بىزارمەن(مۇختار يۈسۈپ)

مۇختار1

بىزارمەن

(بىر ئۆمۈر مىھنەتىسىز ئىش ۋە ئۇيۇن تاماشا بىلەن يۈرۈپ ھاياتىنى مەنىسىز ئۆتكۈزگەن كىشىنىڭ قېرىغاندا پوشمانلىق سۆزلىرىنى ئاڭلىغاندىن كېيىن)

ھىدايەتلىك يوللاردىن ئازغىنىڭدىن بىزارمەن،
ھەقىقەتتىن يالىتىيىپ تازغىنىڭدىن بىزارمەن،
ھاياتلىقىنىڭ ھەر قاچان باردۇر مىزان قانۇنى
ئۆز يۇلۇڭغا ئورىلار قازغىنىڭدىن بىزارمەن.

بۇ ھاياتلىق بەرگەنىتى ساڭا تالاي پۇرسەتنى،
تۇتالمىدىڭ ئۇنى چىڭ قىلاي دىمەي خىزمەتنى
تاما قىلىدىڭ قانۇ- تەر تۆكمەي يەنە قىممەتىنى
بىغەملىكىتىن يېڭى بەت ئاچقىنىڭدىن بىزارمەن.

باللىقىنى ئۆتكۈزدۈڭ  ئۇيۇن بىلەن شوخلۇقتا،
باللىقىنى ئۆتكۈزۈدۈڭ ئەركىلەشتە تۇقلۇقتا،
قىيىق ئېتىپ ئۆتكۈزدۈك گاھى سايدا،ئوتلۇقتا
خۇددى قايناپ قازاندەك تاشقىنىڭدىن بىزارمەن.

بۇ دۇنيادا سىنىڭدەك  نادان ، گۈدەك بالا يۇق،
ھاي دەپ قويغان كىشىگە قىلدىڭ تەنە، تاپا- دۇق
يۇرەكلىرى مۇجۇلدى ھەركىشىمۇ بۇلۇپ قۇق
ئۆز-ئۆزۈڭگە لەنەتلەر تاپقىنىڭدىن بىزارمەن.

ياشلىقىڭىدا كىرىلدىڭ ئارمىنىڭغا يىتەلمەي،
ئارزۇيۇڭنىڭ ئىشىڭىن ھەتتا بىر رەت چىكەلمەي
ئىشتان ئاشماس تىزىڭدىن بىرنى ئىككى ئىتەلمەي
قىلغىنىڭدىن خۇۋلۇقىنى تارىتقىنىڭدىن بىزارمەن.


ياشلىقىڭدا بوزلارغا بىر تۈپ دەرەخ تىكەلمەي،
پىشانەڭدىن تەر تۈكۈپ ئۇنى پەرۋىش ئىتەلمەي،
ھاياتلقنىڭ بېتىگە زىننەت- نەقىش چىكەلمەي
زەرىچىلىك مۈشكۈلدىن قاچقىنىڭدىن بىزارمەن.

قىرىغاندا سەن ھەتتا ئايرىلغاندا ماداردىن،
ئۈمىد كۈتۈپ تۇردىڭغۇ جەيناماندىن،تۇماردىن
ياشلىقىڭنى ئەسلەيسەن،  چىقالمىغاچ خۇماردىن
بارلىقىڭىنى خاماندا چاچقىنىڭدىن بىزارمەن.

ۋاقىت دىگەن ئاتقان ئوق ئۈتۈپ كەتسە كەلمەيدۇ،
بىر رەت ئۈتۈپ كەتتىمۇ قايتا پۇرسەت بەرمەيدۇ،
پۇشايمانۇ ، ئازاپلا يۈرەكىڭدە تۈنەيدۇ
نالە ئۇقۇپ تولغىنىپ ياتقىنىڭدىن ىزارمەن.

نۇرلان

مۇختار ئەپەندىمنىڭ ئېسىل مەزمۇنلۇق شېئىرلىرىدىن خوشال بولدۇم.
تەكلىپ: تىنىش بەلگىلەرگىمۇ ئەھمىيەت بەرسىڭىز.

نەۋرۇز

يازمڭىزدىن سويۈندۇم. ياخشى يازمىلارنى روھلاندىن ئايمىغايسىز