روبائىلار ۋە پارچىلار

مۇختار1

روبائىلار  ۋە پارچىلار
مۇختار يۈسۈپ
نىگارىم چاي قويۇپ بىللە ئىچەيلى،
ھاياتنىڭ ئىشىگىن بىللە چىكەيلى.
مەنزىللەر بەك ئوزۇن قالماي يىگانە،
قول تۇتۇپ نىشانغا بىللە يىتەيلى.

ھاياتلىق يوللىرى توقايلىق، ئوزۇن،
ئاچىدۇ ھەر قاچان بىزلەرگە قويۇن.
ھاياتىنىڭ مەنىسى يوقايدۇ بىلسەڭ
«داد!» ئىتىپ ئالدىدا ئىگلسە بويۇن.

قۇم بوران توسسا يولۇڭنى ئەگەر،
تىڭرىقاپ قالساڭ ھالىتىڭ بەتەر.
ھەركەتتە بەركەت بار مىڭۋەر ئالغا!
تۇرساڭلا ھاياتقا يىتىدۇ خەتەر.

ياخشىغا قارىغىن ياخىشى كۆز بىلەن،
ياخشنى ماختىغىن ياخشى سۆز بىلەن.
ياخشى كۆز، ياخشى سۆز ياخشىغا باھا
ياخشىلىق ئۆگەنگىن ياخشى ئۆز بىلەن.

ياماندا سۈر -ھەيۋە كېلىدۇ يامان،
چۈنكى ئۇ ئادەمدىن ئۆزگەرگەن قاۋان.
ياماندىن يىراق تۇر كۆرمەي ياخشىلىق
چىرايىڭ سارغىيىپ بولمسۇن سامان.

2014- يىلى 28- يانۋار.ئۇچتۇرپان

نۇرلان

مۇختار ئەپەندىمنىڭ قەلىمىگە بەرىكەت بولسۇن.