[شېئىر]ئىنشائاللاھ،خوشال ياشايمەن!

Ayshemgul

ئىنشائاللاھ،خوشال ياشايمەن!

ھەر مۈشكۈلدىن ئامان قىلدى ئۇلۇغ ئاللاھىم،
بولار- بولماس غەملەرنى بەس!ئەمدى قىلمايمەن.
ئىلتىپاتى ياغار ھەرچاغ مېنىڭ ئۈستۈمدىن،
ئەمدى ۋەدەم:"ئىنشائاللاھ،خوشال ياشايمەن!"

ئېرىشكەننىڭ ھەممىسىنى ئاللاھىم بەرگەن،
بار چېغىدا شۈكرى قىلىپ،قەدرى قىلغايمەن.
تارتىۋالسا سىنىماق بوپ بۇلارنى مەندىن،
سەۋرىم بىلەن،ئىنشائاللاھ،خوشال ياشايمەن!

بەرسە كېسەل شىپانىمۇ بېرەر ئاللاھىم،
ئۈمۈد بىلەن ساقايماققا سەۋەپ قىلغايمەن.
ساقايغۇچە گۇناھىمغا بولۇر كەفارەت،
ئەجىر تىلەپ،ئىنشائاللاھ،خوشال ياشايمەن!

مۇكەممەللىك ئاللاھقا خاس،بىزدە نۇقسان كۆپ،
كەڭ قورساقلىق،كەچۈرۈشنى ئادەت قىلغايمەن.
قاقشاش،غەيۋەت،ئاغرىنىشتىن ئۆزۈمنى تارتاي،
قەلبىم پاكلاپ،ئىنشائاللاھ،خوشال ياشايمەن!

ئاجىز قىزمەن،كۈچلۈك قىلار بىلىم - مەرىپەت،
كۈچلۈك بولۇپ ئاجىزلارغا يۆلەك بولغايمەن.
سۆيگۈ بېرەي،سۆيگۈ بولغاچ گۈزەلدۇر ئالەم،
سۆيگۈم بىلەن،ئىنشائاللاھ،خوشال ياشايمەن!

"كۈلكە-يىغا بىر تۇققاندۇر"،يىغلىماقمۇ بار،
يىغلاپ بولۇپ ياشلىرىمنى پاكىز سۈرتكەيمەن.
ئەستە تۇتاي "قايسى كۈنلەر ئۆتۈپ كەتمىگەن؟!"
چىدام بىلەن،ئىنشائاللاھ،خوشال ياشايمەن.

مېھرىبانىم ئاللاھ مېنى سۆيەر "بەندەم" دەپ،
رەسۇلۇممۇ كۆز يۇمغۇچە ئۆتتى "ئۈممەت"  دەپ.
ئاتا-ئانام ياشاپ ئۆتتى "گۈلۈم،قىزىم" دەپ،
شۇلار ئۈچۈن،ئىنشائاللاھ،خوشال ياشايمەن!
-ئايشەمگۈل.
2014.11.12

بىر كوپلىت قوشۇپ قويدۇم،تەستىقلاپ قويغان بولساڭلار،ئاۋارە قىلدىم،رەھمەت،ھارمىغايسىلەر!

جام

ئەسسالامۇ ئەلەيكۇم ھۆرمەتلىك «ئايشەمگۈل» خانىم، كۆپ ۋاقىتلار بولدى سىزنى مۇنبەردە كۆرمىگىلى، نەلەرگە كەتكەن ئىدىڭىز
شېئىرىڭىز بەك ياخشى چىقىپتۇ، ھارمىغايسىز، سىزگە شۇنداق خوشاللىق يار بولسۇن!

alxir

ئەسسالامۇ ئەلەيكۇم، باركەنسىز ھە
جىمجىت يوقاپ كەتمەڭ دەيمە
قولىڭىزغا دەرت كەلمىسۇن

ئەزھەر36

ناھايىتى ياخشى يېزىپسىز ، قولىڭىزغا بەرىكەتلەر يار بولغاي .

19820412

ياخشى يېزىلىپتۇ، روھلاننىڭ تەرەققىياتى ئۈچۈن ھەممىز ئورتاق كۈچ چىقىرايلى!

Ayshemgul

جام يوللىغان ۋاقتى  2014-11-12 20:42
ئەسسالامۇ ئەلەيكۇم ھۆرمەتلىك «ئايشەمگۈل» خانىم، كۆپ ۋ ...

ۋەئەلەيكۇم ئەسسەلام!!!
بايا مەن مۇنبەردە ئەينا ھې ھې...شۇ ،ئىلھام يوق...يۈرۈپ كەتتۇق!بۈگۈن شۇ ئانچىكى كىلىپ قاپتىكەن،زورلاپ يۇرۇپ روھلانداشلار بىلەن كۆرۈشۈش ئۈچۈن مۇنۇ شېئىرىمنى يېزىۋەتتىم.شۈكرى،تەستىقلىنىپتۇ.
ئىسمىمنى قوش تىرناق ئىچىگە ئېلىۋاپسىز ھە جاااااااااام ئەپەندىم،ھې ھې...
ياخشى تىلەكلەر ھەممەيلەنگە بولسۇن!رەھمەت!

ئالمىچى

ناھايتى ياخشى يىزىپسىز شىئىرنى، بەك ياقتۇردۇم

جام

Ayshemgul يوللىغان ۋاقتى  2014-11-12 21:52
ۋەئەلەيكۇم ئەسسەلام!!!
بايا مەن مۇنبەردە ئەينا ھې ھې... ...

كۆپ ۋاقىتلار جىملا يۈرۈپ كەتتىڭىز، شۇنى دەيمەنغۇ. شۇنچە ۋاقىتلاردىن بېرى سىزنىڭ ئىلھامىڭىزنىڭ يوقاپ كېتىشىگە قايسى ئىشلار سەۋەب بولغاندۇ بىر دەۋەتمەمسىز قېنى
مۇبارەك نامىڭىزنى قوش تىرناق ئىچىگە ئېلىشتا باشقا ئالاھىدە ئىشمۇ يوق، بۇ بىر ئىملا قائىدىسىدىكى بىر رىئايە قىلىشقا تېگىشلىك ئىشلارنىڭ بىرى. ھەرقانداق بىر تورداشنىڭ نامىنى ئاتىغاندا قوش تىرناق ئىچىگە ئېلىپ يېزىش مىنىڭ تور دۇنياسىغا كىرگەندىن بويانقى ئىزچىل قوللىنىپ كېلىۋاتقان ئادەتلىرىم ئىدى.

Ayshemgul

alxir يوللىغان ۋاقتى  2014-11-12 20:48
ئەسسالامۇ ئەلەيكۇم، باركەنسىز ھە
جىمجىت يوقاپ كەتمە ...

ۋەئەلەيكۇم ئەسسەلام.باغۇ مەن!ھې ھې...
يوقاپ كەتمەيمەن ئىنشائاللاھ!
رەھمەت!

Ayshemgul

ئەزھەر36 يوللىغان ۋاقتى  2014-11-12 21:04
ناھايىتى ياخشى يېزىپسىز ، قولىڭىزغا بەرىكەتلەر يار بو ...

رەھمەت رەھمەت رەھمەت!!!ھې ھې....ياخشى تىلەكلەر بىرگە بولسۇن!