ئەدەپنامە (قانائەت)

ئاتا

قانائەت-جانابى ھەق تەرىپىدىن ئېھسان (ئىنئام) قىلىنغان ئەھۋالغا، ئېرىشكەن نېمەت ۋە بايلىقلارغا شۈكۈر قىلىشنى، بېشىمىزغا كەلگەن پېقىرلىك، مۇسىبەت، پالاكەتلەرگە چىداپ، سەۋر قىلىشنى كۆرسىتىدۇ.
قانائەت-ھەسەت، تەمە، ھېرىس، خارلىق قاتارلىق ئىللەتلەرنىڭ داۋاسى، نەپسىمىزنىڭ تىزگىنىدۇر.
قانائەت بىر خەزىنىدۇركى، ئىچىدىكى بايلىقلار كۈنسېرى ئارتقۇسى، بۇ خەزىنىگە ئېرىشكەن كىشى ئۆمۈرلىرىنى راھەت-پاراغەتتە ئۆتكۈزگۈسى. شۇنىڭ بىلەن بىللە، قانائەتسىزلىكتىن پەيدا بولىدىغان ھەسەتخورلۇقتىن-جاننىڭ ئەڭ زور دۈشمىنىدىن قۇتۇلىدۇ.
) Q# U, |: I# h  @جانابى ھەق نىمىنى بەرسە شۇنىڭغا قانائەت قىلىش لازىم. چۈنكى ئىنسان ئۆز مەئىشىتىنى، نۇمۇسىنى ساقلاش ئۈچۈن جېنىنى پىدا قىلىش دەرىجىسىگە قەدەر تىرىشماق، كۆرەشمەككە بۇيرۇلمىشتۇر. لېكىن بۇنىڭ مەشرۇئى (شەرىئەتكە ئۇيغۇن، مۇۋاپىق) شەرتى ھەر بىر ئىشتا قانائەتنى قولدىن بەرمەسلىكتۇر. ئالەمدە قانائەتتەك دىلنى پاكلايدىغان نەرسە يوقتۇر. جانابى ھەقنىڭ ئەمرىگە ئىتائەت قىلىش سائادەت بولسا، تەقدىرگە قانائەت قىلىش زىيادە بەختىيارلىقتۇر.