مەنمۇ كەتتىم،قېقىپ پېشىمنى

Ayshemgul

مەنمۇ كەتتىم،قېقىپ پېشىمنى

كۈتۈشلەرگە يوق ھىچبىر جاۋاپ،
يارنىڭ كۆڭلى مەندىن قالدىمۇ؟
ياخش كۆرۈپ باشقا يارلارنى،
ئاسىي بولۇپ مەندىن تاندىمۇ؟

تانسا تانسۇن يول ئوچۇق ھەرچاغ،
بەخىت تېپىپ كۈلسىلا بولدى.
ئويلىمىسۇن قايدا ئەھۋالىم،
مېنى ئاچچىق ئەلەمدە قويدى.

گۈزەل تىلەك باردۇر ھەرقاچان،
يوقاتماقلىق ئېغىر كەلسىمۇ.
رەنجىمەيمەن ياردىن ھىچقاچان،
چەكسىز ئەلەم،ئازاپ بەرسىمۇ.

بىۋاپا دەپ نام ئالغانچىلىك،
تاپقاي چوقۇم مەندىن ياخشىنى.
سۆيسۇن چوقۇم ئۆمۈرلۈك بولسۇن،
ئاققۇزمىسۇن كۆزدىن ياشىنى.

ئارقىسىغا قارىماي كەتسۇن،
ئىستىمىسۇن كۆرمەك يېشىمنى.
ئاقماس يېشىم،زارلىماس تىلىم،
مەنمۇ كەتتىم،قېقىپ پېشىمنى.

تاتلېق

ۋاھ  . . . . .   ھەقىقىتەن ياخشى شئىرىكەن .  مەن بەك ياقتۇردۇم . رەخمەت سىزگە ، بۇنداق شئىرنى ئۇچۇراتمىغىلى ئۇزۇن بۇپتىكەن .

نۇرلان

قەلىمىڭىز بارغانسىرى پىششىپ قېلىۋاتىدۇ. يەنىمۇ تىرىشىڭ.

ئالماس31

سىزگە ئۇچۇر يازسام يازمىدىڭىزا ئەجەپ  ئايشەمگۈل ھەدە

sultanbiz

پاھ پاھ ھەجەپ ئىسىل چىقىپتۇ ھەدە رەھمەت

ياسىن212

پەچچەت يىزىلىپتۇ جۇما

سارسان

مۇنبەرگە  قايتىپ كەلگىنىڭىز ياخشى بۇلۇپتۇ  ئۇزۇن بۇپتىكەن شىئىرىلىرىڭىزنى كۆرمىگىلى

altaxna

ۋاي مۇنبەردە سىزنى كۆرمەك ئەجەپ تەس بولۇپ كەتتىغۇ مۇشۇ كۈنلەردە

توغراق520

ھەقىقەتەن ياخشى يېزىپسىز ئاپېرىن سىزگە، بۇنىڭدىن كىيىنمۇ قەلەملىرىڭىزگە ڭر بەرىكەت تىلەيمەن.

Ayshemgul

ئەسسەلامۇ ئەلەيكۇم مۇنبەردىكى بارلىق تورداشلار.سىلەرنىڭ ئىزچىل مېنى قوللاپ،مەدەت بېرىپ كەلگىنىڭلارغا رەھمەت ئېيتىمەن.يېقىندىن بېرى سەل ئالدىراش بولۇپ قېلىپ مۇنبەردە ئىنكاس تېمىلاردا بولۇپ بولالمىدىم.بىراق مەن كۈندە ئاز دىگەندە ئىككى ئۈچ قېتىم روھلاننى زىيارەت قىلىپ چىقىمەن.بۇ جەرياندا سىلەرنىڭ تېمىللىرىڭلاردىن ھوزۇرلانغان بولساممۇ ئاۋاز قوشۇپ بولالمىدىم.كەچۈرۈڭلار.يەنە بىر قېتىم ماڭا مەدەت بەرگەن بارلىق تورداشلارغا رەھمىتىمنى بىلدۈرىمەن،رەھمەت سىلەرگە!