ئەدەپنامە (تىرىشچانلىق ۋە غەيرەت)

ئاتا

تىرىشچانلىق ۋە غەيرەت دەپ ئۈستىگە يۈكلەنگەن ئىبادەت ۋە خىزمەتلەرنى ھەرىكەت ئارقىلىق ئادا قىلماققا ئېيتىلۇر. شەرىئەت ۋە ئەقىل يۈزىسىدىن قارىغاندا ھۇرۇنلۇق قىلىپ، ئىشلىمەي بىكار يۈرۈش دۇرۇس ئەمەس. چۈنكى، قۇرئان كەرىم بىزلەرنى تىرىشىشقا دەۋەت قىلىدۇ ۋە بۇيرۇيدۇ. ئىشياقماسلىق ئىنساننى ھەر ۋاقىت خار ۋە تەمە بالاسىغا گىرىپتار قىلىدۇ. بىرەر ئىشقا مەشغۇل بولغان كىشىلەر ۋاقىتنىڭ ئۆتكىنىنى بىلمەي قالىدۇ، ھۇرۇن كىشىلەر ئۈچۈن بىرەر سائەتنى ئۆتكۈزمەك قىيامەتتىن قىيىندۇر.
6 U! T8 Y# Z1 e. v, d( `6 W4 Aغەيرەت-ۋۇجۇدىمىز سائادىتىنىڭ قۇۋۋىتى ۋە بەختىيار بۇلىشىمىزغا سەۋەبتۇر. شۇنىڭ ئۈچۈن ھەر بىرىمىز تىرىشىپ، ئۆز كۈچىمىز بىلەن مەئىشىتىمىزگە كېرەكلىك نەرسىلەرنى تېپىپ، باشقىلارغا مۇھتاج بولماي راھەت-پاراغەتتە ياشىشىمىز لازىم.
# ]- N6 X) G* C5 L. f4 B$ Nكىشى ياش ۋاقتىدا ئىلىم ۋە مەرىپەت، ھۆنەر ۋە سەنئەتنى كۆڭۈل قۇيۇپ ئۆگەنمىسە، ئەلۋەتتە قارا ئىشچى بۇلۇپ قالىدۇ. سەنئەتكە خىلاپ، قانۇنغا زىت بولمىغان ھەر قانداق ئىشنى قىلىش ئەيىب ئەمەس. ئەگەر بۇ ئىشلارغىمۇ ئۇنىماي، بۇ دېگەن كۆمۈرچىلىك، ئۇ دېگەن تۆمۈرچىلىك، ماڭا مۇناسىپ ئەمەس، دەپ ئىشياقماسلىق قىلىپ لاغايلاپ يۈرسە، بۇ زور ئەيىب، غەيرەتسىزلىكتۇر.