ئەدەپنامە (ئىلىم)

ئاتا

ئىلىم-ئوقۇش، يېزىشنى ياخشى بىلىشكە، كېرەكلىك ھەر بىر نەرسىنى ئۆگىنىشكە قارىتىلغان. ئىلىم-دۇنيانىڭ ئىززىتى، ئاخىرەتنىڭ شاراپىتىدۇر. ئىلىملىك بۇلۇش ئىنسان ئۈچۈن غايەت ئالىي ۋە مۇقەددەس بىر پەزىلەتتۇر. چۈنكى، ئىلىم بىزگە ئۆز ئەھۋالىمىزنى، ئىش-ئەمىلىمىزنى ئەينەككە ئوخشاش كۆرسىتۇر؛ زېھنىمىزنى، پىكىرىمىزنى قىلىچقا ئوخشاش ئۆتكۈر قىلۇر؛ ساۋابنى گۇناھتىن، ھالالنى ھارامدىن، پاكىزنى چىركىندىدىن ئايرىپ بىرىدۇ؛ بىزنى توغرا يولغا باشلاپ، بۇ دۇنيا ۋە ئاخىرەتتە بەخىتلىك بولۇشىمىزغا سەۋەب بۇلىدۇ. ئىلىمىنىڭ پايدىسى شۇنچىلىك كۆپكى، تەرىپلەپ تۈگەتكىنى بولمايدۇ. ئىلىم بىزلەرنى جاھالەت قاراڭغۇلىقىدىن قۇتقۇزىدۇ، مەدەنىيەت، ئىنسانىيەت، مەرىپەت دۇنياسىغا چىقىرىدۇ، يامان پىئىللاردىن، بۇزۇق ئىشلاردىن قايتۇرىدۇ، ياخشى خۇلق ۋە ئەدەپ ئىگىسى قىلىدۇ، ئاللاتائاللاغا بولغان مۇھاببەت ۋە ئېتىقادىمىزنى ئاشۇرىدۇ. جانابى ھەقنىڭ بۈيۈكلىگى ۋە قۇدىرىتىنى بىلدۈرىدۇ. قىسقىسى، پۈتكۈل ھاياتىمىز، سالامەتلىكىمىز، سائادىتىمىز، بايلىقىمىز، مەئىشىتىمىز، ھىممىتىمىز، غەيرىتىمىز، بۇ دۇنيالىق ۋە ئۇ دۇنيالىقىمىز ئىلىمگە باغلىقتۇر.
پەيغەمبىرىمىز ئېيتىدۇ:«ئىلىمگە ئەمەل قىلغۇچىلاردىن بولۇڭلاركى، نەقىل ۋە رىۋايەت قىلغۇچىلاردىن بولماڭلار»
6 R6 j# X2 O& D0 f' i, ~' f«ئەدەپنامە»دىن ئېلىندى