ھايات قىممەت، ھايات بىباھا (مۇختار يۈسۈپ)

مۇختار1 · ۋاقتى: 2014-2-28 15:57:48

بۇ يازمىنى ئاخىرىدا ئونسۇ تەھرىرلىگەن. ۋاقتى 2014-2-28 19:10

ھايات قىممەت، ھايات بىباھا
(ئازغان ياشلارغا نەسھەت)
مۇختار يۈسۈپ

سۆز بولغاندا ھايات ھەققىدە،
ھەر كىشىنىڭ ئۆز مىزانى بار.
شۇ مىزانغا سىڭگەن ئەقىدە،
مەقسىتىنىڭ مىڭ ئۇرانى بار.

ھاياتلىقىنى سۆيەر بەزىلەر،
ھاياتلىققا كۈيەر بەزىلەر.
ھاياتىدا ئەجىر ھوسۇل قىپ،
ئەلگە مېۋە تۆكەر بەزىلەر.

بەزىلەر بار ئارىمىزدا خار،
ھەر كۈنلىكى چېكەر ئاھۇ- زار.
ھەر بىر مىنۇت ئۆتۈپ لەختە قان،
ئۇنى بوغۇپ بارار ئەجەل- دار.

بىر قەدەملىك باسقان خاتالىق،
ھاياتىنى خار- زەبۇن ئەيلەر.
روھى جىسمى مەجرۇھ، گۇم بولۇپ،
پۇشايمان، دەرد بارنى چەيلەر.

ھايات قىممەت، ھايات بىباھا،
قەدىرلەيلى ئۇنى ھەر قاچان.
تاغدەك ئالتۇن-تىللا بەرسەكمۇ،
سېتىپ ئېلىش بولمايدۇ ھامان.

ئىدرسجان · ۋاقتى: 2014-2-28 23:22:30

قولىڭىزغا دەرىت كەلمىسۇن،

مۇرات007 · ۋاقتى: 2014-2-28 23:26:00

رەخمەت ماۋۇنىمۇ سالۇنغا چىقارسا بولغۇدەك ئاتامان

نۇرلان · ۋاقتى: 2014-3-1 00:00:59

مۇختارجاننىڭ شېئىرىگە مۇبارەك بولسۇن. ياخشى چىقىپتۇ.

sultanbiz · ۋاقتى: 2014-3-2 00:30:38

رەھمەت ئۈستاز ھارمىغايسىز
سىزگە ۋە ئائىلىڭىزگە ئەسسالامۇ-ئەلەيكۇم.....

مۇختار1 · ۋاقتى: 2014-3-13 01:03:16

رەخمەت، سىلەرگە دوسىتلار.

نەۋرۇز · ۋاقتى: 2014-3-13 15:17:38

مۇشۇنداق تەربىۋى ئەھمىيتى بار ئەسەرلىرىڭىزنىڭ روھلاندىن ئايىمىغايسىز مۇختارجان.

ھايات قىممەت، ھايات بىباھا (مۇختار يۈسۈپ)

باھالاش

كۆرگەن سەھىپە

ئالاھىدە تەۋسىيە /1