ يەتكىن.

ئاجىزغىنە بىر ئىنسانمەن كۈچۈم چەكلىك،
بەزى ئىشنى خالاپ تۇرۇپ قىلالماسمەن.
مۇسۇلمانمەن ئىمتىيازىم بولۇر چەكلىك،
نەفسىمگە خوپ كەلگەنگە خوش دىيەلمەسمەن.

ھەممە ئىشتا كۆڭۈل خالاپ قىلىۋەرسەم،
شەيتانغا قۇل،ساڭا ئاسىي بوپ قالارمەن.
شۇنچىلىك تەس كېلەر بەزى تاللاشلىرىم،
شۇنداقتىمۇ سەن ئۈچۈنلا بىقارارمەن.

ئۆكۈنمەيمەن نەفسىم مەندىن ئاغرىنسىمۇ،
چۈنكى دۇنيا قالار تامام مەن كېتەرمەن.
بىراق كىشى ئاغرىنسا خوي تەس كېلىدۇ،
تەسەللىنى سەندىن ئىزدەپ ياش تۆكەرمەن.

ئايالدۇرمەن گۇناھىم كۆپ،ئەقلىم كەمتۈك،
بىلىپ بىلمەي خاتا ئىشنى كۆپ قىلارمەن.
كىشى كۆڭلى ئايايمەنۇ بەزى چاغدا،
مەيلىم ئەمەس دەككىلەرنى بېرىپ تۇرىمەن.

مۇددىئايىم دەككە بېرىش ئەمەس ھەرگىز،
ئەس خىيالىم ساڭا مەڭگۈ يېقىن تۇرۇش.
"نەفسىڭگە قۇل، رەبكە ئاسىي بول"دەيدىغان،
شەيتان دىگەن شۇ مەلئۇندىن  يىراق تۇرۇش.

شۇڭا رەببىم بىلىپ بىلمەي ئاغرىتتىم كۆپ،
چىنىدىن ئاق،سۇدىن سۈزۈك كۆڭۈللەرنى.
يورۇق قىلغىن ،خوشال قىلغىن ئۇلارنى سەن،
ئۇنتۇلدۇرغىن مەن يەتكۈزگەن ئەلەملەرنى.

ۋەدەڭ باردۇر" ئىنسان ئەگەر ياخشىلىسا،
مېنىڭ بىلەن بولغان ئۇنىڭ ئارلىقىنى،
كۆڭلىنى توق تۇتسۇن چوقۇم ياخشىلايمەن ،
ئۇنىڭ بىلەن ئادەملەرنىڭ ئارلىقىنى."

ئۆزۈڭ قادىر مىھرىبانسەن ئۇلۇغ رەببىم،
ئاغرىنغان شۇ كۆڭۈللەرنى خوشال ئەتكىن.
ئىسلاھ قىلغىن نىيەت،ئەمەل،سۆزلىرىمنى،
كىشى كۆڭلى رەنجىتىشتىن پاناھ ئەتكىن.

رەسۇلۇمدىن ئۆرنەك ئېلىپ،ھەر ئىشلاردا،
تىرىشايمەن ئىمانىمنى پۈتۈنلەشكە،
ئەخلاقىنى ئۆگىنىپ ھەم مۇجەسسەملەپ،
ئۆزۈمدىكى ئىللەتلەرنى تۈزىتىشكە.

مەدەت بەرگىن، قۇۋۋەت بەرگىن،نىسىپ ئەتكىن!
رازى بولغان بەندەڭ قاتارى بولۇشقا،
ئىمان، ئەخلاق بابلىرىدا سەركەردە بوپ،
ئىلىملەرگە ئەمەل قىلىپ چىڭ تۇرۇشقا.

Amyn!
sebir327
来自安卓客户端

alxir

ئاللا سىزدىن رازى بولسۇن.

Ayshemgul

ھەممىمىزگە ئامىن!
来自安卓客户端

ئىدرسجان

ھەقىقەتەن ياخشى يىزپسىز قولىڭىزغا دەت كەلمىسۇن.

شىرى

بەك ئېسىل يېزۋېتىپسز رۇخسەت قىلسىڭىز ئۈندىدار سالونىمغا نامىڭىزبىلەن قوشۇپ ھەمبەھېرلىسەم دىگەن ئۈمۈتتە

Ayshemgul

شىرى يوللىغان ۋاقتى  2014-5-5 16:33
بەك ئېسىل يېزۋېتىپسز رۇخسەت قىلسىڭىز ئۈندىدار سالونىم ...

ياراتسىڭىز تارىتىۋىرىڭ،ياقتۇرغىنىڭىزغا رەھمەت!

ئالمىچى

ياريسىز، تىخىمۇ تىرىشىڭ
来自安卓客户端

نەۋرۇز

يارايسىز .قولىڭزغا دەرىت كەلمىسۇن

دېھقان

ھەجەپ ياخشى يىزىپسىزا  قەيەرلەردىن كەلدى بۇ ئلھام  .سىزگە كوپ رەخمەت .ئاللاھ  ئىشلىرىڭىزنى ئوڭ قىلسۇن . شەيتاندىن يىراق قىلسۇن

emran

ھەقىقەتەن قول قويدۇم،يارايسىز