نورۇز دېمەك يىل بېشى، ئىشىنىڭ بېشى(مۇختار يۈسۈپ)

مۇختار1

نورۇز دېمەك يىل بېشى، ئىشىنىڭ بېشى
(نورۇزنامە)
مۇختار يۈسۈپ
كەلدى نورۇز، كەلدى باھار باشقىچە،
باش كۆتۈردى جانلىقتىن ئوتياشقىچە،
ئېرىقتا ئەگىز سۈيى ئويناپ ئاقار،
چاچرىتىپ مارجانۇ-ئۈنچە قاشقىچە.
نورۇز بوۋاي ئويغىتار ئۇشبۇ دەقىق،
بىخۇد، بىغەم قالسا قېرى– ياشقىچە،
ھەممىنىڭ ئۈستىبېشى بولغاي يېڭى
تاپار زىننەت چېھرى ھەتتا چاچقىچە
بالىلار بۆكنى ئېتىپ بولار خۇشال
تال چىۋىقىنى ئات قىلىپ چاپ-چاپقىچە
ھەر جايدا نورۇز كۈي جاراڭلىغاي،
ئويناپ ساما ھەتتا غەزەل  قاتقىچە.
ئۇندا خوراز سوقىشار، بۇندا قوچقار،
ئۇندا بەيگە، بۇندا ئوغلاق تارتقىچە
چېلىشىش ئەۋج ئالار مەيدان ئارا
ھايىت ھۇيىت بىلەن كۆتۈرۈپلاباسقىچە.
نورۇز ئېشى قايناپ تۇرار قازاندا،
ئېغىز تېگەر ھەر كىشى يەپ ئاشقىچە.
نورۇزنىڭ بەركىتى كۆپ، ھەركىتى كۆپ
يېڭىلىنىپ بارار ئىدىيە- قاراشىچە.
نورۇز دېمەك يىل بېشى،ئىشنىڭ بېشى
ئېتىزدا قاينايدۇ ئەمگەك كۈزگىچە.
تامچە تەردىن مارىلار مىڭلاپ ھوسۇل
تولۇپ كېتەر ھەتتا قازناق تاشقىچە.
مەرھابا، كەل نورۇزۇم ،نورۇزۇم كەل،
يولۇڭغا شېئىر چاچاي گۈل چاچقىچە.