[شېئىر]يۈرەك سۆزۈم

Ayshemgul

يۈرەك سۆزۈم

يۈرگىنىمدە جىمجىت،رېتىملىق،
بىرى ئىشىك چېكىپ كەلدىلەر.
"نىمە كېرەك؟"سورىسام ئۇندىن،
كۆڭلى بارمىش،دەرتلەر ئېيتتىلەر.

تۇرۇپ كەتتىم سۈكۈتتە بىر پەس،
مۇھاببەتتىن سوۋىغان كۆڭلۈم.
"جاۋابىڭنى ئاڭلىسام" دىدى،
بايان قىلدىم چىن يۈرەك سۆزۈم.

"بېرەلمىسەڭ مەن كۈتكەن بەخىت،
تۇرمۇشۇمغا سىڭىپ كىرمە سەن.
جىمجىتقىنە ئۆتەي مۇشۇنداق،
يالغۇزلۇققا مەن كۆنۈپ كەتكەن.

كۈتكەن بەختىڭ نىمىدۇر دىسەڭ،
ھالال بىر جۈپ بولۇپ ياشاشتۇر.
سۆيگۈ ۋاپا ئىشەنچىڭ بىلەن،
ئاسراش،قوغداش،كۆڭۈل ئاياشتۇر.

ئايالكەنمەن ئاجىزمەن چوقۇم،
ئاسرىشىڭغا مۇھتاج بىر ئۆمۈر.
ياش تۆككۈم يوق سېنىڭ سەۋەپلىك،
نەملىك بولسا ئۇپرار ھەم تۆمۈر.

كىيىم كېچەك،زىبۇ زىننەتنى،
ياخشى كۆرەر ھەممە قىز چوكان،
كۆڭۈل خوشال بولمىسا بىراق،
ئۇندىن بەخىت تاپقىنى يالغان.

جاپا بولسا چىدايمەن تۇرمۇش،
جاپا تاۋلار ئىرادىمىزنى.
كۆڭۈل ئازار خۇدا ھەم بىزار،
يىراق قىلار ئارلىقىمىزنى.

سۆيگەنكەنسەن پۇشايمان قىلما،
قولۇمنى تۇت،قويماسلىققا تۇت.
ئىشەنچىڭ يوق،بولسا بىلىڭ بوش،
يىراق تۇرغىن ۋاقتىدا ئۇنۇت.

قايتقىن،بارغىن ئۆيۈڭگە ھازىر،
ئويلا سۆزۈم يۈرىكىڭنى تۇت،
قۇرۇق ۋەدە كېرەك ئەمەستۇر،
ئەمەلىڭدە بۇ يۈرەكنى ئۇت."

ئىشىك ياپتىم كەتتى ئۇ دەرتمەن،
رازى بولدۇم ئۆز ئىپادەمدىن.
ئۇچرىغانلا بىرىگە ئورۇن يوق،
دەرتكە تويغان بۇ دىل خانەمدىن.

يالغۇز قالسام مەيلى ئۆزۈم بار،
ئۆز ئۆزۈمنى سۆيۈپ ئۆتكۈدەك.
خاتا كىشى پەيدا بولمىسۇن،
ھالىم يوقتۇر زەربە يىگۈدەك!

ئايشەمگۈل
2014.11.16

ADiL

ناھايىتى ياخشى يېزىلىپتۇ.
تەكلىپ：مىسرا ئوتتۇرسىدا كەلگەن پەشتىن كېيىن بىر بوشلۇق قۇيۇشقا ئادەتلىنىڭ، ئۇيغۇرتىلى ئىملا قائىدىسىدە تىنىش بەلگىسىدىن كېيىن بىر بوشلۇق قۇيۇلۇپ، كېيىنكى مەزمۇن يېزىلىدۇ.
مەنغۇ يانفۇندا ئىدىم خاتا كۆرۈنۈپ قالمىغانلا بولسا.

alxir

كىملەرگە دېگەن يۈرەك سۆزىڭىز بولغىيتى
ئانچە-مۇنچە دەپ تۇرسىڭىز بولغۇدەك.
ياقتۇردۇم.

Ayshemgul

ADiL يوللىغان ۋاقتى  2014-11-16 21:28
ناھايىتى ياخشى يېزىلىپتۇ.
تەكلىپ：مىسرا ئوتتۇرسىدا كەل ...

ياقتۇرغىنىڭىزغا رەھمەت!
سىز دىگەن ئىشتا مەن راستىنلا خاتالىشىپ يۈرۈپتىمەن. ئەمدى بىلىۋالدىم، ھې ھې...رەھمەت!
  مۇشۇ ئىنكاسنى يېزىۋىتىپمۇ يەنە شۇنداق قىپتىمەن. قايتا تەھرىرلىدىم.

Ayshemgul

[quote]alxir يوللىغان ۋاقتى  2014-11-16 21:28
كىملەرگە دېگەن يۈرەك سۆزىڭىز بولغىيتى
ھې ھې.....
يۈرەك سۆزلىرىمنىڭ ھەممىسى ھېلىمۇ روھلانغا تۆكۈلۈپ كەتتى. كۆرمەيۋاتامسىز؟!

سىھىر

ئايشەمگۈل ،ناھايتى ياخشى يېزىلغان بىر ئ‍ىسىل شىئ‍رنى سۇنغىنىڭىزدىن مەنمۇ بەك مەمنۇن بولدۇم،بۇ كۆڭۈلنى سۆيگۈنى ئۇيۇن ئورنىدا كۆرگەنلەر ئۈچۈن، ياخشى بىر سىگنال بوپتۇ،ئ‍ىلھاملىرىڭىز ئ‍ۇرغۇپ تۇرغاي،سالامەت بۇلۇڭ،

سىھىر

سىزنى سىڭلىم ياكى ھەدە دىيشنى بىلمەي قالدىم ،شۇڭا ئۇدۇل ئ‍ىسمىڭىزنى ئ‍اتاۋەردىم ،ھورمەتسىزلىكىمنى ئەپۇ قىلىڭ

Ayshemgul

سىھىر يوللىغان ۋاقتى  2014-11-17 02:50
ئايشەمگۈل ،ناھايتى ياخشى يېزىلغان بىر ئ‍ىسىل شىئ‍رنى  ...

ياقتۇرغىنىڭىزغا، ياخشى باھايىڭىزغا رەھمەت. تەنقىدى پىكىرلىرىڭىزنى ئايىمىغايسىز. سىز دىگەندەك كۆڭۈلنى ئويۇن ئورنىدا كۆرۈشكە بولمايدۇ. ئاللاھىم ھەممىمىزگە توغرا قاراش ئاتا قىلسۇن، ئامىن!
مەنمۇ باش سۈرىتىڭىزگە قاراپ بەك بىلىپ بولالمىغانتىم. مەن 85- يىلنىڭ. بىۋاستە تەخەللۇسىڭىزنى ئاتاۋەرگەن ئىدىم. ئوچۇق قىز ئىكەنسىز شۇڭا توغرا چۈشىنىدۇ دەپ ئويلىدىم. ھې ھې...

talwa

ئېسىل، ئېسىل   

نۇرلان

يۈرەك سۆزنى ئاممىباپ تىللار بىلەن ئىپادىلەپسىز، قەلىمىڭىز يەنىمۇ بەرىكەتلىك بولسۇن.