[شېئىر] يولۇڭغا قاراي ( «مەن باراي»غا جاۋاپ)

Ayshemgul

باراي دەپسەن خۇش كەلگىن جېنىم،
تۆت كۆز بىلەن يولۇڭغا قاراي.
ھېرىپ كەلسەڭ ئېتەكلىرىمنى،
پايانداز قىپ ئاستىڭغا سالاي.
يوللىرىڭدا جۇت شامال سوقسا،
كەلگىنىڭدە ئوت بولۇپ ياناي.
تىكەن كىرسە ئاياقلىرىڭغا،
لەۋلىرىمدە تىكەننى ئالاي.
ئۇسساپ قالساڭ كەلگۈچە جېنىم،
چايلىرىڭغا قەنت ناۋات سالاي.
توپا قونسا ئۈستى بېشىڭغا،
چاچلىرىمدا توپاڭنى قاقاي.
يوقسۇزلۇقنىڭ غېمى غەش قىلسا،
شېرىن سۆز بوپ كۆڭلۈڭنى ئاچاي.
كۆز تەگمىسۇن ئەركەكلىكىڭگە،
بەختىمىزنىڭ سازىنى چالاي.

نۇرلان

ئايشەمگۈل، ئاپىرىن سىزگە!
بىر دەمدىلا مۇشۇنداق ياخشى شېئىرنى يېزىپ چىقىپسىز.  ھازىر جاۋابلىقتىن باشقا يەنە شېئىرنىڭ تىلىمۇ شۇنچە يىنىك، تېتىملىق بولۇپتۇ. تىل ئىشلىتىش جەھەتتىمۇ ئىلگىرلەش ناھايىتى زور.
ماختاش بار يەردە  ئەيىپلەشمۇ بار ئەلۋەتتە.
تەكلىپىم: " چاچلىرىمدا توپاڭنى قاقاي" دىگەن مىسراغا يەنىمۇ ئىشلەش كېرەك.
قەلىمىڭزنىڭ يەنىمۇ گۈل بولىشىنى تىلەيمەن.

Ayshemgul

نۇرلان يوللىغان ۋاقتى  2014-12-9 16:43
ئايشەمگۈل، ئاپىرىن سىزگە!
بىر دەمدىلا مۇشۇنداق ياخشى  ...

ھې ھې... ئىنكاسىڭىزدىن تولىمۇ سۆيۈندۈم. رەھمەت نۇرلان ئاكا. مەدىتىڭلار ماڭا زور ئىلھام بولغۇسى. ئۇ مىسرانى يەنىمۇ ئويلىشىپ باقاي. ئەۋەتكۈم كىلىپ كۆپ ئوقۇپ تۈزەتمەيلا يوللىۋەتكەنىدىم
رەھمەت سىزگە!

مەرىپەت

ۋاي ئايشەمگۈل، ھازىر جاۋاپلىقىڭىزغا ئاپرىن، قەيەردىن كەلگەن ئىلھامدۇ بۇ  
شئېرىڭىز شۇنداق ياخشى چىقىپتۇ بارىكاللا

Ayshemgul

مەرىپەت يوللىغان ۋاقتى  2014-12-9 16:54
ۋاي ئايشەمگۈل، ھازىر جاۋاپلىقىڭىزغا ئاپرىن، قەيەردىن  ...

رەھمەت جېنىم. نۇرلان ئاكىمىزنىڭ شېئىرى پەچەت چىقىپ كېتىپتىكەن،  مېنىڭمۇ يېزىپ باققۇم كەلدى. سىلەردىمۇ ئىلھام دىگەن توشاققۇ؟ يېزىڭلار،ئۇزارتىمىز بۇ شېئىرنى ھې ھې...

ناتىۋان

سىزنىڭ مۇشۇ ھازىر جاۋاپلىقىڭىزغا قايىل جۇمۇ مەن ،شۇنداق ياخشى چىقىپتۇ.ھارمىغايسىز گۈلۈم ！

bayawat

ئۇسساپ قالساڭ كەلگۈچە جېنىم، چايلىرىڭغا قەنت ناۋات سالاي. توپا قونسا ئۈستى بېشىڭغا، چاچلىرىمدا توپاڭنى قاقاي. بۇ مىسرالار بەك تەبئى چىقىپتۇ،،،،،

مەرىپەت

Ayshemgul يوللىغان ۋاقتى  2014-12-9 17:14
رەھمەت جېنىم. نۇرلان ئاكىمىزنىڭ شېئىرى پەچەت چىقىپ كې ...

مېنىڭدە  شئېر يازغۇدەك ئىلھام يوق دوستۇم، بولمىسا شئېر دىگەننى يېزىپ قاتۇرۋېتەتتىم.

Ayshemgul

ناتىۋان يوللىغان ۋاقتى  2014-12-9 18:27
سىزنىڭ مۇشۇ ھازىر جاۋاپلىقىڭىزغا قايىل جۇمۇ مەن ،شۇند ...

ھې ھې... رەھمەت. بىراق بۇ قېتىمقىسى ئۇنچە كۆڭلۈمدىكىدەك چىقماي قالدى. نۇرلان ئاكىمىزنىڭ شېئىرى بەك ياخشى يېزىلىپتىكەن.مەزمۇن، تىل ھەرقايسى تەرەپلەردىن. مېنىڭ بۇ يازغىنىم بەك تېيىز بولۇپ قالدى. ئۆزۈم ئويلىغان تەرەپلىرىمنى ئېچىپ بېرەلمىدىم. ئىلگىرى يازغان« چانايمەنگە جاۋاپ» ، « كىمنى ئالسام بولاركىنگە جاۋاپ» ، « ئۆيلەنمىسە بوپتۇ دىدىم »  دىگەن شېئىرلىرىمنى يېزىپ بولۇپ شۇنداق پۇخادىن چىققاندەك بولغان ئىدىم. گەرچە بەك كاتتا يازالمىساممۇ ئۆزۈم دىمەكچى بولغىنىمنى ئىپادىليەلىگەندەك ھېسىياتتا بولغان ئىدىم. بىراق بۇنىڭدا ئۇنداق تۇيغۇدا بولالمىدىم. نۇرلان ئاكام بەك ياخشى يېزىپتىكەن..... ياخشى جاۋاپ بولماي قالدى.

Ayshemgul

bayawat يوللىغان ۋاقتى  2014-12-9 18:30
ئۇسساپ قالساڭ كەلگۈچە جېنىم، چايلىرىڭغا قەنت ناۋات سا ...

ھې ھې... ياقتۇرغىنىڭىزغا رەھمەت! چاچلىرىمدا توپاڭنى قاقاي دىگەننى چاچلىرىمدا ئۈستۈڭنى قاقاي دىسە سەل ياخشى بولامدۇ قانداق ھە. ئالدىنقى ئىشلەتكىنىم سەل قوپالدەك.