[شېئىر]ۋەدە يوق بولسۇن

Ayshemgul

ۋەدە يوق بولسۇن

ۋەدە ئالغان بولسام سېنىڭدىن،
ئازاد قىلدىم ۋەدە يوق بولسۇن.
سېنى تەڭلىك،خىجىلدا قويغان،
كۆرۈنمىگەن كىشەن يوق بولسۇن.

رەنجىمەيمەن سېنىڭدىن ھەرگىز،
چۈنكى سەنمۇ ئاجىز بىر بەندە.
رەنجىتىش يوق،رەنجىشمۇ يوقتۇر،
ئىمان ئورۇن ئالغان قەلىبتە.

ئۆكۈنمەيمەن سۆيگەنلىكىمدىن،
سۆيۈشۈمگە ئەرزىگەچ سۆيگەن.
بۇ سۆيگۈلەر قالسۇن دىلىمدا،
ئۇ بىر گۈلدۇر دىلىمدا ئۈنگەن.

سېغىنىشنىڭ ئوتى قىينىسا،
دۇئالاردا پەسلىتەي ئۇنى.
ئاللاھ يۆلەك ماڭا ھەرقاچان،
كېتىۋەرگىن ئەستە تۇت بۇنى.

ئۇنىتاي دەپ ئۆزەمنى قىيناپ،
يۈرمىگەيمەن ۋاقىتقا قويدۇم.
بىر كۈن بەختىم تاپارمەن مەنمۇ،
بۇ ئۈمۈدنى يۈرەككە ئويدۇم.

ئايشەمگۈل
2014.11.14

«سېھىر»نىڭ”ھاياتىمدىن چىقىپ كەت جېنىم“دىگەن شېئىرىغا بىر كوپلىت ئەگىشىپ بولغاندىن كىيىن تۇرۇپلا مەندىمۇ شۇنداق بىر تۇيغۇ پەيدا بولۇپ قالدى.ئىسسىقىدا يېزىۋالدىم مانا.(بىر كۆزىنى قىسىپ،تىلىنى چىقىرىپ كۈلگەندىكى ئىپادە)

پىنھانx

ناھايتى ياخشى يېزىپسىز

سىھىر

بەكمۇ ياخشى يېزىپسىز ،شىرىڭىزنى ئۇقۇپ ئۈزۈمنىڭ تېخې خاملىقىمنى سەزدىم ،ماڭا بەكمۇ ياختى

Ayshemgul

سىھىر يوللىغان ۋاقتى  2014-11-14 18:29
بەكمۇ ياخشى يېزىپسىز ،شىرىڭىزنى ئۇقۇپ ئۈزۈمنىڭ تېخې خ ...

ھاي ھاي،ما گەپ بولمىدى.ئەگەر سىزنى خام دىيىشكە توغرا كەلسە مەنمۇ سىز بىلەن ئوخشاش خامدىن.يۇقىرى دىيىلسە خاملىق دەرىجەم يۇقىرى بولىشى مۇمكىن.ماندا گەپ قىلىپ ئادەم خىجىل قىلمايمىز.ھەددىدىن زىيادە كەمتەرلىكمۇ ئادەمنى خىجىل قىلىپ قويىدىكەن.سىز شېئىرنى شۇنداق ياخشى يازغاچ ئىلھامىم تۇتۇپ قالدى مېنىڭ.ئېنىقىنى ئېيتسام دورىغۇم كەلدى.ماندا ئادەم خىجىل قىلمايمىز جۇما

alxir

يازمايسىز، بىر يازسىڭىز بىر نەچچىنى يازىسىز ھە
نېمە دەرت كەلگەندۇ بېشىڭىزغا

Ayshemgul

alxir يوللىغان ۋاقتى  2014-11-14 18:59
يازمايسىز، بىر يازسىڭىز بىر نەچچىنى يازىسىز ھە
نېمە  ...

قايسى دەرتنى ئېيتاي مەن سىزگە،
دەرتلىرىم كۆپ تۈگىمەيدىغان.
دەرتلىرىمنىڭ بىرى سىز ئەلشىر،
مازاق قىلىپ توختىمايدىغان.

Ayshemgul

alxir يوللىغان ۋاقتى  2014-11-14 18:59
يازمايسىز، بىر يازسىڭىز بىر نەچچىنى يازىسىز ھە
نېمە  ...

قايسى دەرتنى ئېيتاي مەن سىزگە،
دەرتلىرىم كۆپ تۈگىمەيدىغان.
دەرتلىرىمنىڭ بىرى سىز ئەلشىر،
مازاق قىلىپ توختىمايدىغان.

alxir

Ayshemgul يوللىغان ۋاقتى  2014-11-14 19:08
قايسى دەرتنى ئېيتاي مەن سىزگە،
دەرتلىرىم كۆپ تۈگىمەي ...

كىمدۇر ئاشۇ سىزنى قىينىغان،
دەردىڭىزگە دەرمان بولمىغان.
ھېچ بىراۋغا دەرت ئەمەس ئىدىم،
مەن "دۆت"مۇ يا چۈشەنمەيدىغان.

نۇرلان

ئايشەمگۈلنىڭ قەلىمى بارا-بار پىششىپ قاپتۇ. قەلىمىڭىز يەنىمۇ بەرىكەتلىك بولغاي.

19820412

ھەقىقەتەن ياخشى يېزىلغان شىئېركەنغۇ بۇ! قولىڭىزغا دەرت كەلمىسۇن!