ئەدەپنامە (سەۋر)

ئاتا

سەۋر-بېشىمىزغا كەلگەن بالا-قازالارغا چىداپ تاقەت قىلىشنى كۆرسىتىدۇ. ھەر قانداق ئىشتا سەۋر ۋە سۇغۇققانلىق بىلەن ھەرىكەت قىلىش لازىم. چۈنكى بېشىمىزغا كىلىدىغان بالا-قازا، زەخمەت ۋە مۇشاققەتلەرنىڭ بارچىسى جانابى ھەقنىڭ ئىرادىسى بىلەن بۇلىدىغانلىقى ئۈچۈن، بۇلارغا سەۋرسىزلىك قىلغان كىشىلەر ئەجىر ۋە ساۋابتىن قۇرۇق قالۇرلەر.
ئىنسان ھەر قانداق ئىشتا سەۋرچان ۋە چىداملىق بولسا، مەقسىدىگە تىنىچ ۋە راھەتتە يىتىدۇ ۋە ھەمىشە سائادەتتە ياشايدۇ.
) G- G8 B) c! r9 x7 Z: e# o4 e: hنەپسىنى سەۋر بىلەن بويسۇندۇرغان كىشى ھەر قانداق ئىشتا ئالدىراقسانلىق قىلماي، ئەستايىدىل ھەرىكەت قىلىدۇ. نەپسىنى ھالاكەتتىن، مەغرۇرلۇقتىن ساقلايدۇ. سەۋر شۇنداق كۈچلۈك بىر نەرسىدۇركى، شەھۋەتنى ئىپپەتكە، غەزەپنى شىجائەتكە، قاتتىقلىقنى ياۋاشلىققا، چوڭچىلىقنى كەمتەرلىككە، يامانلىقنى ياخشىلىققا ئايلاندۇرۇشقا قادىردۇر.
«ئەدەپنامە»دىن ئېلىندى